Macaafa Hisqi'el Raajichaa 16

Yerusaalem Amanamummaa Dhabuu Ishee

1Ammas immoo dubbiin Waaqayyoo gara koo dhufee, 2<<Yaa mucaa namaa! Hojii ishee isa ciiggaasisaa Yerusaalemitti himi! 3Waaqayyo gooftaan, Yerusaalemiin,<<Ati hundeedhaan, dhalootaanis kan Kana'aan, abbaan kee Amooro, haati kees durba warra Heet turte*. 4Ati gaafa dhalatte hin handhuuramne, akka qullooftuufis bishaaniin hin dhiqamne, soogiddaan hin sukkuumamne, wayyaanis sitti hin maramne; 5ati gaafa dhalatte sana ijaan ilaaluun waan nama jibbisiisuuf bakkeetti gatamte malee, namni siif oo'uudhaaf wanta kana keessaas tokko illee siif gochuudhaaf garaa siif laafe hin turre.#3 15:63; Abo 19:11-12; 2Sam 5:6-9

6<< <Ani utuun darbuu ati dhiiga kee keessa ciiftee utuu dhidhiitattu sin arge; ati dhiiga kee keessa utuma ciiftus:- Jiraadhu! siin nan jedhe; 7akka muka bakkee akka ati guddattu nan godhe; atis guddattee baay'ee in miidhagde, in guntutte, rifeensi kees in guddate; ati garuu qullaa akka garaa haadha kee keessaa baatetti jirta.

8<< <Ani ammas utuun darbuu si ilaalee, ati durba geessu jaallatamtuu ta'uu kee argeen, uffata koo sitti uffiseen, qullaan kee akka hin mul'anneef siif dhokse; si kaadhimadhee ati kan koo taatee sii wajjin kakuutti galeera>> jedhe; Waaqayyo gooftaan kana dubbateera*

9<< <Ani bishaaniin si dhiqee, dhiiga si irraa qulleessee, dhadhaa ejersaa si dibe. 10Akkasuma immoo uffata kuulaan miidhagfame sitti nan uffise, kophee gogaa irraa hojjetames sin kaa'achiise, uffata quncee talbaa ba'eessaa fi haarrii irraa hojjetames sitti nan uffise. 11Mi'a miidhagaa sitti naqee sin miidhagse; harka keetti bitawoo nan naqe, morma keettis dirata nan dire; 12funyaan keetii fi gurra keetti amartii nan kaa'e, gonfoo ba'eessas mataa kee irra siif nan kaa'e. 13Ati akkasitti warqeedhaa fi meetiidhaan in miidhagde, uffanni ati uffattu quncee talbaa isa ba'eessaa fi haarriidhaan hojjetamee kuulaan in miidhagfame; qamadii isa ba'eessa, damma, dhadhaa ejersaas in nyaatte; baay'ee miidhagduu taate, mootuu ta'uudhaafis in kaate; 14simboon ani siif kenne miidhagummaa kee guutuu waan godheef ati saba lafa irraa gidduutti waa'ee miidhagummaa keetiif in beekamte>> jedhe; Waaqayyo gooftaan kana dubbateera.

15<< <Ati garuu miidhagummaa kee amanattee, beekamuu kee irraa kan ka'es ejjituu taate, namni karaa adeemu hundinuus sii wajjin akka ejjuuf of in kennite*. 16Wayyaa kee keessaa muraasa fuutee galma itti waaqayyolii tolfamoo waaqessuudhaan ejjitu qalamii garaa garaatiin in miidhagfatte; wanti akkasii kun ta'uun irra hin turre; gara fuula duraattis ta'uun irra hin jiru. 17Akkasumas mi'a miidhagummaa isa warqee fi meetii koo irraa hojjetame isa ba'eessa ani siif kenne sana fuutee, bifa fakkeenya dhiirotaa tolfattee, isaanii wajjin in ejjite*; 18uffata kee isa kuulaan miidhagfame fuutee isaanitti uffiftee, dhadhaa ejersaa koo fi ixaana koo isaan dura in keesse*. 19Itti dabaltees nyaata ani siif kenne, qamadii ba'eessa, dhadhaa ejersaa, damma isa ani akka ati nyaattuuf siif kenne, ati immoo kennaa fooliin isaa garaa nama ciibsu gootee isaan dura in keesse; wanta akkasiitu ta'e>> jedhe; Waaqayyo gooftaan kana dubbateera.#15 2:20; Hos 4:12-14 17 Hos 8:4 18 Hos 2:10

