MACAAFA FAARFANNAA 135
135
Gocha Waaqayyo Isa Jiraataa Jajachuu
1Waaqayyoon jajadhaa, maqaa Waaqayyoo jajadhaa!
Isin yaa hojjetoota Waaqayyoo, jajadhaa!
2Mana Waaqayyoo keessa,
oobdii mana Waaqayyo keenyaa keessas
warri dhaabattan, jajadhaa!
3Waaqayyo gaarii waan ta'eef, isa jajadhaa!
Maqaa isaa isa namatti tolu faarfadhaa!
4Waaqayyo Yaaqoobin fo'ateera,
Israa'elin dhuunfaa isaa godhateera*.#4 Bau 19:5-6
5Waaqayyo guddaa akka ta'e,
gooftaan keenyas waaqayyolii hundumaa akka caalu
anoo beeka*.
6Bantii waaqaa irratti, lafa irrattis,
galaanotaa fi tuujjuba hundumaa keessatti,
Waaqayyo waanuma isatti tole in hojjeta.
7Inni duumessoota andaara lafaatii ol in kaasa,
bokkaa duukaa balaqqeessa in fida,
qilleensas gombisaa isaa keessaa in baasa*.#5 86:8; 115:3-4 7 Er 10:13
8Inni nama yookiis horii angafa ta'ee
warra Gibxiif dhalate in dha'e*.
9Yaa biyya Gibxi, inni si keessatti
Fara'oonii fi hojjetoota isaa hundumaa irratti
milikkita argisiisee dinqii hojjeteera*.
10Inni saba baay'ee rukute,
mootota jajjaboo ajjeese;
11Sihoonin mootii Amoorotaa,
Oogin mootii biyya Baashaan,
mootummoota Kana'aan hundumaas isatu balleesse;
12inni biyya isaanii akka dhaalaatti,
saba isaa Israa'eliif dhuunfaa godhee kenneef*.#8 Bau 12:29 9 78:42-52 10-12 Iya 11:23?12:24
13Yaa Waaqayyo, maqaan kee kan bara baraatti;
seenaan kees yaa Waaqayyo,
dhalootaa hamma dhalootaatti in yaadatama*.
14Waaqayyo saba isaatiif dhugaa in baasa,
hojjetoota isaatiifis in oo'a*.#13 102:12 14 Kes 32:36
15Waaqayyoliin saba lafa irraa meettii dha, warqee dha,
harka namaatiin hojjetamanis;
16afaan itti jira, garuu dubbachuu hin danda'an,
iji itti jira, garuu arguu hin danda'an;
17gurri itti jira, garuu ittiin hin dhaga'an,
afaan itti jira, garuu hafuurri isaan keessa hin jiru.
18Warri isaan tolchan,
warri isaan amanatanis
hundinuu akuma isaanii ti*.#15-18 96:5; 115:4-8
19Yaa mana Israa'el, Waaqayyoon ulfinaan jajadhaa!
Yaa mana Aaron, Waaqayyoon ulfinaan jajadhaa!
20Yaa mana Lewwii, Waaqayyoon ulfinaan jajadhaa!
Isin warri Waaqayyoon sodaattan,
Waaqayyoon ulfinaan jajadhaa!
21Waaqayyo inni Yerusaalem jiraatu,
Xiyoon keessatti ulfinaan haa jajamu!
Waaqayyoon jajadhaa*!#21 73:2
Currently Selected:
MACAAFA FAARFANNAA 135: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
