Macaafa Isaayaas Raajichaa 50
50
Israa'elitti Yakka Isaa Mul'isuu Isaa
1Waaqayyo,<<Caaffanni ani ittiin
haadha keessan gad dhiise meerree>>
Yookiis eenyutu gatii ana irraa qabaa iyyuun
itti isin gurguradhe>>
Kunoo! Isin yakka keessaniif gurguramtan,
haati keessanis
irra-daddarbaa keessaniif
gad dhiifamte*;
2yommuun dhufe maaliif
namni tokko illee achii dhibe>>
Yommuun waames
maaliifan deebii dhabe>>
Irreen koo dhugumaan gabaabbatee
isin furuu dadhabee>>
Yookiis humnan ittiin
isin fayyisuun dhabee>>
Kunoo! Ifannaan koo galaana in gogsa,
lagoota bishaanii gogsee
lafa duwwaatti in deebisa;
qurxummoonni isaanii bishaan dhabanii
dheebuudhaan in dhumu, in ajaa'us*.
3Ani waaqa nan dukkanneessa,
uffata gaddaa waan uffates
isa nan fakkeessa>> jedhe.#1 54:6-8; Kes 24:1; Isa 43:24-25 2 59:1; Lak 11:23
Faarfannaa Garbicha Waaqayyoo
4Ani warra dadhabanitti dubbadhee
akkan isaan jajjabeessuuf,
Waaqayyo gooftaan dubbii barbaachisu
dubbachuu na barsiise;
ganama ganama na dammaqsa,
akka warra isa irraa baraniis
isa inni jedhu akkan dhaggeeffadhuuf
gurra koo anaaf in bana;
5Waaqayyo gooftaan gurra koo in bane,
anis isaaf abboomamuu hin dinne,
isa irraas gara hin galle*;
6ani dugda koo warra na rukutanitti,
maddii koos warra areeda koo
ana irraa buqqisanitti nan qabe;
fuula koo warra anatti tufanii fi
warra anatti ga'isan jalaa hin dhoksine*;
7Waaqayyo gooftaan waan na gargaaruuf
ani hin yeella'u;
ani akkan hin yeellaane beeka,
kanaafan ija jabaadhe*.
8Inni dhugaa anaaf baasu dhi'aateera'o,
eenyu anatti falmuu danda'a ree>>
Kottaa walii wajjin in dhi'aannaa!
Abbaan na hadheessuu barbaadu
mee as haa dhi'aatu!
9Kunoo! Waaqayyo gooftaan
ana in gargaara'o,
eenyutu anatti farada ree>>
Kunoo! Biliin isaan in nyaatti,
hundumti isaaniis akka uffataa in dhumu*.#5 Far 40:6 6 Mat 26:67-68; Yoh 19:1 7 His 3:8-9 8-9 Rom 8:31-34
10Isin keessaa eenyutu dukkana keessa,
iddoo ifa hin qabne keessas deddeebi'aa utuu jiruu,
sagalee garbicha isaa dhaga'ee
Waaqayyoon sodaata>>
Namni akkasii Waaqayyoon haa abdatu,
isattis haa hirkatu!
11Kunoo! Isin warri ibidda qabsiiftan hundinuu,
warri guca boba'aa adeemu
ofitti naannessitanis,
ifa ibidda qabsiiftanii,
qaanqee guca bobeessitanii
keessas deddeebi'aa!
Booddee garuu isin iddoo rakkinaa keessa bu'uuf jirtu;
kunis harka koo keessaa
isinitti in dhufa.
Currently Selected:
Macaafa Isaayaas Raajichaa 50: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
