Macaafa Isaayaas Raajichaa 42
42
Garbichi Waaqayyoo Biyya Lafaatiif Ifa Ta'uu Isaa
(Isa 50:4-11)
1Waaqayyo itti fufee,<<Kunoo,
garbichi koo inni ani
ol ol qabu,
inni ani fo'adhe,
inni ani jaalladhu isa kana!
Ani hafuura koo isaaf kenneera,
inni firdii qajeelaa
saba lafa irraatiif in baasa;
2inni hin iyyu, hin wacu,
sagaleen isaas karaa irratti
akka dhaga'amu hin godhu;
3inni jajjaba buruqfame hin cabsu,
fo'aa ibsaa isa seequs hin dhaamsu;
inni amanamummaadhaan
firdii in kenna.
4Inni firdii qajeelaa
lafa irratti hamma fidutti
ittuma fufa malee,
hin dadhabu, abdiis hin kutatu;
warri biyya galaana gidduu keessa jiraatanis
seera isaa abdiidhaan in eeggatu>> jedhe*.#1-4 Mat 3:17; Isa 49:1-6; 50:4-11; Mat 12:18-21
5Waaqayyo gooftaan inni bantiiwwan
waaqaa diriirse,
inni biyya lafaa fi
wanta isa irratti biqilu uume,
inni lafa kana irratti
namootaaf hafuura kenne,
warra lafa irra jiraatan hundumaafis jireenya kenne*,
6<<Ani Waaqayyoo dha,
ani qajeelummaadhaan si waameera,
ani harka sin qaba, sin eegas;
saba ani kakuu galeefiif,
saba lafa irraatiifis ifa
akka taatuuf si kenneera*;
7ija warra jaamaa akka bantu,
warra hidhaman akka hiiktu,
warra dukkana mana hidhaa keessa jiranis
akka baaftu sin godha*.#5 40:22 6 49:6; Luq 2:32 7 51:14
8<<Ani Waaqayyoo dha, maqaan koo isa kana;
ani ulfina koo kan biraatiif hin kennu,
maqaa koo isan ittiin galateeffamus
waaqayyolii tolfamaniif hin dhiisu*.
9Kunoo! Wanti dur dubbatame ta'eera,
amma immoo waan haaraa
isinitti nan beeksisa,
utuu isaan bakkeetti hin ba'inis
isinitti nan hima>> jedhe*.#8 Bau 3:15; Isa 48:11 9 48:6
Faarfannaa Galataa Waaqayyoof Dhi'eessuu Isaanii
10Faarfannaa haaraadhaan Waaqayyoon faarfadhaa!
Galata isaas hamma
andaara lafaatti himaa!
Warri galaana irra adeemtanii fi
warri isa keessa jiraattan hundinuu,
biyyi galaana gidduu fi
warri achi keessa jiraattan
hundinuu isa galateeffadhaa!
11Lafti onaa fi mandaroonni
achi keessa jiran,
warri Qedaar keessa jiraatanis
sagalee isaanii ol haa fudhatan!
Warri mandara Selaa keessa jiraatan
gammadanii haa faarfatan,
warri gubbee tulluu irra jiraatanis haa ililchan!
12Isaan Waaqayyoof ulfina haa kennan,
galata isaas
warra biyya galaana gidduu keessa jiraatanitti haa himan*!
13Waaqayyo akka loltuu jabaatti
gad in ba'a,
akka gootaas hinaaffaan isaa
isa keessaa in dammaqa;
inni dhaadannaa lolaa in dhaadata,
sagalee guddaadhaanis in dubbata,
aangoo isaas diinota isaatti in argisiisa*.#10-12 Far 98:1-9; 33:3 13 40:10
14Yommus Waaqayyo,
<<Ani yeroo dheeraan calluma jedhee,
gab jedhee, of qabees ture,
amma garuu akka dubartii ciniinsfattuu
tokkichumaan nan aada,
nan argana, nan iyyas;
15ani tullootaa fi gaarota nan onsa,
biqila achi irra jiru
hundumaas nan gogsa;
lagoota bishaan keessa yaa'anis gogsee
akka biyya galaana gidduu nan godha,
burqootas nan gogsa.
16Warra jaamota garuu karaa isaan hin beekne irra,
daandii dur irra ba'anii hin beekne irras
isaan nan geessa;
dukkana ifatti isaaniif nan diddiira,
iddoo jajal'aas wal nan qixxeessaaf;
ani kana isaaniif nan godha,
deebi'ees isaan hin gatu*;
17warri waaqayyolii tolfamoo amanatanii,
<<Isin waaqayyolii keenya>>
isaaniin jedhan,
deebi'anii in yeella'u*.#16 40:4 17 44:11; 45:16; Far 97:7
Sabni Israa'el Duudaa Fi Jaamaa Ta'uu Isaa
18<<Isin warri duudaan dhaga'aa!
Isin warri jaamaanis argaa*!
19Garbichuma koo malee jaamaan eenyu>>
Ergamaadhuma koo isa
ani erge malee,
duudaan eenyu>>
Akka isuma guutummaatti
kan koo ta'uun isaa beekame,
akka garbicha kootiis eenyutu jaamaa dha*>>
20Wanta baay'ee argitaniittu,
garuu isa hin eegdan;
gurri keessan banamaa dha,
garuu wanta tokko illee hin dhageessan>> jedhe*.
21Waaqayyo qajeelummaa isaatiif jedhee
seera isaa guddaadhaa fi
ulfina-qabeessa gochuu in jaallate.
22Sabni kun garuu in saamaman,
in booji'amanis;
hundumti isaanii qabamanii
mana hidhaa keessa in buufaman;
yommuu isaan saamaman
namni isaan oolchu hin turre,
warra booji'eenis,<<Deebisaa!>>
kan jedhu hin turre.#18 43:8 19 41:8-9 20 6:10
23Isin keessaa eenyutu
kana dhaga'uu jaallata>>
Isa si'achi dhufuuf jirus
eenyutu dhaga'ee qalbifata>>
24Yaaqoobin eenyutu warra isa saamutti dabarsee kenne>>
Yookiis Israa'elin
eenyutu warra aatutti dabarsee kenne>>
Waaqayyo isa nuyi fuula isaa duratti
cubbuu hojjenne sana mitii ree>>
Nuyi karaa isaa irra adeemuu hin jaallanne,
abboommii isaas hin eegne;
25kanaaf inni dheekkamsa isaa
isa akka barbadaa ibiddaa
nu irratti in dhangalaase,
lola cimaas nutti in fide;
inni naannessee ibidda
nutti in qabsiise,
nuyi garuu amma iyyuu isa hin hubanne;
inni nu in gube,
nuyi garuu kana garaatti hin qabanne*.#24-25 Kes 28:15,25
Currently Selected:
Macaafa Isaayaas Raajichaa 42: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
