MACAAFA FAARFANNAA 119
119
Dubbii Waaqayyoo Isa Ulfina-Qabeessatti, Abboommii Isaattis Gammaduu
1Warri balleessaa malee deddeebi'an,
warri akka seera Waaqayyootti jiraatan haa gammadan!
2Warri abboommii isaaf dhugaa ba'u eegan,
warri garaa guutuudhaan Waaqayyoon barbaadan,
3warri jal'ina hin hojjenne,
warri karaa isaa irra deddeebi'an haa gammadan*!
4Ajaji kee ba'eessa ta'ee akka eegamu
ati abboomteetta.
5Karaa ani seerrata kee eegu irratti,
jabaadhee utuun dhaabadhee attaman jaalladha!
6Ija koo abboommii kee hundumaa irraa yoon buqqifachuu dhiise,
ani hin yeellaasifamu.
7Firdii ati qajeelummaadhaan laattu
yommuun baru,
ani yaada qajeelaadhaan galata siif nan galcha.
8Ani seerrata kee nan eega,
ati raawwattee ana hin dhiisin!#1-3 1:1-2; 112:1-2
9Dargaggeessi maaliin adeemsa isaa qullaa'ummaatti eeguu danda'a>>
Akka dubbii keetti adeemsa isaa qajeelfachuudhaan
eeggachuu in danda'a.
10Garaa koo guutuu sin barbaaddadha,
abboommii kee irraa akkan kaadhu hin godhin!
11Akkan si hin yakkineef
waan ati jette garaa koo keessa kaa'adheera.
12Yaa Waaqayyo, ati jajamaa dha,
seerrata kee na barsiisi!
13Wanta qajeelaa ta'ee afaan keetiin dubbatame,
ani arraba kootiin tokko tokkoon nan hima.
14Akkuma ani sooruma hundumaatti gammadu,
wanta abboommiin kee dhugaa ba'u
duukaa bu'uutti nan gammada.
15Ajaja kee irra-deddeebi'ee itti nan yaada,
karaa kee irraas ija hin buqqifadhu.
16Seerranni kee garaa na ciibsa,
dubbii kees hin irraanfadhu.
17Garbicha keef wanta gaarii godhi!
Ani nan jiraadha, dubbii kees nan eega.
18Wanta dinqisiisaa seera kee keessaa akkan argutti,
ati ija koo anaaf bani!
19Ani biyya lafaa irratti orma,
abboommii kee ana duraa hin dhoksin*!
20Wanta qajeelaa ta'ee si duratti fudhatame,
yeroo hundumaa yaaduu irraa kan ka'e
lubbuun koo in bututti.
21Warra gad-dhiisatti jiraatan ati in ifatta,
warri abboommii kee irraa kaatanis abaaramoo dha*!
22Ani abboommii siif dhugaa ba'u eegeera;
ati ga'oo fi tuffii ana irraa fuudhi!
23Gurguddoonni taa'anii ana irratti yoo dubbatan iyyuu,
garbichi kee seerrata kee
irra-deddeebi'ee itti in yaada.
24Abboommonni siif dhugaa ba'an garaa na ciibsu,
isaan gorsituu koo ti.#19 39:12 21 Kes 27:26; Gal 3:10
25Ani lafatti nan maxxanfame,
ati akka dubbii keetti lubbuu anatti deebisi!
26Ani jireenya koo keessatti
waanan ta'e sitti himadheera
atis deebii anaaf kenniteetta;
seerrata kee immoo na barsiisi!
27Karaa ati ajajje na hubachiisi,
yommus ani hojii kee isa dinqisiisaa
irra-deddeebi'ee itti nan yaada.
28Ani gadda irraa kan ka'e taa'ee nan boo'a,
ati akka dubbii keetti ol na kaasi!
29Karaa sobaa irra akka ani hin adeemneef na eegi,
seera keetiinis araara na argachiisi!
30Ani karaa dhugaa fo'adheera,
wanta qajeelaa ta'ee si duratti fudhatames
of dura kaa'adheera.
