Macaafa Hisqi'el Raajichaa 26

Mandara Xiiros Irratti Raajiin Dubbatamuu Isaa

1Waggaa kudha tokkoffaatti ji'icha keessaa guyyaa tokkoffaatti dubbiin Waaqayyoo gara koo dhufee, 2<<Yaa mucaa namaa! Xiiros Yerusaalemiin <<Baga?! karri sabaa caccabeera, banamees gara kootti gara galeera, isheen ontee waan jirtuuf, ani nan guddadha waan jetteef*, 3Waaqayyo gooftaan immoo, yaa Xiiros!<<Ani kunoo, akka galaana dha'aa isaa ol kaasuutti saba baay'ee si irratti nan kaasa; 4isaanis dallaa dhagaa isa kan Xiiros in balleessu; mandara ishee isa riqaa qabus in caccabsu, anis immoo biyyoo ishee ishee irraa haree nan balleessa, akka dhagaa kattaa bakkeetti mul'atuus ishee nan godha. 5Akka isheen galaana walakkaa keessatti iddoo itti kiyyoo diriirsanii qoorfatan taatu, akka isheen saba lafa irraatiif boojuu taatus ani Waaqayyo dubbadheera; 6intaloonni ishees biyya keessatti billaadhaan in dhumu?, yommus ani Waaqayyo akkan ta'e isaan in beeku>> jedhe.#2 25:3

7Ammas Waaqayyo gooftaan,<<Kunoo! Ani gara bitaatii Nebukadnezaar mootii Baabilon isa mootii moototaa sana, fardeenii fi konkolaataa wajjin, abboota fardeenii fi loltuu baay'ee wajjin Xiiros irratti nan fida*; 8innis intaloota kee biyya keessatti billaadhaan in fixa, inni dallaa ittiin si marsu in ijaarrata, koobii tuulee si irratti ol in kaafata, gaachana guddaas si irratti ol in kaasa. 9Inni sibiila ittiin dallaa dhagaa caccabsan gara dallaa keetti qajeelfatee ittiin in rukuta; mi'a isaatiinis riqaa mandara kee in caccabsa; 10baay'ina fardeen isaatii irraa kan ka'e awwaarri sitti gara in gala; inni akka nama mandara tokko cabsee lixuutti karra kee cabsee yommuu lixu, sagaleen abboota fardeenii, kan konkolaataa mi'aa isaanii fi konkolaataan isaanii dallaa dhagaa kee in sochoosu. 11Inni kottee fardeen isaatiin karaa kee hundumaa in dhidhiita; saba kees billaadhaan in fixa; utuboonni dhagaa kee warri jajjaboonnis in jijjigu. 12Isaan badhaadhummaa kee in booji'u, mi'a nagadaa kees in saamu; dallaa dhagaa kee in caccabsu; manneetii kee isa gaggaariis in diigu; dhagoota kee, mukkeetii kee, biyyoo kees galaana walakkaatti gad in naqu. 13Waca weedduu keetii nan balleessa, sagaleen kiraara kees deebi'ee hin dhaga'amu*. 14Ani dhagaa kattaa bakkeetti mul'atu sin godha, iddoo itti kiyyoo diriirsanii itti qoorfatanis in taata; ati deebitee hin ijaaramtu; kana ani Waaqayyo dubbadheera!>> jedhe; Waaqayyo gooftaan kana dubbateera.#7 Er 27:3,6 13 Amo 5:23

15Waaqayyo gooftaan, Xiirosiin,<<Si keessatti wal fixuun yommuu ta'u, warri madaa'anis yommuu aadan, biyyi galaana qarqaraa sagalee kufaatii kee dhaga'ee hin raafamuu ree>> 16Angafoonni biyya galaana qarqaraa hundinuu teessoo isaanii irraa gad in bu'u, uffata isaanii lafa in kaa'u, qoloo isaanii isa miidhagfamee hodhames of irraa in baasu; naasuu in uffatu, lafa in taa'u, yeroo hundumaa in rom'u, waa'een kees isaan in naasisa*. 17Isaanis waa'ee keetiif boo'anii,

<<Ati yaa mandara bishaan biraa,

yaa ishee jajamtuu,

galaana irratti jabduu,

atii fi warri si keessa jiraatan,

warra achi keessa jiraatan sodaachiftan,

ati attamitti diigamte!>> in jedhu.

18Guyyaa ati kuftutti

biyyi galaana qarqaraa in raafama;

biyyi bishaan gidduus

yommuu ati baddu

in rom'a>> jedhe.#16 28:19

19Waaqayyo gooftaan,<<Ani yommuun akka mandara onaa isa namni keessa hin jirree si godhu, bishaan tuujjubaa fi bishaan guddaa yommuun si irra gara galchu, 20warra boolla keessa bu'anii wajjin, saba durii wajjinis boolla keessa sin buusa; ani warra boolla keessa bu'anii wajjin boolla onaa durii keessa garaa lafaa jala sin teessisa; ati achii deebitee biyya warra jiraatanii keessa taa'uu hin dandeessu*. 21Ani naasuudhaaf sin godha, deebitees hin argamtu, ati in barbaadamta, garuu bara baraan hin argamtu>> jedhe; Waaqayyo gooftaan kana dubbateera.#20 32:18; Isa 14:9-11,15

Currently Selected:

Macaafa Hisqi'el Raajichaa 26: MacQul

Highlight

Copy

Compare