Macaafa Ermiyaas Raajichaa 17

Cubbuun Yihudaa Guddaa Akka Ta'e Dubbachuu Isaa

1Waaqayyo,<<Cubbuun saba Yihudaa bir'ii sibiilaatiin,

arfii dhagaa almaaziitiinis

gabatee garaa isaanii fi

gaanfa iddoowwan aarsaa isaanii irratti caafameera*.

2Yommus ilmaan isaanii iddoo aarsaa isaanii fi

utuboota waaqayyittii tolfamtuu isaanii,

warra mukkeetii baalli isaanii lalisu jalaa fi

gaarota ol ka'oo irra dhaabaman in yaadatu.

3Isin yaa warra tulloota irratti sagaddanii,

ani kunoo, sababii cubbuu keessaniitiif

badhaadhummaan keessanii fi qabeenyi

biyya keessan keessa jiru hundinuu,

akka saamamu nan godha*.

4Balleessaan keessan

biyya ani dhaala godhee isiniif kenne

isin in dhabsiisa;

biyya isin hin beekne keessatti,

diinota keessaniif

akka isin hojjettan nan godha;

ibiddi isin na aarsuudhaan qabsiiftan,

yeroo hundumaa in boba'a>> jedhe*.#1 2:22; 6:29; 13:23; 31:33 2-3 3:13; 15:13 4 15:14; Kes 28:48

5Ammas Waaqayyo itti fufee,

<<Namni nama amanatu,

jabina irree foonii kan abdatu,

yaada isaas Waaqayyo irraa kan deebisu abaaramaa dha*.

6Inni akka muka baalli irraa harca'ee,

kophaa isaa lafa onaa keessa ijaajjuu,

isa akka lafa gogaa

waa biqilchu hin dandeenyee,

akka lafa soogiddaa

iddoo namni keessa hin jiraanne

keessatti argamuu ti;

wanti gaariin yommuu dhufus

arguu hin danda'u.#5 Far 118:8-9; 146:3; Er 2:18

7<<Garuu namni ana Waaqayyoon amanatu,

ana duwwaattis kan of kennu, haa gammadu!

8Namni akkasii

akka muka yaa'aa bishaanii

qarqara dhaabamee,

hidda isaa gara bishaaniitti yaafatuu ti;

mukichi ho'i yommuu dhufu hin sodaatu,

yeroo hundaa in lalisa,

caamsaan isa hin yaaddessu,

yeroo yeroottis ija in godhata*.#7-8 Far 1:3; 146:5

9<<Garaan namaa

waan hundumaa irra jal'aa dha,

namnis isa qajeelchuu hin danda'u;

egaa eenyutu isa beekuu danda'a ree*>>

10Ani Waaqayyo garaa namaa fi yaada namaa

isa dhokataa qoree nan ilaala;

nama hundumaafis akka akeeka isaatii fi

akka ija hojii isaatiitti nan kennaaf>> jedhe*.

11Namni jal'inaan

badhaadhummaa walitti qabatu,

akka goggorii hanqaaquu ammattee

hin yaasin haftuu ti;

qabeenyi sun walakkaa

bara jireenya namichaa keessa

isa dhiisee in dhuma,

namichis gara dhumaatti akka nama gowwaa

harka qullaa in hafa*.#9 7:24 10 1Sam 16:7; Far 7:9; Fak 15:11; Er 11:20; Ibr 4:12-13 11 Luq 12:20

12Manni qulqullummaa keenya

lafa teessoon ulfina-qabeessi,

inni durii durii jalqabee

iddoo ol ka'aa irra jiru,

itti argamuu dha*;

13yaa Waaqayyo, yaa abdii Israa'el,

warri sittii gargar ba'an

hundinuu in yeella'u;

si isa burqaa bishaan jireenyaa

ta'e dhiisanii,

waan si irraa gara galaniif,

akka maqaa awwaara irratti caafamee dafanii in badu*.#12 3:17 13 2:13; 14:8; Far 36:9-10

14Yaa Waaqayyo, ati jajannaa koo ti'o,

na fayyisi, yommus ani nan fayya;

ati na oolchi,

yommus ani nan oola*.