31Wanta abboommiin kee dhugaa ba'utti maxanee
nan jiraadha, yaa Waaqayyo,
akka ani yeellaasifamu hin godhin!
32Ati garaan koo gammadee akka hubatu goote,
anis karaa ati abboomte irra nan kaadha*!#32 25:4
33Karaa seerranni kee irra nama buusu
na barsiisi yaa Waaqayyo!
Inni bu'aa waan qabuuf,
hamma dhumaatti isa nan eega.
34Seera kee akkan yaadaan qabuuf,
garaa koo guutuudhaanis akkan isa eeguuf,
hubannaa anaaf kenni!
35Daandii ati abboomte irra akkan adeemu godhi,
innoo anatti in tola.
36Bu'aa dalgaa fi sassatuu irraa,
garaa koo gara wanta abboommiin kee
dhugaa ba'uufitti qabi!
37Ija koo wanta waa'ee hin baafne
ilaaluu irraa jal'isi,
karaa kee irrattis lubbuu anatti deebisi!
38Garbichi kee akka si sodaatuuf,
wanta abdachiifte isaaf raawwadhu!
39Wanti qajeelaa ta'ee si duratti fudhatame
gaarii waan ta'eef,
ga'oo isa ani sodaadhu ana irraa deebisi!
40Kunoo, ani ajaja kee hawwaan nan eeggadha,
qajeelummaa keetiin lubbuu anatti deebisi!
41Yaa Waaqayyo, akka ati jettetti, gaarummaan kee,
gargaarsi kee inni fayyisus anaaf haa dhufu,
42yoos isa anatti ga'isuuf deebii ga'u nan kenna,
anoo dubbii kee nan amanadha.
43Dubbii dhugaa matumaa ana duraa hin fudhatin!
Anoo wanta qajeelaa ta'e si duratti fudhatame
abdiidhaan nan eeggadha.
44Ani itti fufee,
yeroo hundumaaf bara baraan seera kee nan eega.
45Ani ajaja kee argachuudhaaf
waanan barbaaddadheef,
iddoo bal'aa keessa nan deddeebi'a.
46Abboommii isa siif dhugaa ba'us,
mootota duratti nan dubbadha, hin yeella'us*.
47Abboommiin kee inni ani jaalladhu,
garaa na ciibsa.
48Abboommii kee isa ani jaalladhutti
harka koo nan hiixadha,
seerrata kees irra-deddeebi'ee itti nan yaada*.#46 Mat 10:18 47-48 119:77,97; Nah 8:10
49Dubbii kee isa abdiidhaan akka ani eeggadhu goote,
ana garbicha keetiif yaadadhu.
50Wanti ati jette lubbuu anatti in deebisa,
kunis yeroon gad deebi'utti jajjabina koo ti.
51Warri gad-dhiisatti jiraatan
baay'isanii anatti in qoosu,
ani garuu seera kee irraa hin jal'anne.
52Wanta durii durii jalqabee
si duratti qajeelaa ta'ee fudhatame yommuun yaadadhu,
jajjabina nan argadha, yaa Waaqayyo!
53Jal'oonni seera kee waan dhiisaniif,
aarii guddaatu na qabe.
54Mana isa ani
akka kara-adeemaatti itti galu keessatti,
seerranni kee faarfannaa anaaf ta'e.
55Halkan maqaa kee nan yaadadha, yaa Waaqayyo;
seera kees nan eega*.
56Ani ajaja kee akkan eeguuf,
carraan anaaf kennameera.#55 119:62,148; 42:8; 63:6
57Ani dubbii kee eeguudhaaf,
<<Waaqayyo qooda koo ti>> jedheera.
58Fuula ifaadhaan akka na ilaaltuuf,
garaa guutuudhaan sin kadhadha;
akka dubbii keetti araara anatti argisiisi!
59Waa'ee karaa isa ani irra adeemuu nan yaade,
miilla koos gara abboommii isa siif dhugaa ba'utti
nan qajeelfadhe.
60Ani abboommii kee irraa hin seesu,
isa eeguuf nan ariifadha.
