Macaafa Ermiyaas Raajichaa 16
16
Guyyaan Rakkinaa Fi Guyyaan Gaddaa Dhufuuf Akka Jiru Dubbachuu Isaa
1Ammas dubbiin Waaqayyoo gara koo dhufee, 2<<Ati iddoo kanatti niitii hin fuudhin, ilmaan, intalootas hin godhatin! 3Ilmaanii fi intaloota asitti dhalatan, haadhotii isaan da'anii fi abootii isaan dhalchan, 4dhukkubni hamaan, billaa fi beelli isaan in fixa; namni isaaniif hin boo'u, reeffi isaaniis akka kosii bakkee keessatti gatamee, allaattota qilleensa keessa balali'anii fi bineensota caakkaa hundumaaf nyaata ta'a malee, hin awwaalamu>> jedhe*.#4 9:22; 12:9
5Waaqayyo,<<Ani nagaa koo, gaarummaa koo, oo'a koos saba kana irraa fuudheera'o, ati du'a-ga'ii namaa hin dhaqin, nama du'eef hin boo'in, hin gaddiniifis! 6Biyya kana keessatti xinnaa fi guddaan in du'a, garuu namni isaaniif hin boo'u, isaaniif rukutee of hin madeessu, isaan hin awwaalu, mataas hin haaddatuuf*. 7Namni buddeena gaddaa fi dhugaatii fidee warra abbaan yookiis haati irraa du'an iyyuu jajjabeessu hin jiru*. 8Akkasumas ati mana cidhaa lixxee saba kanaa wajjin nyaataa fi dhugaatiitti hin taa'in!>> jedhe dubbateera*.#6 22:18; His 24:23; Er 48:37; Amo 8:10; Kes 14:1 7 His 24:22 8 15:17
9Waaqayyo gooftaan maccaa, Waaqayyo inni kan Israa'el,<<Kunoo! Ani fuula keessan duratti, bara isin jirtanitti iddoo kanaa sagaleen gammachuu fi sagaleen ilillee, sagaleen dhirsa misirroo fi sagaleen misirroo akka hin dhaga'amne nan godha*; 10ati wanta kana hundumaa saba kanatti erga himtee booddee, isaan immoo,<<Nuyi maal yakkine>> Waaqayyo gooftaa keenya duratti cubbuu maalii hojjenne>> Waaqayyo maaliif badiisa guddaa kana nutti fide?>> jedhanii yoo si gaafatan, 11ati immoo isaaniin,<<Waaqayyo:- Abboonni keessan ana in dhiisan, abboommii koos hin eegne; isaan ana dhiisanii waaqayyolii ormaa duukaa bu'anii isaaniif hojjetanii isaaniifis waan sagadaniif wanti akkasii kun ta'e. 12Isin garuu abboota keessan caalaa iyyuu wanta hamaa in hojjettan. Kunoo, qooda anaaf abboomamuu, tokkon tokkon keessan mataa jabaattanii yaada keessan isa hamaa duukaa in buutan; 13kanaaf ani biyya kana keessaa isin baasee, biyya isinii fi abboonni keessan hin beekne keessatti isin nan gata; isin achitti waaqayyolii ormaaf halkanii fi guyyaa in hojjettu; anis isiniif hin oo'u isiniin jedhe>> jedhiin!>> jedhe*.#9 7:34; 25:10; Mul 18:23 10-13 5:19; 2:13; 7:9,24
14Kanaaf Waaqayyo,<<Kunoo! Barri namoonni itti,<<Dhugaa Waaqayyo isa jiraataa, isa ijoollee Israa'el biyya Gibxii baasee ti>> jedhanii kakachuu dhiisan in dhufa; 15ani gara biyya isan dur abboota isaaniif kenneetti deebisee waanan isaan galchuuf, yommus,<<Dhugaa Waaqayyo isa jiraataa isa ijoollee Israa'el biyya gara-bitaatii, biyya garaa garaa lafa itti isaan bittimsee ture hundumaattiis baasee fidee ti>> jedhanii in kakatu>> jedhe*.#14-15 23:7-8; 3:18; 12:15; 24:6
Adabni Isaan Irratti Dhufuuf Akka Jiru Dubbachuu Isaa
16Waaqayyo,<<Kunoo! Akka qurxummiitti jara kana akka qabaniif qurxummi-qabduu baay'ee waamee nan fida; kana booddee immoo adamsitoota warra tulluu hundumaa fi gaara hundumaa irra, holqa dhagaa hundumaa keessas isaan adamsan isaanitti nan erga*. 17Ani wanta isaan hojjetan hundumaa nan arga; isaan fuula koo duraa dhokachuu hin danda'an, yakki isaaniis ija koo dura jira*. 18Isaan wanta jibbisiisaa akka raqaatiin biyya koo waan xureessaniif, waaqayyolii tolfamoo isaanii warra ciiggaasisoo biyya dhuunfaa koo keessa waan guutaniifis, ani duraan dursee yakka isaanii fi cubbuu isaanii kanaaf dachaa lama isaan nan adaba>> jedhe*.#16 His 12:13; 17:20; Amo 4:2; Anb 1:14-16 17 32:19; Iyo 34:21; Far 90:8 18 Lew 18:24-28; His 36:18; Er 2:7; Isa 40:2
19Yaa Waaqayyo! Ati
jabina koo fi masaraa koo ti;
yeroo rakkinaatti isa
ani itti baqadhee ooluu dha;
sabni lafa irraas
handaara lafaatii dhufanii,
<<Abboonni keenya waaqayyolii sobaa
warra waa'ee isaaniif hin baafne duwwaatti
qabamanii turan*.
20Namni ofii isaatiif
waaqayyolii tolfachuu danda'aa ree>>
Waawuu! Wanti namni tolfatu
waaqayyolii ta'uu hin danda'u>> in jedhu*.
21Waaqayyo immoo deebisee,
<<Kunoo! Sabni lafa irraa
amma irree koo fi aangoo koo
akka beekan nan godha;
yommus isaan ani
Waaqayyo gooftaa akkan ta'e
in beeku>> jedhe.#19 2Sam 22:3; Er 10:8 20 2:11
Currently Selected:
Macaafa Ermiyaas Raajichaa 16: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
