Macaafa Isaayaas Raajichaa 49
49
Garbichi Waaqayyoo Israa'elii Fi Saba Lafa Irraatiif Ifa Ta'uu Isaa
1Isin warri biyya galaana gidduu
keessa jiraattan
na dhaggeeffadhaa!
Sabni biyya fagoo jirtanis dhaga'aa!
Garaa haadha koo keessa utuun jiruu
Waaqayyo na waame,
utuun hin dhalatinis
maqaa na moggaase*;
2inni dubbii afaan koo keessaa ba'u
akka billaa qaramaa in godhe,
gaaddisa harka isaatiinis na golboobe;
akka xiyya qaramaa na godhe,
mann'ee isaa keessas na kaa'ate*.
3Inni,<<Yaa Israa'el,
ati garbicha koo ti,
ani siin ulfina nan argadha>> anaan jedhe;
4ani illee,<<Akkasumaanan itti dadhabe,
humna koos wanta waa'ee hin baafnetti nan baase>> jedheen ture;
dhugaa koo garuu Waaqayyo kootu anaaf baasa,
gatii koos isatu anaaf kenna*.#1 Er 1:5 2 Ibr 4:12; Mul 1:16; Isa 51:16 4 1Qor 15:58
5Ammas ani garbicha isaa akkan ta'uuf,
Yaaqoobin gara isaa akkan fiduuf,
Israa'elinis isa biratti
akkan walitti qabuuf,
Waaqayyo garaa haadha koo keessatti na tolchee
fuula isaa duratti ulfina
anaaf kennee
jabinas anaaf ta'eera.
6Waaqayyo,<<Ati garbicha
anaaf ta'uun kee,
saba lafa irraatiif ifa,
guutummaa biyya lafaa irra warra jiraataniifis
fayyina akka taatuuf malee,
gosa Yaaqoob kaasuuf, Israa'el keessaas
warra hafan deebisuu duwwaadhaaf miti>> naan jedhe*.
7Waaqayyo inni Israa'elin furu,
inni qulqulluun kan Israa'el,
nama baay'ee tuffatameen,
isa sabni lafa irraa jibbaniin,
isa warra biyya mo'aniif
garbicha ta'een,
<<Mootonni kana arganii in ka'u,
angafoonnis
fedha Waaqayyo isa amanamaa
jalatti in gugguufu;
qulqulluu Israa'el
isa si fo'ate jalattis in kufu>> jedhe*.#6 42:6; Luq 2:32; HoE 13:47 7 49:23; 60:10
Israa'el Deebitee Ijaaramuu Ishee
8Ammas Waaqayyo,
<<Yeroo ana biratti
jaallatamee fudhatametti
siif nan deebisa,
guyyaa fayyinaattis sin gargaara;
ani sin eega, karaa ani saba hundumaa wajjin
kakuu galus sin godhadha;
ati biyyicha deebiftee akka ijaartu,
dhaala isa gad dhiifamee tures
deebiftee akka hirtuuf*,
9warra hidhamaniin,<<Hiikamaa!>>
warra dukkana keessa jiraniinis,
<<Ifatti ba'aa!>> akka jettu nan godha;
isaan akka hoolota karaa irratti nyaata,
iddoo ol ka'aa isa qoqoree ture irrattis
dheedumsa argatanii in ta'u;
10ani Waaqayyo isaaniif kanan oo'u
isaan nan geggeessa;
gara burqaa bishaaniittis isaan nan geessa;
isaan hin beela'an, hin dheebotanis,
saafaan akka ibiddaa boba'uu fi
ho'i aduu isaan hin miidhu*;
11ani tulloota koo hundumaa irra
daandii nan baasa,
karaa koos isaaniif wal nan qixxeessa*;
12kunoo! Isaan biyya fagoodhaa,
isaan kaan biyya gara bitaatii,
isaan kaan lixa-biiftuutii,
warri kaan immoo biyya Aswaanii
in dhufu>> jedhe#49:12 <<Aswaan>> yookiis <<Siiniim?..#8 Far 69:13; 2Qor 6:2; Isa 42:6 9-10 42:7; 40:10-11; Mul 7:16-17 11 40:3-4 12 43:5-6; Luq 13:29
Akka Haati Ijoollee Ishee Jaallattu Waaqayyo Saba Isaa Jaallachuu Isaa
13Waaqayyo saba isaa waan jajjabeesseef
warra gadadamaniifis waan oo'eef,
yaa bantiiwwan waaqaa faarfadhaa!
