Macaafa Fakkeenyaa 10
10
Fakkeenyota Ogummaa
1Fakkeenyonni Solomoon
kanatti aananii jiru;
ilmi ogeessi abbaa isaa in gammachiisa,
ilmi gowwaan garuu haadha isaa gaddisiisa*.
2Badhaadhummaan jal'inaan argame
bu'aa hin qabu,
qajeelinni garuu du'a nama in oolcha*.#1 15:20; 23:24-25 2 11:4
3Waaqayyo, warri qajeelonni
akka beela'an hin godhu,
kajeellaa warra jal'ootaa garuu
lafatti in dabala*.
4Namni dhibaa'ummaadhaan hojjetu in hiyyooma,
namni cimsee hojjetu garuu in sooroma;
5inni bona midhaan isaa walitti qabatu
ilma hubataa dha,
inni yeroo makariitti rafu garuu
salphina in harkisa;
6eebbi mataa qajeelotaa irra jira,
humnaan nama irratti ka'uun garuu,
afaan jal'ootaa in cufa.
7Seenaan nama qajeelaa eebbaaf,
maqaan nama jal'aa immoo
abaarsaaf in ta'a;
8namni yaada hubataa qabu
abboommii in dhaga'a,
gowwaan dubbii midhaan hin qabne
dubbatu garuu in kufa.
9Namni balleessaa hin qabne,
sodaa malee in deddeebi'a,
namni karaa isaa micciiru garuu in qabama.
10Namni ijaan hawwatu rakkina in fida,
gowwaan dubbii midhaan hin qabne
dubbatu garuu in kufa*.
11Afaan nama qajeelaa burqaa jireenyaa ti,
humnaan nama irratti ka'uun garuu,
afaan jal'ootaa in cufa.#3 13:25; Far 34:9-10 10 6:13
12Jibbi lola in kaasa,
jaalalli garuu, irra-daddarbaan hundinuu
deebi'ee akka hin mul'anne in godha*;
13ogummaan afaan nama
hubannaa qabu keessaa
in argamti;
uleen garuu
dugda nama qalbii hin qabneetiif in ta'a*.
14Ogeessonni beekumsa
walitti in qabatu,
dubbiin nama gowwaa
inni midhaan hin qabne garuu
badiisa in waama*;
15qabeenyi warra sooreyyii
isaaniif mandara da'oo qabuu dha,
badiisi hiyyeessotaa immoo hiyyuma isaanii ti*;
16gatiin dadhabbii qajeelotaa jireenya,
bu'aan warra jal'ootaa immoo du'a;
17namni gorsa yaadatti fudhatu
karaa jireenyaa irra in bu'a,
namni ifata tuffatu garuu
karaa irraa in kaata.
18Namni jibba isaa dhoksu,
soba in dubbata;
namni hama odeessu gowwaa dha.#12 1Phe 4:8; Yaq 4:20 13 19:29 14 13:3 15 18:11
19Yommuu dubbiin baay'atu cubbuun hin hafu,
namni arraba isaa eeggatu garuu hubataa dha*;
20arrabni nama qajeelaa
akka meetii fo'amaa ti,
yaadni nama jal'aa garuu
gatii hin qabu*;
21arrabni nama qajeelaa
nama baay'ee in soora,
warri gowwoonni garuu
qalbii dhabuu isaaniitiif in du'u*.
22Eebbi Waaqayyoo nama in badhaasa,
badhaadhummaattis inni rakkina hin dabalu*;
23namni gowwaan
hamaa hojjechuutti in gammada,
namni hubataan garuu
ogummaatti in gammada.#19 13:3; 17:27 20 Far 37:30 21 11:9; 12:6 22 Far 127:1-2
24Nama jal'aa
wanta inni sodaatutu itti dhufa,
nama qajeelaaf garuu
wanti inni hawwu in kennamaaf*;
25akkuma bubbeen bubbisee darbu,
jal'oonni akkasuma deebi'anii hin argaman;
warri qajeelonni garuu,
bara baraan jabaatanii in dhaabatu*.
26Wanti dhangaggaa'aan ilkaan,
aarris ija akkuma rakkisu,
namni dhibaa'aan,
warra isa ergatan in rakkisa.
27Waaqayyoon sodaachuun
bara jireenyaa in dheeressa,
barri warra jal'ootaa garuu in gabaabbata*.
28Wanti namni qajeelaan eeggatu gammachiisaa dha,
abdiin nama jal'aa garuu in bada*.#24 12:7 25 Mat 7:24-27 27 3:1-2; 14:26-27; 19:23; 22:4 28 11:23; Iyo 8:13; Far 9:18
29Karaan Waaqayyo warra balleessaa hin qabneef
da'oo ol ka'aa dha,
warra hamaa godhanitti garuu badiisa*;
30namni qajeelaan bara baraan hin mittiqu,
namni jal'aan garuu
lafa irra hin jiraatu*;
31afaan nama qajeelaa keessaa
ogummaatu ba'a,
arrabni wanta jal'aa
dubbatu garuu,
in kutama*;
32arrabni nama qajeelaa
dubbii namatti tolu in dubbata,
afaan nama jal'aa garuu,
wanta micciiramaa duwwaa beeka.#29 3:26 30 12:3 31 Far 37:30
Currently Selected:
Macaafa Fakkeenyaa 10: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
