Macaafa Fakkeenyaa 25
25
Solomoon Ittuma Dabalee Fakkeenyaan Dubbachuu Isaa
1Isaan kunis immoo fakkeenyota Solomoon,
isa namoonni Hisqiyaas mootii Yihudaa
caaffata irraa gara galfatanii dha*;
2waa dhoksuun ulfina Waaqayyoo ti,
dubbii qorachuun ulfina moototaa ti*;
3akkuma ol fageenyi bantii waaqaa,
gad fageenyi lafaas qoramuu hin dandeenye,
akkasuma yaadni mootii qoramuu hin danda'u.#1 1:1; 10:1; 2Mot 18:1-8 2 Kes 29:28
4Inni meetii irraa mi'a hojjetu,
meetii qullaa'aa akka qabaatutti,
ati meeticha baqsii udaan isaa gati!
5Teessoon mootii qajeelummaadhaan cimee haa dhaabatuutii,
gorsitoota hamoota mootii irraa dhowwi*!
6Mootii duratti ol of hin qabin,
nama guddaas of hin fakkeessin!
7Mootichi guddaa biyyaa duratti
<<Iddoo gara gadii dhaqi!>> siin jechuu isaa irra,
<<As ol kottu!>>
siin jechuu isaa wayya*.#5 16:12 7 Luq 14:7-11
8Wanta tokko ijuma keetiin argiteef
ariifattee gara yaa'iitti hin fidin!
Namni dubbii isaa caalchisee keessa beeku
yoo si sobsiise dhuma irratti
maal goota ree>>
9Namatti waan falmitu yoo qabaatte,
namichumatti falmadhu malee,
dhoksaa nama kan biraa hin mul'isin*!
10Kanaa'achis namni kana dhaga'u
si in qaanessa,
maqaa kee balleessuus
gonkumaa hin dhiisu.#9 20:19
11Dubbiin yeroo isaatti dubbatamu,
akka killa hudha qabuu
isa meetiidhaa fi warqee itti naqanii miidhagsanii ti*;
12ifanni ogeessi
nama isa dhaga'u ifatu,
akka amartii gurraa isa warqee irraa hojjetamuuf,
akka mi'a miidhaginaa
isa warqee ba'eessa irraa tolfamuu ti;
13bishaan cabbiidhaan diilalaa'e
yeroo makariitti akkuma
garaa nama qabbaneessu,
ergamaa amanamaanis akkasuma
nama isa ergatu garaa in ciibsa.#11 15:23
14Namni wanta hin kennineen of jaju,
akka duumessaa fi qilleensa
isa bokkaa of keessaa hin qabnee ti.
15Namni obsa-qabeessi
bulchaa biyyaa garaa in laaffifata,
namni arraba toles lafee
nama in cabsa*.
16Damma yoo argatte,
akka inni sitti baay'atee si hin balaqamsifnetti,
hamma si ga'u duwwaa nyaadhu!
17Namni si nufee akka si hin jibbinetti,
ammaa amma mana namaa hin dhaqin!#15 15:1
18Namni nama irratti sobaan dhugaa ba'u,
akka bokkuu yookiis billaa
yookiis xiyya qaramaa ti*;
19nama hin amanamne bara rakkinaatti amanachuun,
akka nama ilkaan raafamuun
waa alalfachuudhaaf,
miilla lawwaasa'aadhaanis adeemuudhaaf amanatuu ti;
20nama garaan isaa gadde faarfachuun,
akka waan guyyaa dhaamochaa uffata isaa isa irraa fuudhanii ti,
akka waan soogidda madaatti naqanii tis.#18 19:5
21Diinni kee yoo beela'e buddeena inni nyaatu,
yoo dheebotes bishaan inni dhugu kenniif.
22Kana gochuu keetiin immoo,
gaabbee akka inni yeella'u in goota;
Waaqayyos gatii kee siif in deebisa*.
23Qilleensi gara bitaa akkuma bokkaa fidu,
jette-jetteen,
ija dheekkamsaatiin
nama ilaaluu in fida.
24Haadha manaa qoccoltuu wajjin
mana tokko keessa taa'uu irra,
golee bantii manaa irra taa'uu wayya*.#21-22 Rom 12:20-21 24 19:13
25Oduu gaarii biyya fagoodhaa dhufu dhaga'uun,
akkuma nama dheebotee bishaan diilalaa'aa dhuguu ti*;
26namni qajeelaan
nama jal'aa duratti kufuun,
akka burqaa boora'ee,
yookiis akka bishaan boollaa
isa xuriin isaa ijaan ilaaluu
nama jibbisiisuu ti.
27Damma baay'isanii nyaachuun gaarii miti,
ulfina mataa ofii barbaaduunis ulfina miti.
28Namni of qabuu hin dandeenye,
akka mandara dallaawwan isaa jijjiganii ti*.#25 15:30 28 29:11
Currently Selected:
Macaafa Fakkeenyaa 25: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