Yaa lafaa gammadi!
Yaa tulloota nana ililchaa*!
14Xiyoon garuu,
<<Waaqayyo na gateera,
gooftaan koo na irraanfateera>> in jette.
15Waaqayyo immoo,<<Haati mucaa ishee
isa harma hodhu
irraanfachuu in dandeessii>>
Mucaa ishee isa ofii deesseef hin ootuu ree>>
Utuma isheen isa irraanfatte iyyuu,
ani matumaa si hin irraanfadhu*!
16Kunoo! Ani bar'uu harka koo irratti si caaffadheera,
kellaan kee inni dhagaadhaan ijaarame
yeroo hundaa fuula koo dura jira.
17Warri si diiganii si balleessan
dafanii si keessaa in ba'u;
ijoolleen kee warri si ijaaran immoo
ariitiidhaan gara keetti in deebi'u;
18ol jedhiitii naannoo kee ilaali!
Ijoolleen kee hundinuu
walitti qabamanii
gara kee in dhufu;
dhugaa ana Waaqayyo isa jiraataa ti!
<<Ati hunduma isaanii
akka mi'a miidhaginaatti in naqatta,
akka misirroos
ijoollee keetiin in miidhagfamta>> jedhe*.#13 44:23 15 66:13; Er 31:20; Hos 11:1,8; Far 27:10 18 60:4-5
19<<Ati isheen dur
balleeffamtee ontee,
namni si keessaa badee ture,
amma immoo warra si keessa jiraatanitti in dhiphatta,
warri si balleessanis sittii in fagaatu.
20Ati isheen ijoolleen kee
si duraa fudhatamanii turan,
amma immoo ijoolleen kee baay'atanii,
<<Iddoon kun nutti xinnaateera
lafa nuuf dabali!>>
utuu siin jedhanii in dhageessa*;
21ati immoo yommus garaa keetti,
<<Anoo ijoollee koo nan dhabe, ergasiis hin deenye,
isaan kana eenyutu anaaf da'e>>
Anoo booji'ameen tuffatamee
biyya ormaa ture,
isaan kana eenyutu anaaf guddise ree>>
Kunoo! Anoo kophaan koo ture,
isaan kun eessaa ba'an ree?>> in jetta>> jedhe*.#20 54:1-3; 60:22; Zak 10:10 21 66:7-8
22Waaqayyo gooftaan,
<<Kunoo! Ani saba biyya lafaa irra jiran
harkaan nan hawwadha,
sabaafis faajjii ol nan fuudha;
isaan immoo ilmaan kee kaasuutti,
intaloota kees
gatiittii isaaniitti baatanii in fidu*;
23mootonni guddisee ijoollee kee in ta'u,
dubartoonni warra moototaas
ijoollee kee siif in hoosisu;
isaan hamma lafa ga'anitti
siif in qoomma'u,
miilla kee irraas awwaara in araabu;
yommus ani Waaqayyo akkan ta'e,
warri ana amanatanis
akka hin yeellaasifamne
ati in beekta>> jedhe*.
24Wanta namni jabaan saame
isa harkaa butachuu,
isa humna-qabeessi hidhes
jalaa baasuu kan danda'u jiraa ree?#22 11:12; 60:4 23 60:16
25Waaqayyo immoo deebisee,
<<Eyyee wanti namni jabaan saame iyyuu
irraa in fudhatama,
warri inni humna-qabeessi hidhates
isa jalaa in baafama,
ani warra siin mormaniin nan morma,
ijoollee kees nan oolcha*;
26warri si cunqursan immoo
foon oofii isaanii akka nyaatan,
dhiiga ofii isaaniis
akka daadhii wayniitti dhuganii
akka machaa'an nan godha;
yommus ani Waaqayyo
inni aango-qabeessi kan Yaaqoob
isa si fayyisuu fi isa si furu
akkan ta'e,
namoonni hundinuu in beeku>> jedhe*.#25 Mat 12:29 26 Abo 7:22
Currently Selected:
Macaafa Isaayaas Raajichaa 49: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
