Macaafa Fakkeenyaa 6
6
Gowwummaa Irraa Of Eeggachiisuu Isaa
1Yaa ilma ko, namaaf wabii
yoo darbite,
akkasumas waliigaltee jabeessuudhaaf
nama biraa wajjin
yoo harka wal rukuttan,
2wanti ati dubbatte
futtaasaa sitti ta'ee,
dubbiin afaan keetiis
kiyyootti yoo si galche,
3ati harka fira kee keessa yommuu buutu,
gara fira kee sanaa dhaqiitii
gad of deebisii,
akka si irraa buusuuf isa kadhadhu,
yaa ilma ko, kana gochuu keetiin
of in oolchita;
4utuu kana hin godhin hin rafin,
baallee ija keetiis wal irra hin buusin!
5Akka kuruphee harka adamsituu jalaa,
akka simbirroo warra ishee qaban jalaa baatuuttis
of oolchi*!#1-5 11:15; 17:18; 20:16; 22:26-27
6Ati namicha dhibaa'aa nana,
mee dhaqii mixii ilaali,
akka isheen itti jiraattu
yaadaan qabi,
ogeessas ta'i*!
7Isheen geggeessituu, eegduu,
mootiis hin qabdu;
8kana keessaa immoo
waan ishee barbaachisu
bona in tuullatti,
nyaata ishees yeroo makarii
walitti in qabatti.
9Ati dhibaa'aa nana,
hamma yoomiitti ciifta>>
Hirriba keessaas yoom kaata>>
10Ciisuudhaaf harka kee
wal irra in qaxxaamursita,
yeroo muraasa in mugda,
yeroo muraasa in rafta;
11hiyyumni akka saamtuutti,
dhabinnis akka nama
mi'a lolaa hidhateetti
sitti in dhufa*.#6 10:4; 20:4; 19:24; 26:13-16 10-11 24:33-34; 19:15; 20:13
12Namni waa'ee hin baafne,
namni jal'aan arraba isaa
isa micciiramaa fudhatee,
asii fi achi in adeema*;
13ija isaatiin in hawwata,
miilla isaa in raasa,
quba isaatiin in argisiisa*;
14micciiramummaan garaa isaa keessa jira,
yeroo hundumaa hammina in korata,
gargar ba'uu nama gidduu in facaasa;
15kanaafis badiifni
dingata isatti in dhufa;
caba fayya-hin qabne in caba.#12 10:31-32 13 10:10; 16:30
16Waaqayyo wanta ja'a in jibba,
isa torbaffaa immoo in ciigga'a;
17isaanis kanatti fufanii jiru,
nama waan guddaatti of ilaalu,
arraba sobu,
harka dhiiga nama balleessaa hin qabnee dhangalaasu,
18garaa akeeka hamaa yaadee qopheessu,
miilla waan hamaa gochuuf
ariifatee fiigu,
19nama sobaan nama irratti dhugaa ba'u,
isa soba gad jijjigsu,
nama gargar ba'uu
obboloota gidduutti facaasuu dha*.#19 19:5
Ejjuu Irraa Of Eeggachiisuu Isaa
20Yaa ilma ko, abboommii abbaa keetii eegi,
barsiisa haadha keetiis hin tuffatin*!
21Garaa kee keessa kaa'adhu,
morma keettis hidhadhu!
22Yommuu ati adeemtu
karaa si argisiisa,
yommuu raftu si eega,
yommuu dammaqxu si haasofsiisa.
23Abboommiin kun ibsaa dha,
barsiifni kunis ifa,
ifanni adabaa karaa jireenyaa ti.
24Inni dubartii hamtuu irraa,
dubartii ejjituu ishee
afaaniin namatti kuultu irraas si eega*.
25Garaan kee miidhagummaa ishee hin hawwin,
iji ishees si hin booji'in!
26Dubartii halaleen buddeena tokkoon qacaramti,
isheen abbaa manaa qabdu garuu
nama qabeenya qabu in adamsiti.#20 1:8 24 2:16-17
27Namni dachaasaa wayyaa isaatii keessa
ibidda in kaa'ataa ree>>
Wayyaan isaas utuu hin gubatin
hafuu danda'aa ree>>
28Yookiis namni barbadaa
giimii irra yoo ejjete,
miilli isaa utuu hin gubatin
hafuu danda'aa ree>>
29Namni haadha manaa namaa bira dhaqu akkasuma ta'a,
namni ishee bira ga'es
utuu hin adabamin hin hafu*.
30Hattuun yommuu beeloftu
beela ba'uudhaaf yoo hatte,
namoonni ishee in tuffatu laataa>>
31Yoo qabamte garuu,
wanta isheen manaa qabdu hundumaa
yoo gaaga'e iyyuu,
dachaa torba baasuutu
isheedhaaf ta'a mitii ree>>
32Namni ejju qalbii hin qabu,
namni kana godhu of in balleessa;
33madaa'uunii fi salphachuun
isa in argata,
ga'oonis raawwatee isa irraa hin badu;
34hinaaffaan abbaa manaa in aarsa,
gaafa ijaa baafatus hin oo'uuf;
35fureen tokko illee isatti hin tolu,
gabbarri hammamii iyyuu
isa hin gammachiisu.#29 5:8-14
Currently Selected:
Macaafa Fakkeenyaa 6: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