61Jal'oonni funyoo yoo anatti xaxan iyyuu,
ani seera kee hin irraanfadhu.
62Waa'ee firdii kee isa qajeelaa sanaaf,
galata siif galchuudhaaf,
ani halkan walakkaa nan ka'a*.
63Ani warra si sodaatan hundumaaf,
warra ajaja kee eeganiifis hidhata.
64Gaarummaan kee lafa in guuta, yaa Waaqayyo,
seerrata kee na barsiisi*!#62 42:8 64 33:5; 65:9-13
65Yaa Waaqayyo, akkuma ofii keetii dubbatte,
ati garbicha keetiif gaarii gooteetta.
66Anoo abboommii kee amanadheera,
hubannaa gaarii anaaf kenni,
waa beekuus na barsiisi!
67Utuu ani hin rakkifamin dura
karaa irraa goreen ture,
amma garuu wanta ati jette nan eega.
68Ati gaarii dha, wanta gaariis in hojjetta,
seerrata kee na barsiisi!
69Warri gad-dhiisatti jiraatan,
sobanii waa ana irra in kaa'an;
ani garuu garaa koo guutuudhaan
ajaja kee nan eega.
70Coomni garaa isaanii hadoodcheera,
ana garuu seerri kee garaa in ciibsa.
71Seerrata kee akkan barutti,
rakkifamuun anaaf gaarii dha.
72Seerri inni afaan kee keessaa ba'e,
warqee fi meettii
guroo kumaatama irra anaaf wayya.
73Harki kee na tolcheera, cimsees na dhaabeera,
abboommota kee akkan barutti
hubannaa anaaf kenni!
74Dubbii kee abdiidhaan waanan eeggadhuuf,
warri si sodaatan na arganii in gammadu.
75Firdiin kee qajeelaa akka ta'e
ani beeka, yaa Waaqayyo,
amanamaa waan taateef gad na deebifte.
76Akkuma ofii keetii garbicha keetti dubbattetti,
gaarummaan kee ana haa jajjabeessu!
77Seerri kee waan garaa na ciibsuuf,
lubbuun akka anatti deebi'uuf,
araarri kee anaaf haa dhufu*!
78Warri gad-dhiisatti jiraatan
sobanii dhugaa koo waan balleessaniif,
haa yeellaasifaman!
Ani garuu ajaja kee
irra-deddeebi'ee itti nan yaada.
79Warri si sodaatan,
warri abboommii siif dhugaa ba'u beekan
gara koo haa goran!
80Akka ani hin yeellaasifamnetti,
garaan koo balleessaa malee
seerrata keetti qabamee haa jiraatu!#77 119:47,92,143,162,174
81Lubbuun koo fayyisuu kee yaaddee in gaggabdi,
dubbii kees abdiidhaan nan eeggadha.
82Iji koo isa ati abdachiifte
eeggachuu irraa kan ka'e in dadhabe;
<<Yoom na jajjabeessita?>> jedhee nan gaafadha.
83Ani akka qalqalloo
aara jalatti shuntuuree ta'u illee,
seerrata kee hin irraanfadhu.
84Garbichi kee si'achi bara hammamii jiraata>>
Warra na ari'atanittis ati yoom faradda*>>
85Warri gad-dhiisatti jiraatan,
warri seera kee wajjin walii hin galle
boolla anaaf qotaniiru.
86Abboommiin kee hundinuu dhugaa dha;
yeroo namoonni dubbii sobaatiin na ari'atan,
ati na gargaari!
87Isaan hamma xinnoof malee
lafa irraa na balleessanii oolan,
ani garuu wanta ati ajajje hin dhiifne.
88Akka gaarummaa keetti lubbuu anatti deebisi!
Yommus ani abboommii siif dhugaa ba'u
isa afaan kee dubbatte nan eega.#84 13:1-2
89Dubbiin kee yaa Waaqayyo, bara baraan,
bantiiwwan waaqaa keessatti jabaatee dhaabateera*.
