Macaafa Hisqi'el Raajichaa 17

Fakkeenya Joobiraa Fi Muka Waynii

1Dubbiin Waaqayyoo gara koo dhufee, 2<<Yaa mucaa namaa! Ati hibboo hibbifadhu, fakkeenyas mana Israa'elitti himi! 3Isaaniinis, Waaqayyo gooftaan,<<Joobirri guddaan qoochoo guddaadhaa fi baallee dhedheeraa bifa garaa garaa qabu tokko gara Liibaanon dhufee bantii muka gaattiraa fudhate; 4innis fiixee mukichaa irraa cabsee, biyya naggaadotaatti geessee, mandara warra mi'a garaa garaa bitanii gurguranii keessa kaa'e*. 5Kana booddees biyyicha keessaa sanyii fuudhee, biyyoo coomaa isaa keessa kaa'ee, akka nama qacama dhaabuutti qarqara bishaan guddaa dhaabe; 6innis guddatee dagaagee gara lafaatti gad yaa'ee, muka waynii asii fi achitti harka yaafatu in ta'e; dameen isaa gara isaatti in deebi'e; hiddi isaas isuma jalatti hafe; inni muka waynii ta'ee, damee yaafatee baala in godhate*.

7Kana booddees joobirri guddaan qoochoo guddaa fi baallee dhedheeraa qabu tokko in dhufe, kunoo mukti waynichaas akka inni bishaan baay'ee isa obaasuuf iddoo dhaabame sanaa hidda isaa gara isaatti yaafatee, damee isaas gara isaatti in diriirse; 8mukti waynichaas damee fi ija godhatee, waynii ija ba'eessa godhatu akka ta'utti, bishaan guddaa bira lafa gaarii keessa in dhaabame>> jedha>> jedhi!#4 16:29 6 19:10

9Ammas isaaniin,<<Waaqayyo gooftaan,<<Amma kun in guddataafii ree>> Hiddi isaa lafa keessaa buqqifamee, iji isaa irraa harcaafamee, dameen isaas hin gogfamuu ree>> Dameen isaa hundinuus in goga; hundee isaa lafa keessaa buqqisuudhaaf irree jabaa yookiis nama baay'ee hin barbaachisu. 10Kunoo! Iddoo tokko buqqifamee iddoo kan biraa yoo dhaabame iyyuu, in guddataa ree>> Qilleensi gara ba'a-biiftuu yommuu itti qilleensa'u raawwatee hin coolliguu ree>> Iddoo itti guddatu sanatti hin coolliguu ree?>> jedha>> jedhi!

11Dubbiin Waaqayyoo ammas gara koo dhufee, 12<<Mana warra didanii ka'anii sanaan,<<Hiikaan isaan kanaa maal akka ta'e, hin beektanii ree>> Kunoo! Mootiin Baabilon gara Yerusaalem dhufee mootii ishee fi gurguddoota ishee booji'ee fudhatee Baabilonitti in deebi'e*. 13Akkasumas sanyii warra moototaa keessaa tokko fuudhee, isaa wajjin kakuutti galee, isaa wajjinis walii galee jajjaboota biyyaa immoo fudhatee in adeeme*. 14Kanas mootummichi akka gad deebi'uuf, deebi'ees mataa isaa akka ol hin qabneef, kakuu sanas eegee akka dhaabatuuf godhe. 15Mootichi sun garuu mootii Baabilon irratti ka'ee, Gibxi fardeenii fi loltuu baay'ee akka isaaf kennuuf ergamoota isaa itti in erge; egaa kun in ta'aafii ree>> Namni wanta akkasii godhe ooluu danda'aa ree>> Kakuu sanas cabsee duraa ba'uu danda'aa ree?>> jedhi!>> jedhe.#12 2Mot 24:10,15-16 13 2Sen 36:13

16Ani jiraataa dha!<<Mootiin Yihudaa kun biyya Baabilon biyya mooticha isa moosiseetti, isa kakuu isaa tuffatee, walii galtees cabse sanaatti in du'a. 17Lubbuu namoota baay'ee balleessuudhaaf yommuu wanti marsaadhaaf barbaachisu koobiin itti hojjetamu, mootiin Gibxii loltuu isaa warra jajjaboodhaa fi macca isaa sanaan guyyaa lolaa sanatti isa gargaaruu hin danda'u*; 18kakaa sana cabsuudhaan walii galtee sana in tuffate. Kunoo, harka wal rukutanii erga walii galanii, deebi'ee wanta kana hundumaa waan hojjeteef duraa hin ba'u!>> jedhe Waaqayyo gooftaan.#17 Er 37:3-8

19Kanaafis Waaqayyo gooftaan,<<Ani jiraataa dha! Walii galtee koo isa inni tuffatee fi kakuu koo isa inni cabse mataa isaatti nan deebisa. 20Ani kiyyoo koo isa irra nan diriirsa, futtaasaa kootiinis in qabama; sababii inni ana ganeef gara Baabilonitti isa nan geessa, achittis isatti nan farada*. 21Loltuun isaa warri baqachaa jiran billaadhaan in dhumu, isaan keessaa warri hafanis gara golee qilleensa hundumaatti in tamsa'u; yommus ani kana akkan dubbadhe in beektu>> jedhe.#20 12:13-14

22Waaqayyo gooftaan,<<Ani ofuma kootii bantii muka gaattiraa irraa fiixee isaa kutee nan dhaaba; damee isaa isa ol aanu irraas fiixee isaa isa xobbee nan cabsa, tulluu ol ka'aadhaa fi ol dheeraa gubbaas nan dhaaba*; 23tulluu Israa'el isa keessaa ol ka'aa irra isa nan dhaaba; innis achitti damee baay'ee baasee ijas godhatee, muka gaattiraa isa guddaa in ta'a; allaattonnii fi simbirroonni baalleedhaan balali'an hundinuus isa keessa in jiraatu, gaaddisa damee isaa jalas in boqotu*. 24Yommus ani Waaqayyo muka isa dheeraa akkan gabaabsu, isa gabaabaas akkan dheeressu, isa lalisaa akkan gogsu, isa gogaas akkan lalisiisu mukkeetiin caakkaa hundinuu in beeku; ani Waaqayyo kana dubbadheera nan godhas>> jedhe*.#22 Isa 11:1 23 20:40 24 1Sam 2:7-8

Currently Selected:

Macaafa Hisqi'el Raajichaa 17: MacQul

Highlight

Copy

Compare