Macaafa Hisqi'el Raajichaa 8

Manni Qulqullummaa Waaqayyolii Tolfamoodhaan Xuraa'uu Isaa

1Waggaa ja'affaatti, waggicha keessaas ji'a ja'affaatti, ji'icha keessaa immoo guyyaa shanaffaatti, ani mana koo keessa taa'ee utuun jiruu jaarsoliin Yihudaas ana fuula dura taa'aa utuu jiranii, achitti harki Waaqayyo gooftaa ana irra kaa'ame*. 2Ani yommus ilaalee ibidda bifa namaa qabu tokko nan arge; isa mudhii isaa fakkaatu sanaa gaditti ibidda in fakkaata; isa mudhii isaa fakkaatu sanaa olitti immoo akka bifa sibiila calaqqisuu ti*. 3Inni wanta harka fakkaatu tokko as baasee ittiin rifeensa mataa kootii qabe; hafuurris waaqaa fi lafa gidduutti ol na fuudhee, mul'ata Waaqayyootiin gara Yerusaalemitti, gara karra isa gara bitaatti gara galee jiru isa ittiin oobdii isa gara keessaatti ol lixaniitii fi iddoo fakkeenyi inni hinaaffaa kaasu dhaabatutti na geesse*. 4Kunoo, akka isa ani lafa diriiraa keessatti mul'ataan arge sanaatti ulfinni Waaqayyoo isa kan Israa'el achi ture.#1 14:1; 20:1; 3:22 2 1:27 3 3:12

5Inni yommus anaan,<<Yaa mucaa namaa ati mee gara bitaatti ol ilaali!>> jedhe; ani kana irratti gara bitaatti ol ilaalee, balbala iddoo aarsaa harka bitaatti fakkeenya isa hinaaffaa Waaqayyoo kaasu sana nan arge. 6Ammas anaan,<<Yaa mucaa namaa! Wanta isaan hojjechaa jiran argitaa>> Mana qulqullummaa koo irraa ana fageessuudhaaf wanta ciiggaasisaa gurguddaa manni Israa'el asitti hojjechaa jiru kana argitaa>> Ati garuu si'achi iyyuu wanta ciiggaasisaa kana irra caalu arguuf jirta>> jedhe. 7Inni balbala isa gara oobdiitti baasutti na fide; anis ilaaleen keenyanitti qaawwa tokko arge. 8Kana booddee immoo anaan,<<Yaa mucaa namaa! Keenyanicha uri!>> jedhe; kanaaf ani keenyanicha ureen balbala tokko arge. 9Inni anaan,<<Ol lixiitii, hammeenya ciigga'amaa isaan asitti hojjechaa jiran kana ilaali!>> jedhe. 10Yommus ani ol lixee ilaalee, bifni fakkeenya wanta lafa irra munyuuqanii hundinuu, kan bineensota ilaaluun isaanii nama jibbisiisu hundinuu, bifni waaqayyolii tolfamoo mana Israa'el hundinuus, guutummaa keenyanichaatti kaafamanii nan arge*. 11Jaarsoliin torbaatamni warri kan mana Israa'el bifa fakkeenyota sanaa dura in dhaabatan; Yaazaaniyaan ilmi Shaafaanis namoota bificha dura dhaabatan sana gidduu in dhaabata ture; namoonni sunis adduma addaan qodaa ixaana itti aarsan of harkaa qabu, aarri ixaanichaa inni urgaa'aanis akka duumessaatti ol in ka'e*. 12Inni kana irratti anaan,<<Yaa mucaa namaa! Wanta jaarsoliin mana Israa'el<<Waaqayyo nu hin argu, Waaqayyo biyyicha dhiiseera>> jedhanii, dukkana keessa galma waaqayyolii tokko tokko isaanii keessatti hojjetan argiteettaa?>> jedhe*; 13ammas immoo anaan,<<Wanta ciiggaasisaa kana irra caalu isaan hojjechaa jiran arguuf jirta>> jedhe.#10 Rom 1:23 11 Bau 24:1; Lak 11:16; Luq 10:1,17 12 9:9

14Kana booddees inni gara balbala karra mana Waaqayyoo isa gara bitaatti na geesse; anis dubartoota achi taa'anii Tamuz Waaqayyo tolfamaa isaaniif boo'an nan arge*. 15Ammas anaan,<<Ati kana argiteettaa>> Yaa mucaa namaa! Ati si'achi iyyuu wanta ciiggaasisaa kana irra caalu arguuf jirta>> jedhe. 16Innis gara oobdii mana Waaqayyoo isa gara keessaatti na geesse; kunoo akka namoota digdamii shanii kan ta'an achi balbala mana qulqullummaa dura gardaafoo fi iddoo aarsaa gidduu dhaabatanii, gara mana qulqullummaatti dugda gatanii, gara ba'a-biiftuutti immoo gara galanii aduudhaaf in sagadu turan*.#14 Dan 11:37 16 Kes 4:19; 2Mot 23:5,11; Er 8:2

17Yommus inni anaan,<<Kana argiteettaa yaa mucaa namaa! Manni Yihudaa asitti wanta ciiggaasisaa hojjechuun isaa kun dubbii salphaadhaa ree>> Kunoo biyyicha humnaan nama irratti ka'uudhaan guutanii, itti dadabalaniis ana aarsuun, damee mukaa sanas funyaan isaaniitti qabachuun in ta'aa ree*>> 18Kanaafis ani dheekkamsaan isaan irratti nan hojjedha; garaan koo hin oo'u hin hilus; utuma isaan sagalee guddaadhaan gara kootti iyyanii iyyuu ani isaaniif hin dhaga'u>> jedhe.#17 7:20

Currently Selected:

Macaafa Hisqi'el Raajichaa 8: MacQul

Highlight

Copy

Compare