Macaafa Ermiyaas Raajichaa 15
15
Firdiin Gara Gala Hin Qabne Yihudaatti Faradamuu Isaa
1Ergasiis Waaqayyo anatti dubbatee,<<Musee fi Saamu'el dhufanii yoo ana kadhataniif illee, ani saba kanaaf garaa hin laafu, egaa haa badaniitii, fuula koo duraa isaan fageessi*!
2Isaan immoo,<<Eessa dhaqna?>>
jedhanii yoo si gaafatan,
akkuma ani sitti hime,
<<Warri du'i itti faradame haa ajjeefaman;
warri billaadhaan akka dhuman
isaanitti faradame
billaadhaan haa dhuman!
Warri beelli itti murame
beelaan haa dhuman;
warri booji'amuun itti murame
haa booji'aman!>> jedhiin*!
3Ani Waaqayyo dha'icha akaakuu afur isaanitti nan erga; billaan akka isaan fixu, saroonni reeffa warra dhumanii akka kukkutatan, allaattonni qilleensa keessa balali'anii fi bineensonni caakkaa keessa jiran nyaatanii akka isaan fixan nan godha*. 4Sababii Minaasee ilmi Hisqiyaas mootiin Yihudaa waan hamaa Yerusaalem keessatti hojjeteef, mootota lafa irra jiran hundumaa biratti wanta namni ilaalee sodaatu isaan nan godha>> jedha*.#1 Far 99:6; Bau 32:11-14; Lak 11:2; 14:13-20; Kes 9:18; 1Sam 7:9 2 14:12; 43:11; His 5:12; Mul 13:10 3 His 14:21 4 34:17; 2Mot 21:1-16; 24:3-4; Er 18:16
5Waaqayyo itti fufee,<<Yaa Yerusaalem!
Eenyutu siif oo'a>>
Eenyutu siif boo'a>>
Eenyutus gara keetti goree si dubbisa>>
6Sababii ati na tuffattee
dugda anatti gatteef,
ani immoo harka koo si irratti ol fudhadhee
rukutee sin balleessa,
deebi'ees siif hin oo'u*.
7Ani akka nama midhaan qoorbiidhaan
qilleensatti ol darbatee qulleessuu,
sabni koo karaa isaaniitii deebi'uu
waan didaniif,
karra biyyichaa duratti
isaan nan darbadha;
ijoollee ergan isaan harkaa fixee booddee
isaanuma iyyuu nan balleessa*.
8Dubartoonni isaanii
warri abbaan manaa irraa dhuman,
cirracha galaana qarqara jiru caalaa
akka baay'atan nan godha;
haadhota dargaggootaatti
guyyaa saafaa badiisa nan fida,
naasuu fi sodaan isaan in qabata.
9Haati ilmaan torba duraa dhuman
dadhabdee in wargamti;
guyyaan halkan isheetti in ta'a;
gadduu fi gad deebi'uun ishee irra in ga'a;
namoota kana irraa hafan immoo
billaa diinota isaaniitti dabarsee nan kenna;
ani Waaqayyo kana dubbadheera>> jedhe*.#6 6:12; 44:22 7 Mat 3:12 9 Amo 8:9
Ermiyaas Rakkina Isa Irra Jiru Himachuu Isaa
10Ana nama namni hundinuu
qoccolee loluuf wayyoo!
Yaa haadha ko maaliif na deesse>>
Ani nama tokko irraa illee waa hin liqeeffanne,
nama tokkoofis waa hin liqeessine;
haa ta'u iyyuu malee,
hundumti isaanii na abaaru*.
11Waaqayyo garuu,
<<Ani dhugumaan wanta gaariidhaaf sin hambisa,
diinni kees yeroo rakkinaa fi yeroo gidiraatti
akka si kadhatu nan godha.
12Haa ta'u iyyuu malee, namni sibiila
yookiis sibiila borrajjii
biyya gara-bitaatii dhufu
cabsuu danda'aa ree*>>
13Sababii cubbuu guutummaa biyya keetii
keessatti hojjetameef,
ani badhaadhummaa fi qabeenya biyya keetii
saamamuutti dabarsee nan kenna*.
14Sabni kee diinota isaaniitiin booji'amanii
gara biyya hin beekneetti
akka dabarfaman nan godha;
dheekkamsi koos ibidda isinitti qabsiisee
isin in guba>> jedhe*.#10 11:18-23; 20:14 12 1:14 13 17:3 14 17:4; Kes 32:22
15Yommus ani immoo,<<Yaa Waaqayyo,
ati waan hundumaa beekta,
na yaadadhu, na oolchi!
Warra na miidhuu barbaadan irrattis
ijaa anaaf baasi!
Ani siif jedhee yeelloo
akkan baadhu beekta'o,
isaaniif obsuuf jettee
ana hin balleessin!
16Yaa Waaqayyo gooftaa maccaa,
ani kan kee ti'o,
dubbii kee yommuun argadhe,
akka nama buddeena nyaatuutti
isa nan nyaadhe,
innis garaa koo gammachuu fi
qannoodhaan in guute*.
17Ani warra ga'iftuu gidduu taa'ee
isaanii wajjin hin gammanne;
harka kee jala waanan jiruuf,
ani aariidhaan guutamee
kopha-galeessa nan ta'e*.
18Dhiphinni koo maaliif dhuma dhabe>>
Madaan koos maaliif fayyuu dide>>
Ati akka laga guddaa isa namni
bishaan keessaa argachuuf abdatee
yommuu dhaqu immoo dhabee qaana'uu na gootee ree?>> nan jedhe*.#16 Kes 8:3; 32:46-47; Far 119:111,131; His 3:1-3; Mul 10:8-9 17 16:8 18 10:19; Iyo 6:15-20
19Kanaaf Waaqayyo anatti dubbatee,
<<Ati yaada kee gara kootti
yoo deebifte,
ani iddoo keetti sin deebisa, hojjetaa koos in taata;
ati dubbii waa'ee hin baafne dhiiftee
isa waa'ee baasu yoo dubbate,
afaan anaaf in taata;
isaan gara keetti haa deebi'an!
Ati garuu gara isaaniitti hin deebi'in*!
20Ani saba kanaaf
akka keenyan
sibiila borrajjii irraa hojjetamee
akka taatu sin godha;
isaan si irratti ka'anii yoo si lolan iyyuu,
ani si gargaaruudhaaf, si oolchuudhaafis
sii wajjin waanan jiruuf,
si mo'uu hin danda'an*.
21Ani harka warra hamootaa keessaa sin baasa,
qabaa warra gara-jabeeyyii keessaas sin fura>> jedhe;
Waaqayyo kana dubbateera*.#19 1:9 20 1:18-19; 1:8 21 26:24; 36:26; 38:9,13
Currently Selected:
Macaafa Ermiyaas Raajichaa 15: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
