Macaafa Hisqi'el Raajichaa 3

Hisqi'el Saba Israa'elitti Ergamuu Isaa

1Inni yommus,<<Yaa mucaa namaa! Ati wanta siif kenname nyaadhu! Macaafa maramu kana nyaadhuutii dhaqii namoota Israa'elitti dubbadhu!>> naan jedhe. 2Kanaaf ani afaan koo nan bane, inni immoo macaaficha maramu akkan nyaadhuuf anaaf kennee, 3<<Yaa mucaa namaa! Ati macaaficha ani amma siif kennu kana nyaadhuu garaa kee guuttadhu!>> naan jedhe; ani yommuun nyaadhes afaan kootti akka dammaa in miyaa'e*.#1-3 Far 119:103; Er 15:16; Mul 10:8-10

4Inni ammoo,<<Yaa mucaa namaa! Ati gara namoota Israa'el dhaqii dubbii koo isaanitti dubbadhu! 5Ati gara namoota Israa'elitti ergamte malee, gara saba afaan isaa hin hubannee fi haasaan isaa rakkisaatti hin ergamne; 6ani gara saba warra afaan isaanii hin hubatamnee fi haasaan isaanii rakkisaatti, gara warra ati dubbii isaanii hin hubanneettan si erga miti; utuu ani dhugumaan gara isaaniitti iyyuu si ergeera ta'e, silaa isaan siif in dhaga'u turan. 7Garuu namoonni Israa'el anaaf waan dhaga'uu hin jaallatiniif, siifis dhaga'uu hin jaallatan, guutummaan mana Israa'el addaggee dha, boqu-jabeeyyii dha*; 8kunoo, ani fuula isaanii duratti ija-jabeessaa fi mata-jabeessa sin godha*; 9adda kees akka dhagaa almaasii isa dhagaa qara qabu caalaa jabaatuu nan jabeessa; isaanoo mana warra didanii ka'anii tii isaan hin sodaatin, hin na'inis!>> naan jedhe.#7 2:3-5; Yoh 15:20-23 8 Isa 50:7; Er 1:18; 15:20

10Ammas,<<Yaa mucaa namaa! Ati dubbii ani sitti dubbadhu kana hundumaa gurra keetiin dhaggeeffadhu, garaa keettis qabadhu! 11Ka'ii gara ijoollee saba kee warra booji'amanii dhaqiitii isaanitti dubbadhu! Yoo dhaga'anis yoo dhaga'uu dhabaatanis <<Waaqayyo gooftaan akkana jedha?>> jedhiin*! 12Hafuurris ol na fuudhe; anis sagaleen guddaan socho'u tokko ana booddeedhaa,<<Ulfinni Waaqayyoo iddoo buufata isaatti jajamaa haa ta'u!>> utuu jedhuu nan dhaga'e; 13sagaleen kunis isa wanti lubbuu qaban sun yommuu qoochoowwan isaanii walitti bu'an dhageessisanii fi isa geengoowwan isaanii warri isaan bukkee jiran didichanii dha. 14Hafuurris ol kaasee na fuudhee adeeme; anis hafuurri koo akka aaree boba'etti achii nan adeeme; harki Waaqayyoo inni jabaanis ana irra ture. 15Ani yommus gara warra booji'amanii laga Kebaar bira Tel-Abiibiin jiranii nan dhaqe; na'ee waanan godhu akkan wallaaleettan achi iddoo isaan jiran sana guyyaa torba isaan gidduu taa'e.#11 2:5,7; Isa 6:9

Waaqayyo Eegduu Akka Inni Ta'uuf Hisqi'elin Fo'uu Isaa

(His 33:1-9)

16Guyyaan torba erga dhumee booddee, dubbiin Waaqayyoo gara koo dhufee, 17<<Yaa mucaa namaa! Ani namoota Israa'eliif eegduu si godheera; ati dubbii afaan koottii dhaga'iitii ittiin of isaan eeggachiisi*! 18Yommuu ani nama jal'aadhaan,<<Ati dhugumaan in duuta>> jedhuun, ati immoo yoo isa of eeggachiisuu dhabaatte, karaa isaa isa jal'aa irraas deebi'ee akka fayyuuf yoo itti himuu dhabaatte, namni jal'aan sun yakka isaatiin in du'a; ani immoo dhiiga isaa harka kee keessa nan barbaada*; 19ati garuu nama jal'aa sana utuma of eeggachiiftuu, inni immoo jal'ina isaattii yookiis karaa isaa isa hamaa irraa hin deebi'u yoo ta'e, inni yakka isaatiin in du'a, ati immoo lubbuu kee in oolfatta; 20namni qajeelaan tokkos qajeelummaa isaattii deebi'ee wanta jal'aa yoo hojjete, ani gufuu isa dura nan kaa'a, innis in du'a; ati isa waan of hin eeggachiisiniifis inni cubbuu isaatiin in du'a; wanti qajeelaan inni kanaan dura hojjetes hin yaadatamuuf; ani garuu dhiiga isaa harka kee keessa nan barbaada*. 21Ati garuu namni qajeelaan cubbuu akka hin hojjennetti yoo of eeggachiifte, innis dhaga'ee of eeggatee, cubbuu yoo hojjechuu dhabaate, dhugumaan in jiraata, atis lubbuu kee in oolfatta>> jedhe*.#17 2Mot 9:17; His 33:7; Isa 52:8; Ibr 13:17 18 14:9-10 20 18:24 21 HoE 20:31

22Achittis harki Waaqayyoo ana irra ture, innis,<<Ka'ii gara lafa diriiraa dhaqi, anis achitti sittan dubbadha>> naan jedhe*. 23Ani kana irrattan ka'ee gara lafa diriiraa sana dhaqe; kunoo, ulfinni Waaqayyoo inni akka isa ani laga Kebaar biratti argee sun achi dhaabatee nan arge; achumaanis ani fuula kootiin nan gombifame. 24Ergasii hafuurri anatti galee, miilla kootiin na dhaabachiisee, anatti dubbatee,<<Mana keetti galii, balbala cufadhu*!>> 25Yaa mucaa namaa! Sin immoo isaan kunoo, gara sabaatti gad ba'uu akka ati hin dandeenyetti qabanii funyoodhaan si hidhu*; 26isaanoo mana warra didanii ka'anii ti; ani akka ati isaanitti dubbachuu, isaan ifachuus hin dandeenyetti, arraba kee laagaa keetti nan maxxansa*; 27garuu ani yeroon sitti dubbadhu afaan kee nan bana; isaan mana warra didanii ka'anii waan ta'aniif, ati isaaniin,<<Waaqayyo gooftaan <<Dhaga'uu kan barbaadu haa dhaga'u, dhaga'uu kan hin barbaannes haa dhiisu!>> jedha>> jedhi*!#22 1:1-3; 3:14; 8:1; 33:22; 37:1; 40:1 24 2:2 25 4:8 26 2:3-5 27 7:3-4

Currently Selected:

Macaafa Hisqi'el Raajichaa 3: MacQul

Highlight

Copy

Compare