Macaafa Hisqi'el Raajichaa 4

Akka Itti Yerusaalem Marfamte Milikkitaan Argisiisuu Isaa

1Yaa mucaa namaa! Ati amma xuuphii tokko fuudhii of dura kaa'iitii, mandara Yerusaalem irratti kaasi! 2Marfamuu ishee argisiisi, wanta marsaadhaaf barbaachisu itti hojjedhu, koobiis itti tolchi, iddoo buufataa irratti kaasi, waan ittiin masaraa jigsanis itti naannessi*! 3Eelee sibiilaa fuudhiitii akka dallaa sibiilaatti ofii kee fi mandarattii gidduu kaa'i, fuula kees achi itti gara galchi! Egaa ati ishee in marsita, isheenis akkasitti marfamuu ishee ti; kun immoo mana Israa'eliif milikkita in ta'a.#2 17:17; 21:27

4Egaa ati cinaacha kee isa bitaatiin ciisi! Yakka mana Israa'el of irra kaa'i! Guyyaa ati cinaacha keetiin ciiftu kana hundumaa yakka isaanii in baatta. 5Ani lakkoobsa waggoota isaan itti yakkanii akka guyyootaatti lakkaa'ee siif nan kenna; akkasitti ati guyyaa dhibba sadii fi sagaltama yakka mana Israa'el in baatta. 6Isa kana erga raawwattee ammas lammaffaa ciisi; miilana immoo cinaacha kee isa mirgaatiin ciisiitii yakka mana Yihudaa baadhu! Anis waggaa tokko akka guyyaa tokkootti lakkaa'ee, guyyaa afurtama siif kenneera. 7Atis fuula kee gara marsaa Yerusaalemitti gara galchiitii harka kee irraas uffata ol dachaafadhu, raajii irratti dubbadhu! 8Ati guyyaa itti marfamuu kee hamma raawwattutti, cinaacha gar-tokkoo gara isa kaaniitti akka gara hin galletti, kunoo, ani funyoo sitti nan kaa'a*.#8 3:25

9Ati immoo qamadii, garbuu, baaqelaa, misira, bisingaa fi honborii fuudhii qodaa tokkotti naqii buddeena isaa tolfadhu; guyyaa dhibba sadii fi sagaltama cinaacha keetiin yommuu ciiftu sana isa nyaadhu! 10Miijanni nyaata ati guyyaa guyyaatti nyaattuu, akka graamii dhibba lamaa fi soddomaa haa ta'u, isa irraas yeroo yerootti nyaadhu! 11Safarri bishaan ati guyyaa guyyaatti dhugduu akka liitrii tokkoo haa ta'u! Isa irraas yeroo yerootti dhugi! 12Ati maxinoo garbuu ija namaa duratti dikee bobbaa namaa bobeessii ittiin tolfadhuutii nyaadhu! 13Waaqayyos,<<Namoonni Israa'el saba lafa irraa keessatti iddoo ani isaan bittimsetti buddeena isaanii isa akka seera Museetti hin qullaa'in akkuma kanatti in nyaatu>> jedhe*.#13 Hos 9:3-4

14Ani kana irratti,<<Yaa Waaqayyo gooftaa! Ani matumaa of xureessee hin beeku; ani mucummaa kootii jalqabee hamma ammaatti ofiin-du'ii yookiis wanta bineensi caakkaa qabee ajjeese matumaa nyaadhee hin beeku, foon ciiggaasisaanis afaan koo lixee hin beeku>> nan jedhe*. 15Inni immoo anaan,<<Ilaa qooda dikee bobbaa namaa, dikee sa'aatiin maxinoo akka ati maxxinattu nan godha>> jedhe. 16Inni immoo itti fufee, anaan,<<Yaa mucaa namaa! Kunoo ani Yerusaalem irraa midhaan nan kuta; isaanis nyaata safarame yaaddoodhaan in nyaatu; bishaan safarames naasuudhaan in dhugu*. 17Ani buddeenaa fi bishaan akka isaan dhaban, wal ilaalanii akka isaan na'an, sababii yakka isaaniitiifs akka isaan gad deebi'anii badan nan godha>> jedhe.#14 Bau 22:31; HoE 10:14 16 5:16; 12:18-19; Lew 26:26

Currently Selected:

Macaafa Hisqi'el Raajichaa 4: MacQul

Highlight

Copy

Compare