90Amanamummaan kee
dhalootaa hamma dhalootaatti hafee in jiraata,
lafa cimsitee dhaabdeetta,
innis jabaatee in dhaabata.
91Wanti hundinuu siif waan hojjetuuf,
inni akka seera ati dhaabdeefitti,
hamma har'aatti iyyuu jabaatee in dhaabata.
92Seerri kee utuu garaa ana hin ciibsine ta'ee,
ani rakkifamuu kootiin nan balleeffaman ture*.
93Isaaniin lubbuu waan anatti deebifteef,
ani bara baraan ajaja kee hin irraanfadhu.
94Anoo ajaja kee argachuudhaaf barbaaddadheera,
ani kan kee ti, ati na oolchi!
95Jal'oonni na balleessuudhaaf riphanii na eeggatu,
ani garuu abboommii isa siif dhugaa ba'u
yaadaan nan qaba.
96Wanti fiixaan ba'e hundinuu
dhuma akka qabu argeera,
bal'inni abboommii keetii garuu daarii hin qabu.#89 Isa 40:8 92 Er 15:16
97Ani seera kee attam nan jaalladha!
Ani guyyaa guutuu irra-deddeebi'ee itti nan yaada*.
98Abboommiin kee bara baraan ana bira jira,
diinota koo caalaas ogeessa na godha.
99Wanti ani irra-deddeebi'ee itti yaadu
abboommii siif dhugaa ba'u waan ta'eef,
ani barsiisota koo hundumaa caalaa
nan qalbifadha.
100Ani ajaja kee waanan eegeef,
maanguddoota caalaa nan hubadha.
101Ani dubbii kee eeguudhaaf,
miilla koo karaa hamaa hundumaa irraa nan ittise.
102Wanta qajeelaa ta'ee
si duratti fudhatame irraa hin jal'anne,
ati ofii keetii ana barsiifteetta.
103Wanti ati jette attam anatti miyaa'aa!
Isa dammi afaan kootti miyaa'u caalaa
anatti in miyaa'a.
104Ajaja kee keessaa hubannaa nan argadha;
kanaafis karaa sobaa hundumaa nan jibba.#97 1:2
105Dubbiin kee miilla kootiif ibsaa dha,
daandii koo irrattis in ifa*.
106Seera kee isa qajeelaa eeguudhaaf
nan kakadhe, isattis nan jabaadha.
107Ani baay'ee dhiphadheera,
yaa Waaqayyo, akka dubbii keetti
lubbuu anatti deebisi!
108Yaa Waaqayyo, galata ani akka aarsaatti
afaan kootiin jaalladhee siif dhi'eessu
fudhachuun sitti haa tolu!
Wanta qajeelaa ta'ee
si duratti fudhatames na barsiisi*!
109Lubbuun koo yeroo hundumaa fittee irra jirti,
haa ta'u iyyuu malee, ani seera kee hin irraanfadhu.
110Jal'oonni futtaasaa ana dura kaa'an,
ani garuu ajaja kee irraa hin jal'anne.
111Abboommonni siif dhugaa ba'an
gammachuu garaa kootii waan ta'aniif,
isaan bara baraan ga'aa koo ta'aniiru.
112Seerranni kee bara baraan bu'aa waan qabuuf,
hojii irra isa oolchuudhaaf
garaan koo isa duukaa jal'ateera.#105 2Phe 1:19; Yoh 8:12 108 19:14; 50:23
113Nama yaada walaallammii nan jibbe,
seera kee immoo nan jaalladhe*.
114Ati anaaf golgaa koo ti, gaachana koo tis,
ani dubbii kee abdiidhaan nan eeggadha.
115Ani abboommii Waaqayyo koo akkan eegutti,
isin warri hamaa gootan, ana irraa fagaadhaa!
116Ati akka abdachiiftetti qabii na oolchi,
lubbuunis anatti in deebiti;
abdii koo dhabee akkan yeella'u hin godhin!
117Akkan oolutti ati na qabi,
ani yeroo hundumaa ija gammachuutiin
seerrata kee nan ilaala.
