Macaafa Fakkeenyaa 8
8
Ogummaan Gorsa Kennuu Ishee
1Ogummaan in waamti mitii ree>>
Hubannaan sagalee ishee in dhageessifti mitii ree>>
2Isheen iddoo ol ka'aa
gubbaa bukkee karaa irra,
daandii keessa in dhaabatti;
3karra balbala
ittiin mandarichatti lixan bukkeedhaa,
sagalee ishee ol fudhattee iyyitee*,
4<<Yaa namootaa, ani isin nan waama,
sagalee koos ilmaan namaa nan dhageessisa;
5isin warri wallaalonni of eeggannaa,
isin warri gowwoonni hubannaa argadhaa!
6Ani wanta ta'u dubbachuufan jedha,
mee dhaggeeffadhaa!
Waan qajeelaas dubbachuudhaaf
afaan koo nan saaqqadha;
7afaan koo dubbii dhugaa in dubbata,
arrabni koos jal'ina dubbachuu in ciigga'a;
8dubbiin afaan kootii hundinuu qajeelaa dha,
isaan keessa jal'aan
yookiis micciiramaan hin jiru.
9Nama isa hubataadhaaf
hundumti isaanii mul'atoo dha,
isa beekumsa qabuufis qajeeloo dha;
10qooda meetii gorsa koo fudhadhaa,
warqee caalaas beekumsa fo'adhaa!
11Ogummaan elellaan diimaa irra in caalti,
wanti ba'eessi ati hawwitu hundinuus
isheedhaan hin qixxaatu*.#1-3 1:20-21 10-11 3:14-15
12<<Ani ogummaan,
of eeggannaadhaa wajjin,
walitti in taana;
beekuma ani ittiin
dubbii gargar baasus
nan argadha.
13Waaqayyoon sodaachuun wanta hamaa jibbuu dha,
ani of bokoksuu fi of gurguddisuu,
karaa hamaadhaaf arraba dubbii micciiru nan jibba.
14Gorsii fi firdii gargar baasuun kan koo ti,
ani hubannaa dha,
humnas anatu qaba.
15Mootonni anaan mo'u,
gurguddoonni biyyaas anaan
seera qajeelaa baasu;
16abboonni biyyaa, gurguddoonni biyyaa,
warri firdii qajeelaa kennanis hundinuu
anaan biyya bulchu.
17Ani warra na jaallatan nan jaalladha,
warri na barbaaddatanis na argatu.
18Soorumaa fi ulfina,
qabeenya hin darbinee fi qajeelummaa anatu kenna.
19Bu'aan ana irraa argamu warqee irra,
warqee qullaa'aa irra iyyuu in wayya,
barakanni ani kennus
meetii qullaa'aa irra fo'amaa dha;
20ani karaa qajeelummaa irra,
daandii dhugaa irras nan adeema;
21warra na jaallataniif qabeenya nan kenna,
gombisaa isaaniis nan guuta.
22Waaqayyo jalqaba hojii isaatiitti,
hojii isaa isa bara durii sana hundumaa dura na uume;
23Ani jalqaba bara durii duriitti,
utuu biyyi lafaa hin uumaminan aboo irra kaa'ame;
24callabboo duran dhaladhe,
yommus burqituun
bishaan guddaan keessaa yaa'u iyyuu hin turre;
25tulloonni,
gaaronnis utuu hin uumaminan dhaladhe.
26Waaqayyo, lafa wanta
isa irra jiruu wajjin,
biyya lafaa isa bal'aa kana keessaa
gar tokko illee utuu hin tolchin na uume.
27Yommuu inni bantiiwwan waaqaa iddoo iddoo isaanii kaa'ee,
waaqas callabboo irra diriirse,
ani achin ture;
28yommuu inni waaqa keessa duumessoota kaa'ee,
burqituuwwan callabbootti
yommuu tolche,
29bishaanonni abboommii isaa irra
akka hin darbinetti,
yommuu inni galaanatti daarii godhe,
yommuu inni hundeewwan lafaatti milikkita godhes,
30ani yommus ijaartuu
isa gaarii sana biran ture,
yeroo hundumaa
fuula isaa duratti gammadaa,
har'aa bor isa nan gammachiisan ture.
31Guutummaa biyya lafaa isa kan isaatiitti nan gammada,
nama hundumaattis nan gammadan ture*.#22-31 3:19-20; Iyo 28:23-27
32<<Egaa yaa ilmaan ko, mee na dhaga'aa,
warri karaa koo irra bu'an haa gammadan!
33Ogeessota ta'aa,
gorsa koo dhaga'aa malee hin tuffatinaa!
34Namni na dhaga'u,
guyyuma guyyaatti karra kellaa koo dammaqee kan eegu,
michichila balbala kootti hirkatee
kan eeggatus haa gammadu!
35Namni ana argatu jireenya argachuu isaa ti,
Waaqayyo biraas ayyaana in argata.
36Namni na yakku garuu ofii isaa in miidha,
namni na jibbu hundinuu immoo
du'a in jaallata>> in jetti.
Currently Selected:
Macaafa Fakkeenyaa 8: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
