Macaafa Iyoob 18
18
Biildaad Shu'aahichi Ammas Iyoobitti Dubbachuu Isaa
1Kana booddee Biildaad Shu'aahichi deebisee,
2<<Ati yoom dubbattee fixxa>>
Irratti dubbannaatii mee itti yaadi!
3Maaliif akka horii marga dheeduutti lakkaa'amne>>
Ija kee durattis
maaliif akka gowwaatti ilaalamne>>
4Yaa Iyoob,
isa dheekkamsa keetiin
mataa of irraa cirtu,
lafti sababii keetiif haa ontuu ree>>
Yookiis kattaan iddoo isaatii haa butatuu ree>>
5<<Ibsaan nama jal'aa in dhaama,
arrabni ibidda isaas hin ibsu;
6ifni dunkaana isaa keessatti hin ibsu,
ibsaan isaas isa irratti in dhaama*;
7humni tarkaanfii isaatii in laafa,
malli inni qopheesses
isa in gufachiisa;
8miilli isaa kiyyootti isa in galcha,
boolla keessatti qabamu irras in adeema;
9futtaasaan koomee isaa in qabata,
meendoonis jabeessee isa in qaba;
10funyoon itti furga'ee isa qabu
lafa keessa in dhokfame;
futtaasaanis karaa irra in kaa'ameef;
11wanti nama naasisu
karaa hundumaa isa in sodaachisa,
isa duukaa bu'ees isa in ari'a*;
12humna isaa beelli in dadhabsiisa,
badiifnis qophaa'ee isa in eeggata.
13Dhukkubni gogaa dhagna isaatii in fixa;
dhukkubni sodaachisaanis
harka isaa fi miilla isaa in nyaata*;
14dunkaana isaa isa amanatee keessa taa'u
keessaa in buqqifama,
gara mootummaa du'aattis in geeffama;
15kan isaa kan hin ta'inis
dunkaana isaa keessa in jiraata,
qe'ee isaa irras dhagaan boba'u in firfirfama.
16Jalaa hiddi isaa in goga,
irraa immoo damoonni isaa in coollagu;
17seenaan isaa lafa irraa in bada,
mandara keessaas
maqaan isaa waan ittiin beekamu hin qabu*;
18inni ifa keessaa dukkanatti in darbatama,
biyya lafaa keessaas ari'amee in baafama.
19Saba isaa gidduudhaa dhala yookiis sanyii hin qabu,
iddoo inni jiraachaa tures
kan baraarameef hin jiru*.
20Warri lixa-biiftuu
wanta isa irra ga'e dhaga'anii
na'anii in dinqifatan;
warra ba'a-biiftuus naasuutu qabate.
21Eyyee! Qe'een warra Waaqayyo malee jiraatanii,
iddoon nama Waaqayyoon hin beeknes
akkas in ta'a>> jedhe.#5-6 18:18; Fak 13:9; Er 25:10 11 15:20; Lew 26:36-37 13 Lak 12:10-12 17 Far 9:5-6; Fak 10:7; Isa 14:20 19 Far 37:28; Isa 14:22
Currently Selected:
Macaafa Iyoob 18: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