15Kunoo! Namoonni,

<<Wanti Waaqayyo dubbate meerree>>

Mee amma haa raawwatamu kaa!>> in jedhu*.

16Ani garuu akka ati na abboomtetti,

tiksee ta'uu hin dhiifne;

barri hamaan biyya kana irratti

akka dhufus hin hawwine;

wanti ani dubbadhe hundinuus

si biratti beekamaa dha.

17Ati yeroo rakkinaatti

iddoo itti baqannaa kootii ti'o,

ana hin sodaachisin!

18Warri ana ari'atan haa yeellaasifaman,

ana garuu yeellootti

dabarsitee hin kennin!

Isaan haa sodaachifaman,

ana garuu sodaachifamuutti

dabarsitee hin kennin!

Bara rakkinaa isaanitti fidii,

dha'icha dachaa lama isaanitti buusi*!#14 Far 6:2 15 Isa 5:19; 2Phe 3:3-4 18 11:18-19; 15:10; 18:18; 26:8-9; 37:11-16; 38:4-6

Waa'ee Guyyaa Sanbataa Qulqullinatti Eeguu Yaadachiisuu Isaa

19Waaqayyo,<<Dhaqii, karra sabni ittiin ol lixu, karra isa mootonni Yihudaa ittiin ol lixanii gad ba'an dura, karrawwan Yerusaalem hundumaa duras dhaabadhuutii, 20<<Isin mootonni Yihudaa, isin sabni biyya Yihudaa keessa jiraattan hundinuu, warri Yerusaalem, warri karrawwan kanaan ol galtan hundinuus dubbii Waaqayyoo dhaga'aa!>> jedhiin!>> jedhee anatti dubbate. 21Waaqayyo,<<Lubbuu keessaniif of eeggadhaa, guyyaa Sanbataa ba'aa hin baatinaa, dallaa Yerusaalemittis ol hin galchinaa! 22Akkuma ani abboota keessan abboomee ture, guyyaa Sanbataa qulqullinatti eegaa malee, guyyaa sanatti ba'aa baattanii mana keessanii hin ba'inaa, hojii tokko illees hin hojjetinaa*! 23Isaan garuu boquu jabaatanii gorsa fudhachuu didan malee, anaaf hin dhageenye, anaafis hin abboomamne*.#21-22 Bau 20:8-10; Nah 13:15-22; Isa 56:2; His 20:12 23 5:3; 7:26; 11:8

24<<Isin immoo gaarii gootanii anaaf yoo dhageessan, guyyaa Sanbataatti dallaa mandara kanaatti ba'aa ol galchuu yoo dhiiftan, gaafas hojii hojjechuu dhiiftanii qulqullinatti yoo isa eegdan, 25yommus mootonni teessoo Daawit irra taa'anii fi gurguddoonni biyyaa konkolaataa fi fardeen isaaniitiin, namoota Yihudaa fi warra mandara Yerusaalemii wajjin dallaa mandara kanaatti ol in galu; mandarattii kana keessas bara baraan namni in jiraata*. 26Yommus namoonni mandaroota Yihudaa keessaa, gandeen naannoo Yerusaalem keessaa, kutaa biyya Benyaamiin keessaa, biyya gaaraa keessaa, biyya dachaa keessaa, biyya gara-mirgaa keessaas qalma gubamu, aarsaa, kennaa midhaanii, ixaanaa fi kennaa galataa gara mana qulqullummaa kootiitti in fidu; 27isin garuu anaaf dhaga'uu yoo diddan, guyyaa Sanbataa qulqullinatti eeguu yoo dhiiftan, guyyaa sanattis ba'aa baattan dallaa Yerusaalemitti yoo ol galchitan, ani immoo karrawwan isheetti ibidda nan qabsiisa, innis masaraa Yerusaalem in fixa, kan isa dhaamsuu danda'us hin jiru>> jedhe*.#25 22:4 27 7:19-20; 39:8

Currently Selected:

Macaafa Ermiyaas Raajichaa 17: MacQul

Highlight

Copy

Compare