Macaafa Iyoob 11
11
Zofaar Naa'imaatichi Iyoobiif Deebii Kennuu Isaa
1Yommus Zofaar Naa'imaatichi deebisee,
2<<Dubbii baay'eedhaaf deebiin hin kennamuu ree>>
namni dubbataa ta'eef dhugaa in argataa ree>>
3Sobni kee calluma nama jechisiisaa ree>>
Yommuu ati ga'iftus
namni si ifatu hin jiruu ree>>
4Waaqayyoon,<<Barsiifni koo qullaa'aa dha,
anis fuula kee duratti
akka seeraatti qullaa'aa dha>> in jetta*;
5Waaqayyo afaan isaa saaqqatee,
si irratti utuu dubbatee
attam gaarii dha*!
6Inni dhoksaa ogummaa sitti in mul'isa,
hubannaan isaas hammana hin jedhamu;
inni cubbuu kee keessaa gar tokko
akka hin lakkaa'amne siif gochuu isaa beeki*!#4 10:7; 16:17; 33:9 5 38:1 6 Rom 11:33; 1Qor 2:16
7<<Gad fageenya dhoksaa Waaqayyoo
qortee bira ga'uu dandeessaa ree>>
Daarii yaada isa hundumaa danda'uu
qortee bira ga'uu dandeessaa ree*>>
8Yaadni isaa bantii waaqaa caalaa
ol ka'aa dha,
maal gochuu dandeessa ree>>
Iddoo lafa jalaa caalaa gad fagoo dha,
maal isaa beekuu dandeessa ree>>
9Safarri isaas lafa caalaa in dheerata,
galaana caalaas in bal'ata.
10Waaqayyo kana hundumaa irra darbee dhufee
mana hidhaatti si galchee
yaa'iis yoo sitti dachaase,
eenyutu isa dhowwuu danda'a*>>
11Inni nama waa'ee hin baafne beeka,
jal'ina namaa yommuu argu,
inni yaadaan hin qabuu ree>>
12Yoo harreen gaanfa baafte duwwaa,
namni gowwaan ogeessa ta'uu in danda'a.#7 1Qor 2:10 10 9:12
13<<Ati garaa kee yoo qajeelfatte,
isa kadhachuudhaafis harka kee
yoo bal'ifte*,
14yakka isa harka kee keessa jiru
yoo of irraa fageessite,
jal'innis godoowwan kee keessa hin buufatu yoo ta'e,
15yommus ati dhugumaan yeelloo malee,
mataa kee ol in qabatta;
sodaa malees jabaattee in dhaabatta*.
16Ati rakkina kee in irraanfatta;
akka bishaan yaa'ee darbee duwwaatti isa in yaadatta.
17Jireenyi kees guyyaa saafaa caalaa in ifa,
dukkannis akka ganamaa in ta'a*;
18abdiin waan jiruuf in amanatta,
ati naannoo kee marsitee ilaaltee
nagaattis in rafta;
19ati in rafta
kan si sodaachisus hin jiru,
namoonni baay'een
akka ati faara isaanitti toltu in barbaadu*.
20Iji jal'ootaa garuu arguu in dadhaba,
karaa ittiin duraa ba'anis in dhabu;
abdiin isaaniis du'a duwwaa dha>> jedhe.#13 Bau 9:29; Far 88:9; 1Mot 8:38-39 15 22:26 17 Isa 9:1-2; 42:16; 58:8; Far 97:11 18-19 Far 4:8
Currently Selected:
Macaafa Iyoob 11: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
