Faaruu Ermiyaas 5
5
Araara Kadhachuu Isaa
1Yaa Waaqayyo wanta nu irra ga'e yaadadhu!
Kunoo, yeellaasifamuu keenyas ilaali!
2Dhaalli keenya kan ormaa ta'e,
manneen keenyas alagaatu fudhate.
3Nuyi ijoollee hiyyeeyyii
abbaan irra hin jirre taane,
haadhotiin keenyas haadha hiyyeessaa ta'an;
4bishaan horiidhaan bitannee dhugna,
qoraanis horii malee hin argannu.
5Warri nu ari'an
faana keenya irra bu'anii nu qaqqabu,
nuyi dadhabneerra
isaan garuu boqonnaa nuuf hin kennan.
6Buddeena quufuudhaaf jennee,
warra Gibxii fi warra Asoritti
of in kennine*.
7Abboonni keenya warri dur
cubbuu hojjetan,
har'a hin jiran;
nuyi garuu amma iddoo isaanii
adabamaa jirra*.
8Garboonni nu irratti in mo'an,
namni isaan jalaa nu baasu
garuu hin jiru.
9Lafa onaa keessa warri nama ajjeesan waan jiraniif,
nuyi buddeena keenya illee lubbuu keenya
gannee arganna;
10beela irraa kan ka'e
gogaan dhagna keenyaa illee gugubatee,
akka giimii ibiddaa in ta'e.#6 Isa 30:2; Er 2:18; 37:3-8; Hos 7:11 7 Bau 20:5; Er 31:29
11Dubartoonni Xiyoon keessatti,
durboonnis mandaroota
Yihudaa keessatti
in yeellaasifaman;
12angafoota biyyaa
harka isaaniitiin in fannisan,
jaarsoliidhaaf ulfina hin kennine*;
13dargaggoota daakuu in daaksifatan,
ijoollota immoo qoraan guursifatanii,
ba'aa ulfaataa jalatti
akka kukkufan in godhan;
14jaarsoliin,
yaa'ii karra mandarichaa
dhiisanii in adeeman,
dargaggoonnis
sagalee faarfannaa
dhageessisuu in dhiisan.
15Garaan keenya gammachuu in dhabe,
sirbi keenyas gaddatti in diddiirame;
16nuyi cubbuu waan hojjenneef,
ulfinni keenya nu irraa godaaneera'o,
nuuf wayyoo!
17Onneen keenya dhukkubsatee,
iji keenyas dimimmisaa'uun,
18sababii tulluun Xiyoon onee,
waangonni achi irra yaa'aniif ture.#12 2Mot 25:19-21
19Ati garuu yaa Waaqayyo,
bara baraan in moota,
teessoon kees dhalootaa
hamma dhalootaatti in jiraata*;
20ati maaliif bara kana hundumaa nu irraanfatte>>
maaliifis yeroo dheeraa
hammana ga'uuf nu gatte>>
21Yaa Waaqayyo, gara kee akka dhufnutti
ati ofii keetii nu deebisi!
Ulfina keenya duriis nuuf deebisi*!
22Yoo kanaa achii baay'ee nutti aaruu kee ti,
raawwattees nu gatuu kee ti.#19 Far 102:12-14; 146:10 21 Er 31:18-19
Currently Selected:
Faaruu Ermiyaas 5: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
