Macaafa Fakkeenyaa 9
9
Ogummaan Waamuu Ishee
1Ogummaan mana ishee ijaarratteetti,
utuboota mana ishee torbanis sooftee tolfatteetti;
2isheen horii qaltee,
daadhii waynii calaltee,
maaddii ishees qopheessiteetti;
3mandaricha keessaa
iddoo ol jedhaa irra dhaabatanii,
akka waamaniif
durboota isheedhaaf hojjetan ergiteetti*.
4Isheen,<<Warri wallaalan hundinuu
as haa dhufan!>> in jetti;
warra qalbii hin qabneenis,
5<<Kottaa buddeena koo nyaadhaa,
daadhii ani calales dhugaa*!
6In jiraattuutii wallaalummaa keessan dhiisaa!
Karaa hubannaa irras adeemaa!>> in jetti.#3 1:20-21 5 Isa 55:1-3; Mat 22:3-4
7Namni nama ga'isaa gorsu,
of in salphisa;
namni nama jal'aa ifatu,
yeelloo ofitti in fida;
8nama ogeessa ifadhu, inni si jaallata,
nama ga'isaa garuu hin ifatin,
inni si jibba;
9nama ogeessa gorsi,
inni caalaa ogeessa in ta'a;
nama qajeelaa barsiisi,
innis beekumsa in baay'ifata*.#9 Mat 13:12
10Waaqayyoon sodaachuun jalqaba ogummaa ti,
isa qulqulluu sana beekuun hubannaa dha*.
11Ogummaan kun
guyyoota jireenya keetii in baay'ifti,
bara jireenya kees itti in dabalti*.
12Ogeessa yoo taate bu'aan isaa kanuma kee ti,
ga'isaa yoo taate garuu ofiidhuma kee in miita.#10 1:7; Iyo 28:28; Far 111:10 11 3:1-2
13Aadde gowwummaan iyyituu dha,
isheen homaa tokko iyyuu hin hubattu,
beekumsas hin qabdu;
14isheen mandarattii keessaa
iddoo ol jedhaa irra,
balbala ishee dura barcuma irra in teessi;
15warra karaa irra darbaniin,
warra qajeelanii karaa isaanii irra adeemaniin,
16<<Warri wallaalonni hundinuu
as haa dhufan!>> in jetti;
warra qalbii hin qabneenis,
17<<Bishaan hannaa miyaa'aa dha,
buddeenni dhoksaatti nyaatamus
nama in gammachiisa>> in jetti*;
18garuu isaan warri du'an
achi akka jiran,
warri isheen waamtes
iddoo lafa jalaa isa gad fagoo keessa
akka jiran isaan hin beekan*.#17 20:17 18 2:18
Currently Selected:
Macaafa Fakkeenyaa 9: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
