Macaafa Isaayaas Raajichaa 41
41
Waaqayyo Hundee Abdii Israa'el Ta'uu Isaa
1Isin warri biyya galaana gidduu
keessa jiraattan,
yeroo gara koo dhuftan
cal jedhaa na dhaggeeffadhaa!
Sabnis humna keessan haareffadhaa,
as dhi'aadhaatii dubbadhaa!
Kottaa walii wajjin firdiidhaaf in dhi'aannaa!
2Qajeelummaadhaan hojjechuudhaaf
ba'a-biiftuutii isa dhufe,
isa saba lafa irraa hundumaa
mootota isaanii wajjin dhidhiitu,
isa billaa isaatiin saba lafa irraa
awwaara bade godhu,
isa iddaa isaatiin akka qilleensa habaqiin fuudhuu
isaan bittimsu, eenyutu kaase*>>
3Inni isaan in ari'a,
ofii isaatii garuu nagaadhaan of irraa bu'ee
karaa kanaan dura
miilli isaa irra ejjetee hin beekne irra in adeema.
4Kun akka ta'u kan godhe, fiixaanis kan baase eenyu>>
Jalqabuma iyyuu dhaloonni hundinuu
akka jiraatan kan godhe eenyu>>
Ani Waaqayyo isa duraa ti
isa booddee tis*.#2 44:28; 45:1-5; 46:11; 48:14-15 4 44:6; 48:12; Mul 1:8
5Biyyoonni galaana qarqara jiran
waanan godhe kana arganii in sodaatu,
warri andaara lafaa jiranis rom'anii
walitti dhi'aachuuf in dhufu;
6isaan hundinuu wal in gargaaru,
inni tokkos obboleessa isaatiin
<<Jabaadhu!>> in jedha.
7Inni hojii harkaa beeku
isa warqee tumu in jajjabeessa,
inni buruusaan wal qixxeessu
isa waaqa tolfamaa sana irratti
warqee baqsuun
<<Ba'eessa>> jedhee in toosisa;
bifni fakkeenyichaa akka hin sochooneef immoo
cinqaaraan walitti in qabsiisa*.#7 40:18-20
8Yaa Israa'el, ati garuu garbicha koo ti,
yaa Yaaqoob ani si fo'adheera;
ati sanyii Abrahaam
sanyii fira kootii ti*;
9ani andaara lafaatii sin fide,
biyya fagoodhaas sin waame,
<<Ati garbicha koo ti, ani si fo'adheera,
ani si hin tuffanne>> nan jedhe.
10Egaa ani sii wajjin waanan jiruuf hin sodaatin!
Ani Waaqayyo kee ti hin na'in!
Ani sin jabeessa, ani sin gargaaras;
irree qajeelummaa koo isa mirgaatiin ol sin qaba*.#8 42:19; 43:10; 44:1,21; 45:4; Far 135:4; 2Sen 20:7 10 43:1,5; 44:8; 51:7; 54:4
11Kunoo! Warri si hadheessan hundinuu
in yeella'u, in salphatus;
warri si irratti ka'anis in dhumu malee,
waa'ee hin baasan.
12Ati warra si irratti ka'an kana
yoo barbaadde iyyuu isaan hin argitu,
warri si lolan akka waan hin jirree in ta'u.
13Ani Waaqayyo gooftaa kee isa harka kee mirgaa qabee
<<Hin sodaatin! Ani sin gargaara'o>>
siin jedhuu dha.
14Waaqayyo inni si furu,
inni qulqulluun kan Israa'el,
<<Ani ofii kootii waanan si gargaaruuf,
yaa Yaaqoob raammoo nana,
yaa Israa'el xinnayyoo nana hin sodaatin!>>
jedhee dubbateera*.#14 41:10; 43:3
15Kunoo! Ani konkolaataa midhaan siribsiisu,
isa haaraa ilkaan isaa qara qabu sin godha;
ati tulloota irra baatee
isaan in caccabsita,
gaarotas akka habaqii in goota;
16ati akka nama midhaan qoorba'uutti
qilleensatti ol isaan in darbatta,
innis isaan in fudhata,
bubbeenis isaan in tamsaasa;
ati garuu Waaqayyotti in gammadda,
isa qulqulluu kan Israa'eliin of in jajja.
