Macaafa Fakkeenyaa 29
29
Fakkeenyaan Dubbachuu Ittuma Fufuu Isaa
1Nama sababii balleessaa isaatiif
utuma ifatamuu,
didee mataa jabaatu,
badiisi deebii hin qabne
dingata isa irra in ga'a*;
2qajeelonni yommuu baay'atan
namoonni in gammadu,
warri jal'oonni yommuu
biyya bulchan garuu,
namoonni in gaddu*.#1 15:10 2 11:10; 28:12,28
3Namni ogummaa argachuu jaallatu,
abbaa isaa in gammachiisa;
namni hidhata ejjituu ta'e garuu,
akkasumaan horii isaa bittimsa*.
4Mootiin firdii dhugaa kennu
biyya isaa in jabeessa,
gabbarsuudhaaf kan sassatu garuu
biyya isaa in balleessa;
5namni sobee afaaniin namatti kuulu,
miilla ofii isaatiitti dabboo in tartara;
6namni hamaan irra-daddarbaa isaatiin in xaxama,
namni qajeelaan garuu in faarfata, in gammadas.#3 Luq 15:13,30
7Namni qajeelaan hiyyeessaaf in dhimma,
namni jal'aan garuu,
wanta akkasii kanaaf
dhimma hin qabu.
8Warri ga'isoonni mandaratti goolii in kaasu,
warri ogeessonni garuu
dheekkamsa in qabbaneessu.
9Namni ogeessi nama gowwaa wajjin
gara yaa'ii yoo dhaqe,
inni gowwaan takka in dheekkama,
takka immoo in kolfa malee,
boqonnaa hin qabu.
10Namoonni dhiiga namaa dhangalaasuu suusa'an,
nama mudaa hin qabne in jibbu,
nama yaada qajeelaas
ajjeesuu in barbaadu.
11Namni gowwaan,
yaada aarii garaa isaatii hundumaa in dubbata,
namni ogeessi garuu in obsa,
of qabaas in dubbata*.#11 25:28
12Namni biyya bulchu
oduu sobaa yoo dhaggeeffate,
hojjetoonni isaa hundinuu
jal'oota in ta'u;
13Waaqayyo lachuu isaaniif iyyuu agartuu
waan kenneef,
hiyyeessii fi inni hiyyeessa cunqursu waluma qixxee dha*.
14Mootiin hiyyeessaaf firdii dhugaa yoo kenne,
mootummaan isaa bara baraan jabaatee in dhaabata*;
15ijoollee adabanii karaa irra buusuun gaarii dha,
mucaan gad-dhiisiitti guddatu garuu,
haadha isaa yeellaasisa*;
16yommuu jal'oonni baay'atan,
irra-daddarbaan in baay'ata;
qajeelonni garuu
kufaatii jal'ootaa in argu.
17Ilma kee adabii karaa irra isa buusi!
Inni immoo aara si galfachiisa,
garaas si in ciibsa*.#13 22:2 14 16:12 15 13:24; 22:15; 1Mot 1:6 17 23:13
18Mul'anni hin jiru yoo ta'e,
sabni gad-dhiisii in ta'a;
namni seericha eegu garuu
hammam haa gammadu!
19Hojjetaan waan afaaniin
itti himan duwwaadhaan,
qajeelee karaa irra hin bu'u;
yoo hubate iyyuu nama jalaa hin qabu*.#19 Far 74:9
20Nama dubbii ariifatu irra,
nama gowwaatu abdii qaba*;
21namni garbicha isaa
mucummaa isaatii jalqabee qanansiisu,
dhuma irratti tuffatamuu
ofitti in fida.
22Namni dheekkamaan lola in kaasa;
namni aaraanis irra-daddarbaa in baay'isa*.
23Of gurguddisuun,
gad deebii namatti fida,
kan gad of deebisu garuu,
ulfina in argata*.
24Namni hidhata hattuu ta'e
of in jibba,
kakatee dhugaa akka ba'uuf in gaafatama,
dhugaa dubbachuudhaaf garuu
ija hin jabaatu*.#20 26:12; Lal 5:1-2; Yaq 1:19 22 14:17; 15:18; 22:24 23 Far 75:7; Mat 23:12; 1Phe 5:5 24 Lew 5:1
25Nama sodaachuun kiyyootti nama galcha,
Waaqayyoon amanachuun garuu fayyina*;
26namoonni baay'een,
bulchaa biyyaatti of mul'isuu in barbaadu,
firdii dhugaan garuu Waaqayyo biraa namaaf kennama.
27Namni qajeelaan nama jal'aa in ciigga'a,
namni jal'aanis
nama yaada qajeelaa in ciigga'a.#25 Mat 10:28
Currently Selected:
Macaafa Fakkeenyaa 29: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
