Macaafa Miikiyaas Raajichaa 6
6
Hadheeffamuu Saba Israa'el
1Ammas wanta Waaqayyo jedhu dhaga'aa!
<<Ka'i, dhimma koo
tulloota duratti dhi'eessi,
gaaronnis sagalee kee haa dhaga'an!>>
anaan jedhe*.
2Isin yaa tulloota nana,
isinis hundeewwan lafaa
warri bara baraan jiraattan,
hadheessa Waaqayyo dhi'eessu dhaggeeffadhaa!
Waaqayyo saba isaa waan ittiin hadheessu qaba,
Israa'elittis in falma.#1 His 6:2
3Waaqayyo,<<Yaa saba ko,
ani maalan si godhe>>
Maaliinan si dallansiise>>
Anatti himi*!
4Anoo biyya Gibxiitii sin baase,
garbummaa jalaas sin fure;
Museen, Aaronii fi Miiryaam
akka si geggeessaniif
isaan ergeera*.
5Yaa saba ko,
wanta Balaaq mootiin Mo'aab
gochuuf korate,
wanta Bala'aam
ilmi Be'or deebiseefis,
hojii koo isa qajeelaa akka hubattuuf
iddoo <<Shiixiim>> jedhamuu
hamma mandara Giilgalitti
wanta ta'es yaadadhu!>> jedhe*.#3 Er 2:5 4 Bau 20:2; 4:13-16; 15:20 5 Lak 22:17-18; 23:7-8; 24:10; Iya 4:19
Wanta Waaqayyo Nama Irraa Barbaadu
6Ani maal fudhadhee
Waaqayyo duratti dhi'aadhu>>
Waaqayyo isa
ol gara irraa jiru durattis
attamitti gugguufu>>
Qalma gubamuu fi
jabboota waggaa tokkoo fudhadhee
fuula isaa duratti dhi'aadhuu ree*>>
7Gooftichi korbeeyyii hoolaa kumatti,
dhadhaa ejersaa akkuma bishaaniitti
lagoota kuma kudhan
keessa yaa'utti in gammadaa ree>>
Irra-daddarbaa koo fi
ilma koo isa angafa,
lubbuu koo oolfachuudhaafis
dhala koo aarsaa cubbuu godhee dhi'eessuu ree*>>
8Inni wanta gaarii ta'e sitti himeera,
yaa namaa! Wanta qajeelaa ta'ee fudhatame hojjechuu,
gaarummaa jaallachuu, gad of deebiftees
Waaqayyo kee wajjin deddeebi'uu malee,
gooftichi maal si irraa barbaada ree*?#6 Far 50:8-13; Amo 5:22 7 Bau 22:29; His 20:25-26 8 Kes 10:12; Hos 12:7; 1Sam 15:22
9Sagaleetu dhaga'ama!
Waaqayyo mandaricha in waama;
maqaa isaa sodaachuun ogummaa dha,
kanaaf yaa gosaa,
yaa wal ga'ii mandarichaa dhaga'aa!
10Waaqayyo,<<Qabeenyi gar-malee
walitti qabame,
qodaan safaraa gad deebi'aan
inni abaaramaanis
amma iyyuu mana warra jal'ootaa keessa jiraa ree*>>
11Nama miijana jal'isuudhaan
dhagaa safaraas korojoo keessaa fuudhee
waliin dha'uudhaan hojjetu
calluma jedhee nan dhiisaa ree*>>
12Hojiin dureessota isheetii
humnaan nama irratti ka'uudhaan guuteera,
warri achi keessa jiraatanis
soba in dubbatu,
arrabni isaaniis haxxummaadhaan in gowwoomsa*.#10 Lew 19:35-36 11 Fak 20:10 12 3:1-4
13<<Kanaafis ani rukutee sin dhukkubsachiisa,
sababii cubbuu keetiifis sin onsa.
14Ati in nyaatta garuu hin quuftu,
garaan kee keessi amma iyyuu in beela'a;
in dhokfatta, garuu siif hin oolu;
isa ati baqachiifattu immoo
ani billaadhaaf nan kenna.
15In facaafta garuu hin galfattu,
dhadhaa ejersaa in baafatta,
garuu ofii hin dibattu;
ija waynii in cuunfatta,
garuu daadhii isaa hin dhugdu*;
16ani akkan si onsuuf,
warra si keessa jiraatanis
ga'oof akkan godhuuf,
salphina saba koos akka baattuuf,
ati waan bara mooticha Omriitti amala ta'e,
wanta mana mooticha Ahaab keessatti
hojjetamu hundumaas eegdeetta>> in jedha*.#15 Kes 28:38-40; Amo 5:11-12; Sef 1:13 16 1Mot 16:23-33; Sef 2:15; Er 18:16
Currently Selected:
Macaafa Miikiyaas Raajichaa 6: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
