Macaafa Hisqi'el Raajichaa 9

Warri Waaqayyolii Tolfamoo Waaqessan Ajjeefamuu Isaanii

1Kana booddee inni sagalee guddaadhaan,<<Warri mandarattii adaban hundinuu adduma addaan mi'a waraanaa harkatti qabatanii as haa dhi'aatan!>> jedhee waamuu isaa nan dhaga'e. 2Namoonni ja'as kunoo adduma addaan mi'a waraanaa isa ittiin balleessan harkatti qabatanii, karaa balbala kellaa isa gara olii isa gara harka bitaatti gara galee jiruu in dhufan; namichi uffata quncee talbaa irraa hojjetame uffatee, qodaa qalamii ittiin caafanii mudhii isaattii qabu tokkos isaan gidduu ture; isaanis ol lixanii iddoo aarsaa isa sibiila borrajjii irraa hojjetame bukkee in dhaabatan*.#2 10:2; Dan 10:5

3Ulfinni Waaqayyoo isa kan Israa'elis Kiruubel isa irra buufatee ture sana irraa ka'ee, gara buusaa balbala manichaa dhaqee, namicha uffata quncee talbaa irraa hojjetame uffatee, qodaa qalamii ittiin caafanii mudhii isaattii qabu sana in waame*. 4Waaqayyo yommus namichaan,<<Mandara Yerusaalem keessa adeemiitii adda namoota warra sababii wanti ciiggaasisaan as keessatti hojjetameef gaddanii boo'anitti milikkita godhi!>> jedhe*. 5Ammas utuman dhaga'uu warra kaaniin immoo,<<Isa booddeedhaan mandarattii keessa adeemaatii garaan keessan utuu isaaniif hin oo'in utuu hin hiliniifis rukutaa! 6Iddoo koo isa qulqullaa'aatti jalqabaatii, jaarsa, dubartii, dargaggeessa, durba, ijoollee xixinnoo, ajjeesaa! Haa ta'u iyyuu malee, warra milikkita of irraa qaban keessaa nama tokkotti illee hin dhi'aatinaa!>> jedhe; isaanis jaarsolii mana qulqullummaa dura turanitti in jalqaban. 7Ammas isaaniin,<<Manicha qulqullummaa xureessaa, reeffa warra ajjeefamaniis oobdii keessa guutaatii achii adeemaa!>> jedhe; isaanis ba'anii mandarattii keessa naanna'anii ajjeesuu jalqaban. 8Utuu isaan rukutaa jiraniis ani kophaa kootti hafee, adda kootiin gad gombifamee,<<Yaa Waaqayyo gooftaa! Dheekkamsa kee isa Yerusaalem irratti dhangalaafteen Israa'el keessaa warra hafan hundumaa in balleessitaa ree?>> jedhee nan iyye*.#3 8:4 4 Mul 7:2-3; 9:4; 14:1 8 11:13

9Inni garuu,<<Yakki mana Israa'elii fi mana Yihudaa sonaan guddaa dha; isaan <<Waaqayyo biyyicha dhiiseera, Waaqayyo hin argus>> waan jedhaniif, biyyicha keessa dhiiga dhangalaasuun, mandarattii keessas jal'inni guuteera*. 10Ani garuu akka hojiin isaaniittan mataa isaaniitti deebisa malee, garaan koo isaaniif hin oo'u hin hiluufis>> jedhee anaaf deebise*. 11Kunoo, namichi uffata quncee talbaa irraa hojjetame uffatee, qodaa qalamii ittiin caafanii mudhii isaattii qabu sun dhufee,<<Ani akka ati ana abboomte godheera>> jedhee, isatti dubbate.#9 8:12; 24:6-7 10 5:11; 7:3-4

Currently Selected:

Macaafa Hisqi'el Raajichaa 9: MacQul

Highlight

Copy

Compare