Macaafa Fakkeenyaa 12
12
Gorsi Jireenya Har'aa-Borii Ilaalu Ittuma Fufuu Isaa
1Namni gorsa jaallatu,
beekumsa argachuu jaallata,
namni ifata jibbu garuu gowwaa dha*;
2namni gaariin Waaqayyo biraa
ayyaana in argata,
warra wanta hamaa malanitti garuu,
Waaqayyo in farada;
3namni jal'inaan jabaatee hin dhaabatu,
hiddi nama qajeelaa garuu
raawwatee hin socho'u*.#1 13:1,18; 15:12 3 10:30; Far 1:3-4
4Haati manaa dandeessuun
abbaa manaa isheetiif gonfoo dha,
isheen yeellaasiftuun garuu,
akka dhukkuba lafee bososiisuu ti*;
5yaadni qajeelotaa
wanta Waaqayyo duratti
qajeelaa ta'ee fudhatamee dha,
gorsi jal'ootaa garuu gowwoomsaa dha.
6Dubbiin jal'ootaa utuu hin beekamin
dhiiga in dhangalaasisa;
dubbiin warra qajeelotaa garuu,
dhiiga dhangala'uu in oolcha*;
7jal'oonni in figgimfamu,
deebi'aniis hin argaman;
manni qajeelotaa garuu jabaatee in dhaabata*.#4 31:10-12 6 10:21 7 10:24-25; 14:11
8Namni akkuma ogummaa isaatiitti in jajama,
namni yaada jal'aa garuu in tuffatama;
9nama isa utuu
buddeena nyaatu hin qabaatin
nama guddaa of fakkeessuu mannaa,
nama isa tuffatamee
hojjetaa ta'ee jiraatu wayya.
10Namni qajeelaan jireenya horii isaatiif in yaada,
inni warri jal'ootaa,
<<Gara-laafina>> jedhan iyyuu gara-jabina*;
11namni lafa isaa qotatu buddeena quufa,
namni wanta waa'ee hin baafne
duukaa bu'u garuu,
qalbii hin qabu*.#10 Bau 20:10; 23:4-5; Kes 25:4 11 28:19
12Namni jal'aan
bu'aa warra hamootaa in kajeela,
hiddi warra qajeelotaa garuu
yaa'ee wal in hora;
13namni jal'aan
irra-daddarbaa afaan isaa keessaa ba'uun
kiyyootti in gala,
namni qajeelaan garuu
rakkina jalaa in ba'a;
14namni wanta afaan isaa keessaa ba'uun
wanta gaarii in quufa,
wanta harka isaatiin hojjetes
isumatu fudhatee gala*.
15Nama gowwaatti karaan ofii isaatii
qajeelaa in fakkaata,
namni ogeessi garuu gorsa in dhaga'a;
16aariin nama gowwaa
dafee irraa in beekama,
namni hubataan garuu
salphina in dhoksa.#14 18:20
17Namni dubbii dhugaa dubbatu
qajeelummaa mul'isa,
namni sobaan dhugaa ba'u garuu in gowwoomsa.
18Dubbiin gar-malee dubbatamu
akka billaa nama waraana,
arrabni ogeessaa garuu in fayyisa*;
19afaan dhugaa dubbatu
bara baraan jabaatee in dhaabata,
arrabni soba dubbatu garuu,
yeroo gabaabaadhaaf in jiraata;
20garaa warra wanta hamaa malanii keessa
gowwoomsaatu jira,
warri wanta nagaa nama gorsan garuu in gammadu.
21Nama qajeelaatti rakkinni hin dhufu,
nama jal'aatti garuu
rakkinni in baay'ata.#18 13:3; Far 57:4
22Waaqayyo namoota soba dubbatan in ciigga'a,
namoota amanamootti garuu in gammada;
23namni hubataan
beekaa ta'uu isaa in dhoksa,
warri gowwoonni garuu
gowwummaa isaanii in beeksisu.
24Namni harki isaa ba'eessa godhee hojjetu in mo'a,
namni harki isaa dhibaa'u garuu,
garbicha namaa in ta'a;
25yaaddoon garaa namaa keessa yoo jiraate,
gad nama qaba;
dubbii gaariin garuu nama gammachiisa*.#25 16:24
26Namni qajeelaan
wanta gaarii namaaf in barbaada,
namni jal'aan garuu
karaa irraa nama kaachisa;
27namni dhibaa'aan jabaatee
wanta adamsu duukaa hin bu'u,
namni dhimmee hojjetu garuu,
wanta gati-jabeessa in argata;
28karaa qajeelummaa irra jireenyatu jira,
dhuguma, inni karaa
ba'eessa ta'ee hojjetamee dha,
duunis isa irra hin jiru.
Currently Selected:
Macaafa Fakkeenyaa 12: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
