Macaafa Miikiyaas Raajichaa 7
7
Biyya Badeef Boo'uu Isaa
1Ani akka nama
erga iji mukaa ciramee
iji wayniis muramee booddee,
haftee barbaaddatee dhabee
waanan ta'eef, anaaf wayyoo!
Ija waynii akkan hin nyaanneef
irratti hin hafne,
ija harbuu isa dura bilchaatu illee
garaan koo kajeelee ture,
garuu irraa nan dhabe.
2Namni Waaqayyoof of kenne
lafa irraa badeera,
namni yaada qajeelaa qabus
isaan keessa hin jiru;
hundumti isaanii dhiiga namaa dhangalaasuudhaaf
riphanii in eeggatu;
namni adduma addaan
kiyyootti wal in oofa*.
3Harki isaanii waan hamaa hojjechuu
ba'eessa godhee beeka;
namni guddaan harka-fuudhaa in gaafata,
abbaan firdiis gabbarsuu fudhachuudhaan
firdii in kenna;
inni dubbiin isaa dhaga'amuuf
akkuma garaan isaa barbaade in dubbata,
isaan kun dubbii micciiranii
walitti in fidu.#2 Far 12:1; 14:3; Er 5:1; Isa 57:1
4Isaan keessaa inni hundumaa caalaa
<<Ba'eessa>> jedhamu akka qoraattii ti,
inni yaada qajeelaa <<Qaba>> jedhamus
dallaa qoraattii caalaatti in sodaachisa;
guyyaan adabamuu kee inni warri ilaaltuun
si irratti dhufuu isaa argan ga'eera;
walii wallaalchifamuun isaaniis
amma ta'uu isaa ti.
5Hidhata keessan hin amaninaa;
fira isinitti dhi'aatus hin amanatinaa;
haadha manaa kee ishee ammattee ciiftutti iyyuu
waa himuu irraa of eeggadhu!
6Ilmi<<Joonja'aa dha>>
jedhee abbaa isaa in tuffata,
intalli haadha ishee irratti,
haati manaa ilmaas
amaatii ishee irratti in kaati,
diinonni nama tokkoos
warra mana isaa keessaa in ta'u*.
7Ani garuu abdiidhaan
gara Waaqayyoo nan ilaala,
Waaqayyo koo isa ana fayyisu nan eeggadha,
Waaqayyotu anaaf dhaga'a*.#5-6 Er 9:3-4; Mat 10:35-36; Luq 12:53 7 Isa 8:17; Anb 2:1
Waaqayyo Deebisee Saba Isaa Ol Qabuuf Akka Jiru
8Ani kufeera garuu deebi'ee nan ka'a,
dukkana keessa nan jiraadha;
Waaqayyo garuu ifa koo ti;
yaa diinota ko,
egaa anatti hin gammadinaa*!
9Ani Waaqayyoon waanan yakkeef
hamma inni dubbii koo ilaalee
dhugaa koo anaaf baasutti
dheekkamsa isaa isa boba'aa nan baadha;
inni gara ifaatti na baasa,
ani immoo qajeelina isaa
argee nan gammada*.
10Diinonni koo warri,
<<Waaqayyo gooftaan kee eessa jira?>>
anaan jedhan kana in argu,
yeelloonis isaan in qabata;
karaa keessattis akkuma kosiitti
dhidhiitamuu isaanii arguutti nan gammada*.#8 Oba 12-13; Far 27:1 9 Er 14:7 10 Far 79:9-10
11Gaaf tokko masaraawwan kee
deebi'anii in ijaaramu;
gaafas daariin kee in bal'ata.
12Bara sanatti namoonni kee
warri biyya Asorii
hamma biyya Gibxiitti,
Gibxii hamma laga Efraaxiisitti,
galaanaa hamma galaanaatti,
tulluudhaa hamma tulluutti
tamsa'anii jiraatan
gara kee in dhufu.
13Ija hojii hamaa warri isa irra jiraatan
hojjetan irraa kan ka'e,
lafti in ona*.#11-13 Isa 10:5-6; Nah 2:1-3:32
Gara Gaariitti Deebi'uudhaaf Waaqayyoon Kadhachuu Isaa
14Saba kee, warra hoolota
dhuunfaa kee godhatte,
ulee keetiin tiksi!
Isaan lafa gaggaarii
isa naannoo isaanii jiru dhabanii,
caakkaa keessa kophaatti in jiraatu;
akka bara duriitti biyya Baashaanii fi
Giil'aad keessa akka dheedan godhi*!
15Akkuma bara biyya Gibxiitii
isaan baafte sanaatti
dinqii nutti argisiisi*!
16Sabni lafa irraa kana arganii,
humna isaanii hundumaa
keessaa immoo in yeellaasifamu,
afaan isaanii in qabatu,
gurri isaaniis in duuda.
17Isaan akka bofaa,
akka warra lafa munyuuqaniis
biyyoo in araabu, rom'aas
iddoo cufatanii taa'an keessaa in ba'u;
si sodaachuu irraa kan ka'e
rifatanii gara kee,
gara Waaqayyo gooftaa keenyatti
gara in galu*.#14 Er 50:19; Far 74:1 15 Bau 14:5-31 17 Uma 3:14; Isa 2:19,21; Far 72:9
18Yaa Waaqayyo, kan akka kee
cubbuu namaaf dhiisu eenyu ree>>
Ati dhuunfaa kee kan ta'an
keessaa warra hafaniif
balleessaa isaanii irra in darbitaaf;
ati gaarummaatti in gammadda malee,
dheekkamsa keessa hin ooltu*.
19Ati deebitee araara
nutti in argisiifta;
yakka keenya miilla kee jalatti in gatta,
cubbuu keenya hundumaas
galaana gad fagoo keessa in buufta.
20Ati akkuma bara duriitti abboota keenyaaf kakattetti,
ijoollee Yaaqoobitti amanamummaa
kan Abrahaamittis
gaarummaa in argisiifta*.#18 Er 50:20; Far 103:8-12; Bau 34:6 20 Uma 22:16-18; 28:13-15; Luq 1:73-74
Currently Selected:
Macaafa Miikiyaas Raajichaa 7: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
