Macaafa Hisqi'el Raajichaa 27
27
Mandara Xiirosiif Boo'uu Isaa
1Ammas dubbiin Waaqayyoo gara koo dhufee, 2<<Yaa mucaa namaa! Ati waa'ee Xiirosiif wawwaadhu! 3Isheedhaanis ati karaa karra galaanaa irra kan jiraattu, biyya daarii bishaanii jiran baay'ee isaaniitiifis naggaadee kan taate, Waaqayyo gooftaan,
yaa Xiiros ati,<<Ani baay'ee miidhagduu dha>> jetta*,
4daariin kee garaa galaanaa keessa,
warri si ijaaranis
baay'ee si miidhagsan,
5muka birbirsaa isa Siin'aarii dhufuun
saanqaa siif hojjetan,
muka gaattiraa isa Liibaanonii dhufes
utubaa siif dhaaban*.
6Muka qilxuu isa Baashaanii dhufu irraa
isa ittiin bishaan mooqan
siif hojjetan,
saanqaa muka birbirsaa
isa Qophrosii dhufu siif afanii,
ilka arbaa itti uffisan.
7Wayyaan muka talbaa irraa
biyya Gibxiitti miidhagfamee hojjetame,
milikkita ati,
ittiin beekamtu ture;
haarriin bifa waaqaa fakkaatuu fi buburreen,
daarii biyya Eliishaahii dhufus uwwisa kee ture*;
8warri markaba kee oofan
Sidoonii fi Arwaadii dhufan,
yaa Xiiros!
Namoota hojii beekan qabda turte,
isaan markaba kee oofaa turan.
9Namoonni Gebaal
warri hojii irra turan hundinuu,
gara kee dhufanii mi'a sitti gurguraa,
si irraa bitaas turan*.#3 28:17 5 Kes 3:8-9 7 Uma 10:4 9 Iya 13:5
10<<Namoonni Faares, Lud, Fuxis
loltuu ta'anii
siif hojjechaa turan,
gaachana isaanii fi gonfoo sibiilaa isaanii,
sitti fannisanii
ittiin si miidhagsanii turan;
11namoonni Arwaadii fi Helek
karaa hundumaa dallaa dhagaa keetti naanna'anii jiru;
namoonni Gamaadiis
mandara kee isa riqaa qabu
keessa turan,
isaanis gaachana isaanii naannessanii
dallaa dhagaa keetti in fannisu,
miidhagummaa kees fiixaan baasanii turan.
12<<Tarshiish sababii baay'ina qabeenya keetiif sii wajjin nagadaa turte; yommuu waa si irraa bitaa turtes, meetii, sibiila, qorqorroo, dilaliidhaanis mi'a kee bitaa turte.
13Yaawaan, Tubaalii fi Meshek naggaadota kee turan; isaanis garbootaan, mi'a sibiila borrajjii irraa hojjetameenis mi'a kee si irraa bitaa turan*.
14Warri Togaarmaas fardeen ittiin hojii hojjetaniin, fardeen lolaatiin, gaangoliidhaanis mi'a si irraa bitaa turan*.
15Warri Dedaan naggaadota kee turan; warri galaana qarqara jiranis si irraa in bitu, sitti in gurgurus turan; isaan immoo ilka arbaa fi muka harsammeessaa siif kennaa turan.
16Warri Sooriyaa sababii baay'ina mi'a ati qabduuf sii wajjin nagadu; isaan Kaarbunkilin, mi'a bildiimaadhaan, uffata miidhagfamee hodhameen, haarrii gaariidhaan, elellaaniin, callee diimaadhaanis mi'a si irraa bitaa turan.#13 Uma 10:2; Isa 66:19; His 27:19; Yoe 3:3-6; Mul 18:13 14 Uma 10:3; His 38:6
17Warri Yihudaa fi warri Israa'el sii wajjin nagadu turan; qamadii biyya Miiniit, dhadhaa ejersaa, gagaa, damma, dibataa fi urgooftuudhaan mi'a kee si irraa bitaa turan*.
