MACAAFA FAARFANNAA 122
122
Jajuu Yerusaalem
(Weedduu ittiin ol ba'an; kan Daawit)
1<<Gara mana Waaqayyoo dhaqna!>>
yeroo anaan jedhanitti, ani nan gammade*.
2Ammas miilli keenya,
balbaloota kellaa kee keessa in dhaabata,
yaa Yerusaalem!#1 26:8; 42:4; Isa 2:3
3Yaa Yerusaalem,
ishee mandaraaf akka ta'utti ijaaramtee,
ishee tokkummaadhaan walitti hidhamtee*!
4Achitti gosoonni ol in ba'u;
gosoota Waaqayyoo ta'anii,
Israa'eliif akkuma abboomametti,
maqaa Waaqayyoof galata in galchu*.
5Achitti teessoowwan firdii,
teessoowwan mana Daawit dhaabamaniiru*.#3 48:12-13 4 Kes 16:16 5 1Mot 7:7
6Nagaa Yerusaalemiif kadhadhaa!
Warri si jaallatan itti tolee
gabiitti haa jiraatan*!
7Nagaan masaraa kee keessa,
gabiinis mana mootummaa kee keessa haa jiraatu!
8Sababii obboloota koo fi hiriyoota koof,
<<Nagaan si keessa haa jiraatu!>> nan jedha.
9Sababii mana Waaqayyoo gooftaa keenyaaf,
wanta gaarii argachuu kee nan barbaada!#6 Zak 4:7
Currently Selected:
MACAAFA FAARFANNAA 122: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
