Macaafa Fakkeenyaa 3
3
Bu'aa Ogummaan Namaaf Kennitu Ittuma Fufee Dubbachuu Isaa
1Yaa ilma ko, gorsa koo hin irraanfatin,
abboommota koos yaadatti qabadhu!
2Isaan guyyoota baay'ee fi waggoota baay'ee,
nagaatti jiraachuus siif in dabalu*.#1-2 4:4,10; 7:1-3; 9:11; 10:27; Lew 18:5; Kes 30:16
3Gaarummaa fi amanamummaan
sittii hin fagaatin!
Morma keetti isaan hidhadhu,
gabatee garaa keettis isaan caaffadhu*!
4Yommus ati Waaqayyo duratti,
nama durattis maqaa gaarii in argatta,
faara tolaadhaanis in ilaalamta*.#3 Kes 6:8 4 1Sam 2:26; Luq 2:52
5Garaa kee guutuu Waaqayyoon amanadhu,
hubannaa ofii keetiitti hin hirkatin!
6Karaa kee hundumaatti isa yaadi,
innis daandii kee siif in qajeelcha.
7Ani ogummaa qaba ofiin hin jedhin;
Waaqayyoon sodaadhu,
wanta hamaattiis fagaadhu*!
8Kun fayyaa dhagna keetiif,
cimina lafee keetiifis in ta'a.#7 Lal 12:13; Isa 5:21; Rom 1:22; 12:16
9Qabeenya keetiin,
ija midhaan keetii hundumaa keessaa isa duraatiinis,
Waaqayyoof ulfina kenni*!
10Yommus midhaan gombisaa kee in guuta,
daadhiin waynii kee inni haaraanis
guutee iddoo cuunfaa waynii kee irra in dhangala'a.#9 Bau 23:19
11Yaa ilma ko, adaba Waaqayyoo hin tuffatin,
ifata isaas hin jibbin*!
12Abbaan ilma isaa isa jaallatu
akkuma adabu,
Waaqayyo nama jaallatu in adaba*.#11 Iyo 5:17-19; Ibr 12:5-6 12 1Qor 11:32; Mul 3:19
13Namni ogummaa argatu,
namni hubataanis haa gammadu!
14Ogummaan meetii caalaa bu'aa qabdi,
iji isheen godhattus
kan warqee irra in wayya;
15isheen calleewwan caalaa gati-jabeettii dha,
wanta ati caalaatti hawwitu keessaa
kan isheedhaan qixxaatu hin jiru*.
16Gara harka ishee mirgaa jireenya
dheeraatu jira,
gara harka ishee bitaas soorumaa fi ulfinatu jira;
17karaan ishee karaa namatti toluu dha,
daandiin ishees daandii nagaa ti;
18isheen warra jabeessanii ishee qabataniif
muka jireenyaa ti,
warri jabeessanii ishee qabatan haa gammadan*!#14-15 2:4; 8:10-11; 16:16; Iyo 28:15-19 18 11:30; Uma 2:8-9
19Waaqayyo ogummaadhaan
hundee lafaa jabeessee uume,
hubannaadhaanis bantiiwwan waaqaa jabeessee in dhaabe.
20Beekumsa isaatiin burqituuwwan callabboo in futta'an,
duumessoonnis fixeensa in coccophsan*.#19-20 8:22-31
21Yaa ilma ko,
ogummaa fi dubbii gargar baasanii hubachuutti jabaadhu,
ija kee duraa akka dhabaman hin godhin!
22Isaan siif jireenya,
morma keetiifis miidhagina in ta'u.
23Yommus ati nagaadhaan
karaa kee irra in adeemta,
miilli kees hin gufatu.
24Yommuu ciiftu hin sodaattu,
yommuu raftus
hirribni kee miyaa'aa in ta'a*;
25naasuun dingataa,
badiisi jal'oota qabatus
yommuu dhufu hin sodaatin!
26Waaqayyo amanannaa kee in ta'a,
miilli kee kiyyoodhaan
akka hin qabamneef in eega*.#24 Far 3:5; 4:8 26 10:29
27Gochuudhaaf utuu dandeessuu,
warra wanta gaarii argachuun ta'uuf
duraa hin hambisin!
28Utuu of harkaa qabduu,
<<Bor siif nan kennaatii
deebi'ii kottu!>>
namaan hin jedhin!
29Nama si amanatee si bira taa'utti
wanta hamaa hin yaadin!
30Utuu namni si hin miidhin,
akkasumaan nama hin lolin.
31Nama humna isaa namatti argisiifatutti
hin hinaafin,
karaa isaa keessaas tokko illee hin fo'atin*;
32namni micciiramaan
Waaqayyo duratti in ciigga'ama,
warri yaada qajeelaa qaban garuu
in amanamu*.#31 23:17; 24:1,19-20 32 15:8-9; Far 25:14
33Abaarsi Waaqayyoo
mana warra jal'ootaa irra jira,
mana warra qajeelotaa garuu
Waaqayyo in eebbisa*!
34Dhugumaan inni
warra ga'iftuutti in ga'isa,
warra gara-laafotaaf garuu
ayyaana isaa in kenna*.
35Ogeessonni ulfina in argatu,
warri gowwoonni garuu salphina irra in bu'u.#33 2:21-22; 13:21; 14:11; 24:20; 1Sam 2:9; Iyo 20:4-19; Isa 3:10-11 34 Yaq 4:6; 1Phe 5:5
Currently Selected:
Macaafa Fakkeenyaa 3: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