18Damaasqoon sababii mi'a ati qabduu fi badhaadhummaa kee isa guddaadhaaf jedhee, daadhii waynii isa Helboonii dhufuu fi rifeensa hiddamaa isa Zaahaarii dhufuun sii wajjin nagadaa ture.
19Warri Daanii fi warri Yaawaan sibiila tumamee hojjetameen, qurunfulliidhaan, muka urgooftuutiinis mi'a si irraa bitaa turan.
20Warri Dedaan immoo baladii horii yaabii sitti nagadachaa turan.
21Warri Arabaa fi gurguddoonni warra Qedaar hundinuu, xobbaallaa, korbeeyyii hoolaa fi re'ootaa sitti gurgurachaa turan*.
22Naggaadonni warra Shabaa fi Ra'imaam, urgooftuu hundumaa irra caaluun, dhagaa gati-jabeessaa fi warqeedhaan mi'a si irraa bitaa turan*.
23Warri Haraan, Kanee, Eden, naggaadonni biyya Shabaa Asorii fi Kilmaad sii wajjin nagadaa turan*. 24Isaan kun naggaadota kee turan, uffata miidhagaa, uffata bildiimaa, uffata miidhagfamee hodhamee bifa garaa garaa qabu, funyoo ba'eessa ta'ee micciiramee dha'ames sitti nagadachaa turan.#17 1Mot 5:24-25 21 Uma 25:13 22 Uma 10:7; Isa 60:6-7 23 Uma 11:31; 2Mot 19:12; Isa 37:12; Uma 25:3
25<<Markaboonni biyya Tarshiish
mi'a kee siif in deddeebisu turan,
garaa galaanaa keessattis
ati mi'a ulfaataadhaan
guutamtee turte*;
26warri akka markabaatti si oofan
gara galaana guutuutti si geessan;
garuu qilleensi gara ba'a-biiftuu
garaa galaanaa keessatti si caccabse;
27guyyaa ati itti diigamtutti,
badhaadhummaan kee, mi'i kee,
mi'i nagadaa kee,
hojjetoonni markabaa kee fi
warri markaba kee oofan,
naggaadonni kee, loltuun kee hundinuu,
namoota si keessa jiran
hundumaa wajjin,
garaa galaanaa keessatti in liqimfamu;
28yommuu namoonni markaba kee keessaa iyyan,
warri biyya qarqara galaana sanaa
keessa jiran in raafamu.#25 1Mot 10:22
29<<Warri markaba oofan
isa irraa gad in bu'u,
warri isaan gargaaranii fi
warri markabicha keessaa hojjetan immoo
daarii galaanaa in dhaabatu;
30isaanis sagalee guddaadhaan iyyanii
siif in boo'u,
gadda irraa kan ka'es
awwaara mataa isaanii irra in firfirsu,
daaraa keessas in gangalatu;
31siifis mataa isaanii in haaddatu,
uffata gaddaas in uffatu;
yaada gaddaatiin siif in boo'u,
gadda guddaas siif in gaddu;
32yommuu gaddanis siif boo'anii,
<<Akka Xiiros eenyutu galaana keessatti
sagaleen isaa badee beeka?>> in jedhu;
33mi'i kee galaana irraa
yommuu siif dhufaa ture,
ati saba baay'ee
in quufsita turte,
badhaadhummaa kee isa baay'eedhaa fi
mi'a nagadaa keetiin,
mootota lafa irraa
in sooromsita turte;
34amma garuu ati galaana keessatti,
bishaan gad fagoo keessattis in caccabde,
mi'i nagadaa kee fi hojjetoonni kee
sii wajjin in liqimfaman;
35warri biyya galaana qarqaraa
keessa jiraatan hundinuu,
waa'ee keetiif in na'an,
mootonni isaaniis baay'ee in sodaatan,
fuulli isaaniis in geddarame;
36naggaadonni saba gidduudhaa sitti in ga'isu,
<<Dhumni kee baay'ee nama sodaachisa,
bara baraanis deebitee hin jiraattu!>> jedhu>> jedhe*.#36 28:19
Currently Selected:
Macaafa Hisqi'el Raajichaa 27: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
