Popular Bible Verses from Macaafa Isaayaas Raajichaa 41

Share

Egaa ani sii wajjin waanan jiruuf hin sodaatin! Ani Waaqayyo kee ti hin na'in! Ani sin jabeessa, ani sin gargaaras; irree qajeelummaa koo isa mirgaatiin ol sin qaba*.

Ani Waaqayyo gooftaa kee isa harka kee mirgaa qabee <<Hin sodaatin! Ani sin gargaara'o>> siin jedhuu dha.

Kunoo! Warri si hadheessan hundinuu in yeella'u, in salphatus; warri si irratti ka'anis in dhumu malee, waa'ee hin baasan.

ani andaara lafaatii sin fide, biyya fagoodhaas sin waame, <<Ati garbicha koo ti, ani si fo'adheera, ani si hin tuffanne>> nan jedhe.

Ati warra si irratti ka'an kana yoo barbaadde iyyuu isaan hin argitu, warri si lolan akka waan hin jirree in ta'u.

Waaqayyo inni si furu, inni qulqulluun kan Israa'el, <<Ani ofii kootii waanan si gargaaruuf, yaa Yaaqoob raammoo nana, yaa Israa'el xinnayyoo nana hin sodaatin!>> jedhee dubbateera*.

Yaa Israa'el, ati garuu garbicha koo ti, yaa Yaaqoob ani si fo'adheera; ati sanyii Abrahaam sanyii fira kootii ti*

ani iddoo gogaa fi ol ka'aa dhoosee isa keessaa bishaan nan yaasa, dachaa keessaa burqoota nan baasa, lafa onaa iddoo ciisa bishaanii nan godha, lafa gogaa keessaas bishaan nan lolaasa*.

Waaqayyo, <<Yommuu warri rakkatoo fi gadadamoonni bishaan barbaadanii dhaban, yommuu arrabni isaanii dheebuudhaan gogu, ani Waaqayyo kadhata isaanii nan dhaga'aaf; ani Waaqayyo inni kan Israa'el isaan hin gatu

Kun akka ta'u kan godhe, fiixaanis kan baase eenyu>> Jalqabuma iyyuu dhaloonni hundinuu akka jiraatan kan godhe eenyu>> Ani Waaqayyo isa duraa ti isa booddee tis*.

Gaattiraan, laaftoon, hadheessii fi ejersi, lafa onaa keessatti akka biqilu, lafa duwwaa keessas mukti baalli isaa yeroo hundumaa lalisu, birbirsii fi qaraaroon akka dhaabamu nan godha. Ani Waaqayyo humna kootiin kana akkan godhe, ani qulqulluun Israa'el kana akkan uume, namoonni akka argan, akka beekanii fi akka itti yaadanii hubatanis nan godha>> jedhe.