MACAAFA FAARFANNAA 118
118
Gocha Isaa Hundumaa Yaadatanii Waaqayyoon Galateeffachuu
1Waaqayyo gaarii waan ta'eef,
gaarummaan isaas bara baraan waan jiraatuuf,
isaaf galata galchaa*!
2Sabni Israa'el,
<<Gaarummaan isaa bara baraan in jiraata>> haa jedhu!
3Manni Aaron,
<<Gaarummaan isaa bara baraan in jiraata>> haa jedhu!
4Warri Waaqayyoon sodaatan,
<<Gaarummaan isaa bara baraan in jiraata>> haa jedhan!#1 106:1; 107:1; 136:1-26; 1Sen 16:34
5Ani rakkina koo keessatti Waaqayyoon nan waammadhe,
inni immoo in owwaate, iddoo bal'aattis na baase.
6Waaqayyo gara koo erga ta'ee ani hin sodaadhu,
namni maal na gochuu danda'a*>>
7Waaqayyo na gargaaruudhaaf gara koo erga ta'ee,
ani gammachuudhaan
warra na jibban of jalatti nan ilaala.
8Nama amanachuu irra
Waaqayyotti kooluu galuu wayya*.
9Warra gurguddoota amanachuu irra,
Waaqayyotti kooluu galuu wayya*.#6 56:4; Rom 8:31; Ibr 13:6 8 Er 17:5-8 9 146:3
10Sabni lafa irraa hundinuu na marsan,
ani garuu maqaa Waaqayyootiin
of irraa isaan nan kuta.
11Isaan ana naanna'anii na marsan,
ani garuu maqaa Waaqayyootiin
of irraa isaan nan kuta.
12Isaan akka gurmuu kanniisaa anatti tuuta'an,
akka ibidda qoraattii kosorruus boba'anii in dhaamu;
ani garuu maqaa Waaqayyootiin
of irraa isaan nan kuta.
13Darbatamuu illee, akkan kufutti darbatameen ture;
Waaqayyo garuu na gargaare.
14Waaqayyo humna kootii fi faarfannaa koo ti,
inni fayyina koo anaaf ta'eera*.#14 Bau 15:2; Isa 12:2
15Sagaleen gammachuu, kan mo'ichaas,
godoo warra qajeelotaa keessatti in dhaga'ama;
<<Harki Waaqayyoo inni mirgaan
aangoodhaan in hojjeta.
16Harki Waaqayyoo inni mirgaan ol in kaafama,
harki Waaqayyoo inni mirgaan
aangoodhaan in hojjeta?.
17Anoo hin du'u nan jiraadha;
gocha Waaqayyoos tokko tokkoon nan hima.
18Waaqayyo jabeessee na adabeera,
garuu du'atti dabarsee ana hin kennine*.#18 2Qor 6:9
19Isaan keessa ol galee
Waaqayyoof galata akkan galchutti,
isin balbala kelloota qajeelummaa anaaf banaa!
20Kun balbala kellaa Waaqayyoo ti,
qajeelonni ittiin ol in galu*.
21Ati waan na jalaa owwaatteef,
fayyina koos waan anaaf taateef sin galateeffadha.#20 Isa 26:2
22Dhagaan inni warri ijaartuun tuffatan,
isa mataa golee qajeelchu ta'e.
23Kun Waaqayyo biraa ta'e,
inni immoo ija keenya duratti dinqisiisaa dha*.
24Guyyaan Waaqayyo dhaabe isa kana,
kottaa isatti in gammannaa,
itti gammaduu keenyas in dhageessifnaa!
25Hadaraa yaa Waaqayyo, nu oolchi,
hadaraa yaa Waaqayyo, wal nuuf qiqixeessi!#22-23 118:13; Isa 28:16; Mat 21:42; HoE 4:11; 1Phe 2:4-7
26Maqaa Waaqayyootiin inni dhufu eebbifamaa haa ta'u!
Nuyi mana Waaqayyoo keessaa isin in eebbifna*.
27Gooftichi Waaqayyoo dha, inni ifa nuuf in ta'a;
toora cidhichaas damee baala qabuun,
hamma gubbaa gaanfa iddoo arsaatti wal qabachiisaa!#26 Mat 21:9; 23:39
28Ati Waaqayyo koo ti, ani galata siif nan galcha,
yaa Waaqayyoo ko, ani ulfinaan ol sin kaasa.
29Waaqayyo gaarii waan ta'eef,
gaarummaan isaas bara baraan waan jiraatuuf,
isaaf galata galchaa!
Currently Selected:
MACAAFA FAARFANNAA 118: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
