Macaafa Fakkeenyaa 11
11
Gorsa Jireenya Har'aa-Borii Ilaalu
1Miijanni sobaa Waaqayyo duratti jibbamaa dha,
dhagaan safaraa inni guutuun garuu isatti in tola*;
2yommuu of gurguddisuun dhufu,
salphinni in dhufa;
yommuu gad of deebisan
ogummaatu dhufa*;
3balleessaa dhabuun warra qajeelotaa
isaanuma in geggeessa;
micciiramummaan
warra hin amanamnee garuu,
isaanuma in balleessa.
4Guyyaa dheekkamsaatti
soorumni homaa waa'ee hin baasu,
qajeelummaan garuu
du'a nama oolcha*;
5qajeelummaan warra mudaa hin qabnee,
isaanumaaf karaa qajeelcha,
jal'oonni garuu jal'inuma isaaniitiin in kufu;
6qajeelummaan
warra gara-qajeelotaa
isaanuma oolcha,
warri hin amanamne garuu,
kajeellaa hamaadhaan in qabamu.#1 16:11; 20:10,23; Lew 19:35-36; Mik 6:10-12 2 16:18 4 10:2; Luq 12:20
7Abdiin nama jal'aa
yommuu inni du'u in bada,
soorumni inni amanatus
waan tokkotti illee hin galu*;
8namni qajeelaan rakkina jalaa in ba'a,
namni jal'aan garuu,
iddoo isaa rakkinatti in gala*;
9namni Waaqayyo malee jiraatu,
dubbii afaan isaatiitiin nama balleessa;
namni qajeelaan garuu,
beekumsaan isa duraa in ba'a*.#7 10:28 8 21:18 9 10:21
10Warra qajeelotatti yommuu tolu,
mandarri in gammaddi;
namni jal'aan yommuu badu,
mandarattiin gammaduu ishee in mul'ifti;
11eebba gara-qajeelotaatiin
mandarri in guddatti,
dubbii afaan jal'ootaatiin garuu,
gara in gaggalfamti*.
12Namni nama tuffatu qalbii hin qabu,
namni hubataan garuu
calluma jedha;
13namni hama deddeebisu
dhoksaa mul'isa,
namni amanamaan garuu dhoksaa eega*;
14geggeessaan yoo itti hir'ate
sabni in kufa,
gorsituun baay'achuun garuu,
biyya nagaatti jiraachisa.#11 28:12 13 20:19
15Namni nama ormaaf
wabii darbu in rakkata,
namni wabii namaaf
darbuu jibbu garuu,
nagaatti in jiraata*.
16Dubartii gaariin ulfina in argatti,
warri humnaan nama irratti ka'an garuu in sooromu;
17namni gara-laafessi
ofiidhuma isaatiif bu'aa argata,
namni gara-jabeessi garuu
ofuma isaa miidha;
18namni jal'aan beenyaa sobaa argata;
qajeelummaa kan facaasu garuu
gatii isa dhugaa in argata;
19qajeelummaan gara jireenyaatti,
wanta hamaa duukaa bu'uun garuu
gara du'aatti nama in geessa.#15 6:1-5
20Waaqayyo namoota yaada micciiramaa qaban in jibba,
warra jireenyi isaanii
mudaa hin qabnetti garuu,
in gammada.
21Warri jal'oonni utuma
harka wal qabatanii iyyuu,
utuu hin adabamin hin hafan,
sanyiin warra qajeelotaa garuu
duraa in ba'a.
22Dubartiin miidhagduun
dubbii alalfattee haasa'uu hin beekne,
akka amartii warqee
funyaan boyyeetti jiruu ti;
23hawwiin nama qajeelaa
waanuma gaarii duwwaa dha,
abdiin jal'ootaa garuu,
dheekkamsaan in deebi'a*.#23 10:28
24Horii isaa kan asii fi achi
bittimsu jira,
kana keessaa immoo ittuma
dabalamaafii in adeema;
safara malee kan doqnoomu jira,
kana keessaa immoo in hiyyooma;
25namni arjaan in lalisa;
namni dheebuu nama baasus
dheebuu in baafama*.
26Nama midhaan harka keessa qabatu
namoonni in abaaru,
mataa nama midhaan gurguruu irratti garuu eebbatu dhufa.#24-25 Mat 25:29; 2Qor 9:6
27Namni wanta gaarii dhimmee barbaadu,
faara tolaa in argata;
nama wanta hamaa barbaadutti garuu hamaatu dhufa.
28Namni sooruma isaa amanatu in kufa,
namni qajeelaan garuu,
akka muka jiidhaatti in lalisa*;
29namni maatii isaa rakkisu
harka duwwaa in hafa;
gowwaan nama ogeessaaf
hojjetaa in ta'a;
30iji hojii nama qajeelaa
muka jireenyaa ti,
namni ogeessi malaan
lubbuu namaa in deebifata.
31Warrumti qajeelonni iyyuu
lafa irratti gatii isaanii
kan argatan erga ta'ee,
kan warra jal'ootaa fi
kan warra cubbamootaa immoo
hammam kana irra haa hammaatu ree*?#28 15:6; Far 1:3; 52:8-9 31 1Phe 4:17-18
Currently Selected:
Macaafa Fakkeenyaa 11: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