20<< <Ati ilmaan kee fi intaloota kee warra anaaf godhatte fuutee akka nyaataatti waaqayyolii tolfamoodhaaf aarsaa dhi'eessite; ejjummaan kee sitti xinnaatee moo>> 21Ati ijoollee koo qaltee waaqayyolii tolfamoodhaaf aarsaa dhi'eessite. 22Hojii kee isa ciiggaasisaa fi ejja kee kana hundumaa keessaa immoo isa bara mucummaa keetii qullaa kee akka garaa haadha keetii keessaa baatetti dhiiga kee keessa ciiftee dhidhiitattu sana hin yaadanne>> jedhe.

23<< <Wayyoo! Wayyoo siif!>> jedha Waaqayyo gooftaan; jal'ina kee kana hundumaa irratti immoo dabaltee, 24biyyoo tuultee ol kaafattee, wal ga'ii karaa hundumaa irrattis koobii qopheeffatte*; 25golee karaa guddaa hundumaa irratti iddoo ol ka'aa ijaarrattee, miidhagummaa kee tuffachiifte, warra karaa darban hundumaafis of kennitee, ejjummaa kees in baay'ifte. 26Kanuma irratti iyyuu gaalamootummaa baay'iftee, tuttuqxee ana aarsuudhaaf warra Gibxii olloota kee warra hawwa ejjaatiin gubatanii wajjin in ejjite. 27Kunoo ani harka koo si irratti ol nan fudhadha qooda kees nan hir'ise, fedha intaloota warra Filiisxiyaa warra si jibbanii hojii kee isa hamaadhaaf qaana'anittis sin kenne. 28Ati waan hin quufneef warra Asorii wajjinis immoo in ejjite; garuu innis si hin quubsine*; 29biyya Kaldootaa biyya naggaadonni keessa jiran keessattis ejja in baay'ifatte, ammas immoo hin quufne.#24 11:13 28 23:12

30<<Ati akka dubartii ejjituu ishee addaggee, kana hundumaa yommuu gootu yaadni kee attam dadhabaa dha! jedha Waaqayyo gooftaan. 31Golee karaa guddaa hundumaa irratti biyyoo tuultee ol kaaftee, wal ga'ii karaa hundumaa irratti, koobii in ijaarratte; kana keessaa immoo ati gatii isa kennamu sana waan tuffatteef akka ejjitootaa iyyuu hin turre. 32Ati haadha manaa ejjituu dha! Abbaa manaa kee caalaas orma in jaallatta; 33namoonni ejjitoota hundumaaf gatii in baasu, ati garuu namoonni warri si jaallatan iddoo hundumaatii gara kee dhufanii sii wajjin akka ejjaniif gatiidhaan isaan in gabbarta. 34Akki ati itti ejjitu dubartoota warra kaan irraa garaa gara; namni jaalala kee fi si duukaa fiigu tokko illee hin jiru; ati isa sii wajjin ejjuuf gatii kennita malee, gatii hin fudhattu; kanaaf ati dubartoota warra kaan irraa garaa gara>> jedhe.

