MACAAFA FAARFANNAA 126
126
Boo'ichi Gammachuutti Diddiiramuu Isaa
(Weedduu ittiin ol ba'an)
1Yeroo Waaqayyo warra Xiyoonitti galan deebisee fide,
nuyi akka warra abjuu abjootanii taane.
2Yommus nuyi kolfa duwwaa taane,
arrabni keenyas sagalee gammachuu guddisee dhageessise;
saba lafa irraa keessatti immoo,
<<Waaqayyo waan guddaa isaaniif hojjetee argisiise>>
jedhamee in dubbatama.
3Waaqayyo waan guddaa nuuf hojjetee argisiiseera;
nuyi warra gammachuu in taane*!#1-3 iz 1:1-3
4Akkuma biyya gara mirgaatii
manii bishaanii isa goge deebiftee guuttu,
yaa Waaqayyo, iddootti nu deebisi!
5Warri imimmaan dhangalaasaa sanyii facaasan,
sagalee gammachuu dhageessisaa in haammatu*.
6Inni sanyii facaafamuu baatee boo'aa adeemu,
bissii isaa baadhatee, sagalee gammachuu dhageessisaa
deebi'ee in gala*.#5 Mat 5:4 6 Isa 35:10; Yoh 16:20; Mul 21:4
Currently Selected:
MACAAFA FAARFANNAA 126: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