Waaqayyo Saba Isaa Biyya Baabilonii Akka Baasu Dubbachuu Isaa
17Waaqayyo,
<<Yommuu warri rakkatoo fi gadadamoonni
bishaan barbaadanii dhaban,
yommuu arrabni isaanii dheebuudhaan gogu,
ani Waaqayyo kadhata isaanii nan dhaga'aaf;
ani Waaqayyo inni kan Israa'el
isaan hin gatu;
18ani iddoo gogaa fi
ol ka'aa dhoosee isa keessaa
bishaan nan yaasa,
dachaa keessaa burqoota nan baasa,
lafa onaa iddoo ciisa bishaanii nan godha,
lafa gogaa keessaas bishaan nan lolaasa*.
19Gaattiraan, laaftoon,
hadheessii fi ejersi,
lafa onaa keessatti akka biqilu,
lafa duwwaa keessas
mukti baalli isaa
yeroo hundumaa lalisu,
birbirsii fi qaraaroon
akka dhaabamu nan godha.
20Ani Waaqayyo humna kootiin
kana akkan godhe,
ani qulqulluun Israa'el
kana akkan uume,
namoonni akka argan, akka beekanii fi
akka itti yaadanii hubatanis nan godha>> jedhe.#18 35:7; 43:19; Bau 17:6; Far 107:35
Waaqayyoliin Biyya Lafaa Akka Waa'ee Hin Baafne Mul'isuu Isaa
21Waaqayyo mootiin Yaaqoob,
<<Yaa waaqayyolii saba lafa irraa,
mee dhimma keessan dhi'eeffadhaa!
Wanta ittiin falmattanis himadhaa!
22Mee as ba'aatii
wanta si'achi ta'uuf jiru
nutti mul'isaa,
nuyi akka qalbifannutti
yommuu inni fiixaan ba'us
akka hubannutti,
isa kanaan dura ta'e,
yookiis wanta gara fuula duraatti ta'uuf jiru, nutti himaa!
23Nuyi waaqayyolii ta'uu keessan
akka beeknutti,
mee wanta kana booddeedhaan
dhufuuf jiru nutti himaa!
Eyyee! Nuyi isa arginee
naanee akka sodaanutti,
mee wanta gaarii yookiis
wanta hamaa hojjedhaa kaa!
24Isin homaattuu hin galtan,
hojiin keessanis waa'ee hin baasu;
namni isin abdatus ciigga'amaa dha*.#21-24 43:9; 44:7; 40:18-20
25<<Ani biyya gara bitaatii
nama tokko nan kaase,
innis in dhufa;
gara ba'a-biiftuutiis tokko nan waame,
innis maqaa koo in waammata;
inni warra biyya bulchan
akka dhoqqee lafatti in dhidhiita;
akka namni suphee dha'u
miillaan lafatti dhiitee bukeessuus, isaan in godha;
26nuyi kana akka hubannuuf
eenyutu duraan dursee
wanti kun akka ta'u hime>>
Nuyi,<<Namichi dhuguma jedhe>>
akka jennutti
eenyutu dur waa'ee kanaa
raajii dubbate>>
Lakkii! Isin keessaa namni tokko illee
kana hin beekne,
namni tokko illee waa'ee kanaaf
raajii hin dubbanne,
waa'ee kanaa namni tokko illee
isin irraa hin dhageenye;
27ana, inni duraan dursee Xiyooniin,
<<Ilaa, kunoo sabni kee dhufaa jira>> jedhe,
ana inni Yerusaalemiif
isa ergaa nagaa baatu erge;
28gara waaqayyolii tolfamoo
yommuun ilaalu,
isaan keessaa gorsa kan kennu
tokko illee hin jiru;
yommuun isaan gaafadhus
kan anaaf deebisu hin jiru.
29Kunoo! Isaan hundumti isaanii
wayyitti hin galan,
hojiin isaaniis waa'ee hin baasu,
bifni fakkeenyaa isaaniis
wanta akkasumaanii ti>> jedha*.#25-29 48:3-5; 45:1-5; 52:7
Currently Selected:
Macaafa Isaayaas Raajichaa 41: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