118Ati warra seerrata kee irraa jal'atan
hundumaa in tuffatta,
isaan in sobu, in gowwoomsus.
119Jal'oota lafa irraa hundumaa
ati akka udaan sibiilaatti in gatte,
kanaafis ani
abboommii siif dhugaa ba'u nan jaalladhe*.
120Na naasisuu kee irraa kan ka'e
namummaan koo in rifata,
firdii kees nan sodaadha.#113 31:6; 1Mot 18:21 119 Isa 1:25
121Ani wanta dhugaa,
wanta qajeelaas hojjedheera;
ati immoo warra na cunqursanitti
ana hin dhiisin!
122Garbichi kee wanta gaarii akka argatuuf,
amansiisa kenniif;
namoonni gad-dhiisatti jiraatan
ana hin cunqursin!
123Iji koo fayyisuu kee,
wanta ati qajeelummaa keetiin
abdachiiftes
utuma eeggatuu in dadhabe.
124Akka gaarummaa keetiitti
garbicha kee qabaa gaariidhaan qabi,
seerrata kees na barsiisi!
125Ani garbicha kee ti;
abboommii siif dhugaa ba'u akkan beekuuf,
hubannaa anaaf kenni!
126Namoonni seera kee cabsaniiru,
waa gochuun yowwana kaa, yaa Waaqayyo!
127Ani garuu abboommii kee warqee irra,
warqee baqfamee qullaa'e irra caalaa nan jaalladha.
128Kanaafis ajaji kee hundinuu
qajeelaa ta'uu isaa ani nan fudhadha,
karaa sobaa hundumaas nan jibba.
129Abboommiin siif dhugaa ba'u dinqisiisaa dha,
kanaafis ani lubbuudhumaaf isa nan eega.
130Saaqamuun dubbii keetii ifa in kenna,
wallaalota iyyuu in hubachiisa.
131Ani abboommii kee waanan yaaduuf,
afaan banee hawwaan nan eeggadha.
132Akka isa warra maqaa kee jaallataniif ta'u sanaatti,
as anatti gara gali,
araaras anatti argisiisi!
133Ejjennaa koo dubbii keetiin jabeessi,
yakki tokko illee humna ana irratti hin godhatin!
134Ajaja kee hundumaa akkan eegutti,
cunqursaa namaa jalaa na furi!
135Garbicha kee fuula ifaadhaan ilaali,
seerrata kee immoo na barsiisi*!
136Namoonni seera kee waan dhiisaniif,
imimmaan ija koo keessaa baay'isee in lola'a.#135 31:16
137Yaa Waaqayyo, ati qajeelaa dha,
firdiin ati kennitus hin jal'atu.
138Ati qajeelummaadhaan,
amanamummaa guutuudhaanis,
abboommii siif dhugaa ba'u baafteetta.
139Hamajaajiiwwan koo dubbii kee waan irraanfataniif,
hinaafuun koo badduu na baase*.
140Dubbiin kee dhugaa ta'uun isaa baay'ee amansiisaa dha,
garbichi kees isa in jaallata*.
141Ani nama xinnaa dha, tuffatamaa dhas;
ajaja kee garuu hin irraanfadhu.
142Qajeelummaan kee qajeelummaa bara baraa ti,
seerri kees dhugaa dha.
143Rakkinnii fi dhiphinni na argatan,
abboommiin kee garuu garaa na ciibsa.
144Abboommiin siif dhugaa ba'u bara baraan qajeelaa dha,
ati hubannaa anaaf kenni,
lubbuunis anatti in deebiti.#139 69:9 140 12:6
145Ani garaa guutuudhaan nan waammadha,
ati ana jalaa owwaadhu, yaa Waaqayyo!
Ani seerrata kee nan eega.
146Ani sin waammadha, ati ana oolchi!
Ani immoo abboommii siif dhugaa ba'u nan eega.
147Utuu lafti hin bari'in dhufee,
gargaarsaaf gara keetti nan iyyadha;
ani dubbii kee abdiidhaan nan eeggadha.
