Macaafa Iyoob 10
10
Iyoob Waaqayyotti Dubbachuu Isaa
1<<Ani jireenya koo nan jibba,
of gad dhiisees gadda koo nan dhageessifadha;
isa jireenyi koo
keessa ba'ee anatti hadhaa'e nan dubbadha*;
2ani Waaqayyoo wajjin dubbadhee,
<<Waanan sitti balleesse
anatti himi malee,
maaliif anatti faradda>>
3Maree warra jal'ootaa faara tolaadhaan
ilaaltee ana cunqursuun,
hojii harka keetiis tuffachuun
sitti in tolaa ree>>
4Ati dhuguma ija foonii qabdaa ree>>
Akkuma namni ilaaluttis in ilaaltaa ree*>>
5Guyyoonni kee akka guyyoota namaa tii ree>>
Waggoonni kees akka waggoota namaa tii ree>>
6Egaa maaliif irra-daddarbaa koo iyyaafattee,
cubbuu koos qoratta>>
7Balleessaa akkan hin qabne,
harka kees kan na oolchu
akka hin jirre ati in beekta.#1 7:11 4 1Sam 16:7
8<< <Duroo harka keetu tolchee na uume,
kana keessaa gara galtee ana balleessitaa*>>
9Suphee irraa akka na uumte yaadadhu;
amma immoo biyyootti
na deebisuuf jettaa ree*>>
10Ati akka aannanii ana hin dhangalaafnee ree>>
Akka itittuus ana hin itichinee ree>>
11Gogaa fi foon anatti uffiftee,
ribuudhaa fi lafeedhaan
walitti na fayyifte.
12Ati jireenya anaaf kennitee,
gaarummaas na argisiifteetta;
eegumsi kee hafuura koo jiraachiseera.#8 Far 139:13 9 33:6; Uma 2:7; 3:19
13<< <Garuu ati kana garaa keessa
akka kaa'atte,
kunis akeeka kee akka ture
ani beeka;
14yoon cubbuu hojjedhe ati in argita,
yakka koo irrattis akkasumatti
gad ana hin dhiiftu.
15Jal'aa yoon ta'e anaaf wayyoo!
Salphinaan guutamee,
gad qabamuudhaanis
waanan liqimfameef,
utuman nama qajeelaa ta'e iyyuu,
danda'ee mataa koo ol hin qabadhu.
16Yoon mataa koo ol qabadhe,
ati akka leencaa na adamsita;
ammaa ammas humna kee isa dinqisiisaa
anatti in argisiifta*;
17dhuga-baatota haaraa ana irratti in kaafta,
dheekkamsa kee anatti in baay'ifta,
loltuu haaraa anatti in ergita.#16 Isa 38:13
18<< <Gadameessa keessaa maaliif na baafte>>
Iji nama tokko illee
utuu ana hin argin,
utuun du'eera ta'ee*!
19Utuun hin jiraanne ta'ee,
gadameessa keessaa gara awwaalaatti geeffameera ta'ee,
attam gaarii ture!
20Barri jireenya koo muraasa mitii ree>>
egaa jajjabina xinnoo ishee
akkan argadhutti
na dhiisii ana irraa deebi'i!
21Ani gara lafa deebi'anii hin galle,
lafa halkanii fi dukkana sodaachisaa*,
22gara lafa dukkana quba hin keessifneef
dukkana sodaachisaa,
lafa toora hin qabne,
lafa ifni iyyuu akkuma dukkanaa ta'e
utuun hin dhaqin,
jajjabina akkan argadhutti na dhiisi!>>
nan jedha>> jedhe.#18 3:3,11; Er 20:14 21 7:9-10
Currently Selected:
Macaafa Iyoob 10: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
