Macaafa Ermiyaas Raajichaa 18
18
Fakkeenya Nama Suphee Dha'u Tokkootiin Dubbachuu Isaa
1Dubbiin Waaqayyo biraa gara ana Ermiyaas dhufe kanatti fufee jira; 2inni,<<Ka'ii gara mana namicha suphee dha'u tokkootti gad bu'i, wanta ani achitti sitti himus dhaga'i!>> jedhe. 3Ani kana irratti ka'ee gara mana namicha suphee dha'u sanaatti gad nan bu'e. Kunoo, namichi gabatee dhagaa boolla garaa garaa qabu keessatti suphee in dha'a ture; 4utuma inni hojjechuutti jiruu, qodichi yommuu isa harkatti badu immoo suphichuma irraa deebisee qodaa kan biraa isatti kan tolu in dha'a ture.
5Yommus dubbiin Waaqayyoo gara koo dhufee, 6<<Yaa namoota Israa'el, isin harka koo keessatti akkuma suphee isa harka namicha suphee dha'u keessaa ti, egaa yaa namoota Israa'el! Akkuma namichi suphee sana godhe, ani akkasuma isin gochuu hin danda'uu ree*>> 7Battaluma ani saba tokko yookiis mootummaa tokko buqqisuuf, kuffisuuf, balleessuufis dubbadhutti*, 8sabni ani itti dubbadhe sun karaa isaa isa hamaa irraa yoo deebi'e, wanta hamaa isa ani itti fiduuf yaade sana nan dhiisa*; 9battaluma ani,<<Saba tokko yookiis mootummaa tokko nan ijaara, nan dhaabas>> jedhutti, 10inni immoo ana duratti wanta hamaa yoo hojjete, anaafis abboomamuu yoo dide, ani wanta gaarii isan isaaf gochuu yaade sana hundumaa nan dhiisa>> jedhe; kana Waaqayyotu dubbate.#6 Iyo 10:8-9; Isa 45:9; Rom 9:21 7 1:10 8 26:3; 42:10; Yoe 2:14; Yon 3:9-10; His 33:11
11Kanaaf ati namoota Yihudaatiin, warra mandara Yerusaalem keessa jiraataniinis,<<Waaqayyo,<<Isin adduma addaan karaa keessan isa hamaa irraa deebi'aatii, jireenya keessanii fi hojii keessan qajeelfadhaa! Kanaa'achi ani kunoo, wanta hamaa isinitti nan fida, akeekas isin irratti nan baafadha>> jedheera>> jedhi*! 12Isaan immoo deebisanii,<<Lakkii, kun homaa waa'ee hin baasu, nuyi hundumti keenya akka barbaannetti yaada keenya isa hamaatti qabamnee jiraanna malee, kana gochuu hin dandeenyu>> in jedhu*.#11 7:3; 36:3; 2Mot 17:13; Zak 1:4 12 6:16; 7:24; 11:8; 22:21
13Kanaaf Waaqayyo isaanitti dubbatee,
<<Mee saba hundumaa keessa iyyaafadhaa,
wanta akkasii namni
dhaga'ee beeku jiraa>>
Sabni Israa'el isheen
akka durbaa ta'uun irra ture,
wanta guddaa
dhagna nama suukessu hojjete*.
14Cabbiin kattaa Liibaanon irraa
dhibee beekaa ree>>
Bishaan biyya diilallaa'aa keessaa
fagoodhaa burqu,
goguu danda'aa ree>>
15Sabni koo garuu na irraanfatee
waaqayyolii warra waa'ee hin baafneef
ixaana in aarse;
waaqayyoliin sun immoo
sabicha karaa isa durii irraa kaachisanii,
karaa hin taane irra adeemsisuudhaan
isa in gufachiisan*.
16Kanaaf biyyi isaanii onee
ceephoo bara baraatiif in ta'a;
warri karaa darban isa yommuu argan,
dinqisiifatanii mataa isaanii raasaa
bira in darbu*.
17Ani akka bubbeen ba'a-biiftuu awwaara tamsaasu,
diina isaanii duratti isaan nan tamsaasa;
guyyaa badiisi isaanitti dhufutti
ani fuula koo isaan irraa deebisee,
dugda isaanitti nan gata>> jedhe.#13 2:10-11; 5:30 15 2:32; 6:16 16 19:8; 25:9; 29:18; 50:12-13; 51:37
Wanta Hamaa Ermiyaas Irratti Korachuu Isaanii
18Isaan,<<Lubni, seera barsiisuun, ogeessi gorsuun, raajiinis wanta ta'uuf jiru dubbachuun amala waan ta'eef, kottaa Ermiyaas irratti waa in malla; dubbii isaa fudhachuu dhiifnee, ittiin isa in qabannaa!>> jedhanii walitti in dubbatu*.
19Yaa Waaqayyo, wanta diinonni koo
ana irratti dubbatan
in dhageessa'o yaadaan anaaf qabi!
20Qooda wanta gaarii,
hamaa namaaf deebisuun qajeelaa dhaa ree>>
Isaan anaaf boolla qotaniiru,
ani garuu,<<Dheekkamsa kee
isaan irraa deebisi!>> jedhee,
isaaniif akkan si kadhadhe yaadadhu*!
21Egaa ilmaan isaaniitti beela cimaa buusi,
billaadhaanis akka isaan dhuman godhi!
Dubartoota isaanii harkaa ijoollee fixi,
abboota manaa isaaniis irraa ajjeesi!
Namoota warra hafan dhukkubaan fixi,
dargaggoonni isaanii immoo duula keessatti
billaadhaan akka dhuman godhi!
22Isaan ana qabuudhaaf boolla qotanii,
miilla koo duras kiyyoo waan kaa'aniif,
ati loltuu dingata
isaanitti yommuu ergitu,
manneen isaanii keessaa iyyi haa dhaga'amu!
23Yaa Waaqayyo! Mala isaan ana ajjeesuudhaaf
malan hundumaa ati beekta;
kanaaf yakka isaanii isaaniif hin dhiisin,
cubbuu isaaniis fuula kee duraa haxooftee hin balleessin!
Isaan si duratti gufatanii haa kufan,
atis aariidhaan isaanitti faradi*!#18 2:8 20 7:16 21-23 17:18; Far 57:6; Nah 4:4-5; 6:14
Currently Selected:
Macaafa Ermiyaas Raajichaa 18: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
