Popular Bible Verses from Macaafa Fakkeenyaa 3

Share

Garaa kee guutuu Waaqayyoon amanadhu, hubannaa ofii keetiitti hin hirkatin! Karaa kee hundumaatti isa yaadi, innis daandii kee siif in qajeelcha.

Ani ogummaa qaba ofiin hin jedhin; Waaqayyoon sodaadhu, wanta hamaattiis fagaadhu*!

Qabeenya keetiin, ija midhaan keetii hundumaa keessaa isa duraatiinis, Waaqayyoof ulfina kenni*! Yommus midhaan gombisaa kee in guuta, daadhiin waynii kee inni haaraanis guutee iddoo cuunfaa waynii kee irra in dhangala'a.

Gaarummaa fi amanamummaan sittii hin fagaatin! Morma keetti isaan hidhadhu, gabatee garaa keettis isaan caaffadhu*!

Yaa ilma ko, adaba Waaqayyoo hin tuffatin, ifata isaas hin jibbin*! Abbaan ilma isaa isa jaallatu akkuma adabu, Waaqayyo nama jaallatu in adaba*.

Yaa ilma ko, gorsa koo hin irraanfatin, abboommota koos yaadatti qabadhu! Isaan guyyoota baay'ee fi waggoota baay'ee, nagaatti jiraachuus siif in dabalu*.

Namni ogummaa argatu, namni hubataanis haa gammadu! Ogummaan meetii caalaa bu'aa qabdi, iji isheen godhattus kan warqee irra in wayya; isheen calleewwan caalaa gati-jabeettii dha, wanta ati caalaatti hawwitu keessaa kan isheedhaan qixxaatu hin jiru*.

Gochuudhaaf utuu dandeessuu, warra wanta gaarii argachuun ta'uuf duraa hin hambisin!

Waaqayyo ogummaadhaan hundee lafaa jabeessee uume, hubannaadhaanis bantiiwwan waaqaa jabeessee in dhaabe.