Macaafa Fakkeenyaa 24
24
Jechi Ogeessotaa Ittuma Fufuu Isaa
1Namoota jal'ootatti hin hinaafin,
hidhata isaanii ta'uus hin hawwin*!
2Isaan garaa isaaniitti
humnaan nama irratti ka'uu in yaadu,
afaan isaaniitiinis wanta hamaa in dubbatu.#1 3:31
3Manni ogummaadhaan ijaarama,
hubannaadhaanis jabeeffamee in dhaabama;
4beekumsaan kutaawwan manichaa,
wanta gati-jabeessaa fi
badhaadhummaa nama gammachiisu hundumaan in guuta.
5Namni ogeessi nama jabaa caalaa
aangoo qaba,
namni beekaanis nama humna qabu irra in caala.
6Ati geggeessaa ogummaatiin lolaaf in baata,
baay'ina gorsitootaanis mo'icha in argatta*.#6 20:18; 11:14
7Nama gowwaadhaaf ogummaan baay'ee
ol fagoo dha,
karra kellaa walga'ii keessattis
afaan isaa hin saaqqatu.
8Namni wanta hamaa gochuudhaaf malu,
<<Hamtu-gootee>> in jedhama.
9Akeeki gowwummaa cubbuu dha,
namoonnis ga'iftuu in ciigga'u.
10Ati bara rakkinaatti yoo raafamte,
humni kee muraasa.
11Warra gara du'aatti geeffaman oolchi,
warra ajjeefamuuf
hollachaa adeemanis deebisi*!
12Ati,<<Nuyi waa'ee kanaa hin beekne>> yoo jette,
inni garaa namaa qoru
kana hin hubatuu ree>>
Inni jireenya kee eegu kana hin beeku ree>>
Inni namaaf akka hojii isaatti
gatii isaa in kenna mitii ree?#11 Far 82:4
13Yaa ilma ko, dammi gaarii
waan ta'eef, isa nyaadhu!
Nadhiin dhaaba dammaa keessaa coccophu sitti in miyaa'a;
14akkasuma ogummaanis
jireenya keef ba'eessa akka ta'u beeki!
Ati isa yoo argatte
guyyaa booddeetiif abdii qabda,
abdiin kees hin badu*.#14 23:18
15Akka nama jal'aa
jireenya nama qajeelaa
riphxee hin eeggatin,
bultii isaa irrattis humnaan hin ka'in!
16Namni qajeelaan si'a torba
utuma kufee iyyuu,
deebi'ee in ka'a;
namni jal'aan garuu,
wanta hamaa keessatti in kufa*.#16 Far 37:23-24
17Yommuu diinni kee kufu,
kufaatii isaatti hin gammadin;
yommuu inni gufatus garaa kee keessatti hin gammadin*!
18Itti gammaduu kee Waaqayyo yoo arge hin jaallatu,
dheekkamsa isaas isa irraa in deebisa.#17 Iyo 31:29
19Waa'ee namoota hamaa hojjetaniif hin aarin,
warra jal'ootattis hin hinaafin*!
20Namni hamaan abdii borii hin qabu,
ibsaan nama jal'aas in dhaama*.#19 Far 37:1; Fak 3:31 20 3:33
21Yaa ilma ko, Waaqayyoon sodaadhu,
mootiidhaaf ulfina kenni;
hidhata warra ittiin mormaniis hin ta'in*!
22Namoonni akkasii kun
hamma liphsuu ijaatti in badu,
badiisa isa Waaqayyo yookiis
mootiin isaanitti fidu
eenyutu beekuu danda'a ree?#21 1Phe 2:17
23Jechi kanatti fufee jirus immoo
jecha namoota ogeessotaa ti;
firdiitti nama wal caalchisuun gaarii miti.
24Nama jal'aadhaan,<<Ati qajeelaa dha>> nama jedhu,
namoonni in abaaru;
sabni lafa irraas isa in ciigga'a.
25Garuu warra nama jal'aa ifataniif
gaarii in ta'a,
eebbi gaariin isaaniif in dhufa*.#23-25 17:15
26Deebiin dhugaan,
milikkita firooma dhugaa ti;
27maasii qopheeffattee,
waan ittiin jiraattu hamma argattutti
mana hin dhaabbatin!
28Akkasumaan nama irratti dhugaa hin ba'in,
yookiis nama hin sossobin*!
29Ati,<<Waanuma namni
ana hojjeteen isa hojjedha,
gatii hojii isaatiis isaaf nan deebisa>>
hin jedhin*!#28 19:5; Bau 20:16 29 20:22
30Ani maasii nama dhibaa'aa keessa,
iddoo dhaabaa waynii
nama qalbii hin qabnee
keessas nan adeeme;
31kunoo, qoraattiin iddoo hundumaatti in biqile,
aramaan irra in gara gale,
dallaan dhagaa isaas in jijjige;
32yommus ani ilaaleen wanta kana yaadaan qabee,
isan arge kana irraas
barumsa nan argadhe.
33Rafuudhaaf harka kee wal irra in qaxxaamursita,
yeroo muraasa in mugda,
yeroo xinnoo ishees in rafta;
34garuu utuma ati raftuu
hiyyumni akka saamtuutti,
dhabinnis akka nama mi'a lolaa hidhateetti
sitti in dhufa*.#33-34 6:9-11
Currently Selected:
Macaafa Fakkeenyaa 24: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