148Wanta ati jette
irra-deddeebi'ee itti yaaduudhaaf,
yeroon itti dammaqa halkaniif
ka'an utuu hin ga'in
hirribni ija koo irraa bade*.
149Akka gaarummaa keetti sagalee koo dhaga'i, yaa Waaqayyo!
Araara keetiin lubbuu anatti deebisi!
150Warri akeeka hamaa baafatanii na ari'atan
anatti dhi'aataniiru,
isaan seera keettii immoo fagaataniiru.
151Ati garuu dhi'oo dha, yaa Waaqayyo,
abboommonni kee hundinuus dhugaa dha.
152Isaan bara baraan akka jiraataniif dhaabuu kee,
ani duraan dursee
seera siif dhugaa ba'u sanaan beekeera.#148 119:55
153Ani seera kee hin irraanfanne,
ati dhiphina koo ilaalii na oolchi!
154Dubbii koo anaaf falmi, na furis,
akka abdii keetiitti ati lubbuu anatti deebisi!
155Jal'oonni seerrata kee waan hin barbaaddanneef,
fayyinni isaan irraa fagoo dha.
156Oo'i kee guddaa dha, yaa Waaqayyo,
araara keetiin lubbuu anatti deebisi!
157Warri na ari'atan,
warri diina anatti ta'anis baay'ee dha,
ani garuu wanta seerri kee dhugaa ba'u irraa
hin jal'anne.
158Warra gara-gaggalan arguun ana in jibbisiise,
isaan wanta ati jette hin eegan.
159Ajaja kee attam akkan jaalladhu ilaali!
Akka gaarummaa keetti lubbuu anatti deebisi,
yaa Waaqayyo!
160Dubbiin kee walumattiin isaa dhugaa dha,
firdiin kee inni qajeelaan hundinuu,
bara baraan in jiraata*.#160 Yoh 17:17
161Gurguddoonni sababii malee na ari'atu,
ani garuu garaadhuma guutuun dubbii kee sodaadha.
162Akka nama boojuu guddaa argatee,
ani wanta ati jettutti nan gammada.
163Soba nan jibba, nan ciigga'as;
seera kee garuu nan jaalladha.
164Firdii kee isa qajeelaa sanaaf,
guyyaatti si'a torba sin jajadha.
165Warri seera kee jaallatan sun nagaa guddaa qabu,
wanti isaan gufachiisus hin jiru.
166Fayyisuu kee abdiidhaan nan eeggadha, yaa Waaqayyo!
Abboommii kees nan raawwadha.
167Ani abboommii siif dhugaa ba'u
lubbuudhumaaf nan eega,
baay'ises isa nan jaalladha.
168Karaan koo hundinuu si dura waan jiruuf,
ajaja kee,
wanta seerri kee siif dhugaa ba'us nan eega.
169Iyyati koo si bira anaaf haa ga'u, yaa Waaqayyo,
akka dubbii keetti hubannaa anaaf kenni!
170Himati koo si bira anaaf haa dhufu,
akka abdachiiftetti na oolchi!
171Ati seerrata kee waan na barsiiftuuf,
afaan koo jajata gad jijjigsa.
172Abboommiin kee hundinuu qajeelaa waan ta'eef,
arraba kootiin waa'ee dubbii kee nan faarfadha.
173Harki kee na gargaaruudhaaf qophaa'aa haa ta'u!
Anoo ajaja kee fo'adheera.
174Yaa Waaqayyo, gargaarsa kee isa fayyisu
hawwaan nan eeggadha,
seerri kee immoo garaa na ciibsa.
175Lubbuun koo akka jiraattu godhi,
isheenis si haa jajattu!
Wanti qajeelaa ta'ee si duratti fudhatames
ana haa gargaaru!
176Ani akka hoolaa badee karaa irraa nan kaadhe,
abboommii kee garuu hin irraanfanne;
kanaafis ati garbicha kee barbaadi*.#176 Isa 53:6
Currently Selected:
MACAAFA FAARFANNAA 119: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