Firdiin Waaqayyoo Yerusaalem Irratti Akka Dhufu Himuu Isaa

35Kanaafis ati ejjituu nana, dubbii Waaqayyoo dhaga'i! 36Waaqayyo gooftaan,<<Sababii ati horii kee dhangalaafteef, warra si jaallatanii wajjin utuu ejjituus qullaan kee mul'ateef, sababii waaqayyolii tolfamoo kee warra ciiggaasisaniif dhiiga ijoollee keetii kenniteef, 37kanaaf ani kunoo,<<Warra si jaallatan, warra ati itti gammaddu, warra ati jaallattuu fi warra ati jibbitu hundumaa iddoo hundumaatii si irratti walitti nan qaba, akka isaan qullaa kee guutummaatti arganiifis uffata kee si irraa nan fuudha*. 38Ani firdii isa ittiin dubartoota ejjanii fi nama ajjeesanitti faradaniin sitti nan farada; dheekkamsa koo fi hinaaffaa kootiin dhiiga kee nan dhangalaasa*. 39Ani harka warra si jaallatanii keessa sin buusa, isaanis koobii ati biyyoo tuultee ijaarratte in diigu, iddoowwan sagadaa kee warra ol ka'oo sanas in jijjigsu, uffata kee si irraa fuudhanii mi'a miidhagummaa kees si irraa baasanii qullaa akka gaafa dhalatteetti si dhiisu. 40Namoota baay'ees sitti in dachaasu; isaanis dhagaadhaan si rukutu, billaa isaaniitiinis si kukkutu; 41manneetii kee in gubu, dubartoota baay'ee durattis firdii si irratti in raawwatu; ani ejja kee akka ati dhiiftu nan godha, atis warra si jaallataniif deebitee gatii ejjaa hin kennitu*. 42Kana booddees dheekkamsa koo sitti nan qabbaneessa, hinaaffaan koos si irraa in deebi'a; calluma nan jedha, si'achis hin dheekkamu.

43Ati waan kana hundumaan na aarsite malee, isa bara mucummaa keetii hin yaaddanne; kanaafis kunoo ani wanta ati goote kana hundumaa mataa keetti nan deebisa>> jedhe; Waaqayyo gooftaan kana dubbateera; hojii kee isa ciiggaasisaa irratti immoo dabaltee wanta hamaa hin hojjennee ree*?#37 13:22; Hos 2:12 38 Lew 20:10; His 23:45 41 2Mot 25:9 43 7:3-4

44<<Kunoo warri waa'ee keetiif mammaakan hundinuu,<<Intalli akkuma haadhaa ti>> jedhanii in mammaaku. 45Ati intala haadha kee ishee abbaa manaa ishee fi ijoollee ishee tuffattee ti; ati obboleettii obboleettota kee warra abbaa manaa isaanii fi ijoollee isaanii tuffatanii ti; haati keessan durba warra Heet turte, abbaan keessan immoo qomoo warra Amoorotaa keessaa ture*. 46Obboleettiin kee isheen angafni Samaariyaa ishee intaloota ishee wajjin gara harka kee bitaa jiraattuu dha; obboleettiin kee isheen quxisuun immoo Sodoom ishee intaloota ishee wajjin gara harka kee mirgaa jiraattuu dha. 47Ati karaa hundumaan isaan caalaa mancaate malee, karaa isaanii irra adeemtee hojii isaanii isa ciiggaasisaa sana hojjette duwwaa miti. 48Ani jiraataa dha! Sodoom obboleettiin kee fi intaloonni ishee, akka atii fi intaloonni kee hojjetan hin hojjenne, jedha Waaqayyo gooftaan*.#45 16:3 48 Mat 10:15

49<<Kunoo, yakki Sodoom obboleettii keetii, akka kanatti fufee jiru ture, isheenii fi intaloonni ishee of koorsan; utuma nyaati isaan irraa hafuu, isaanitti tolees gabiitti utuma jiraatanii, isa rakkataadhaa fi deegaa hin gargaarre. 50Isaan of koorsan, fuula koo durattis wanta ciiggaasisaa in hojjetan; kanaaf ani immoo argee, achii isaan nan balleesse*. 51Samaariyaan walakkaa cubbuu ati hojjettee iyyuu hin hojjenne; ati obboleettota kee caalaa wanta ciiggaasisaa waan hojjetteef, wanta goote kana hundumaan, obboleettonni kee kun akka qajeelotaatti akka ilaalaman in goote*. 52Kanaafis ati isaan caalaa wanta ciiggaasisaa hojjettee, cubbuu keetiin akka isaan akka qajeelotaatti ilaalaman waan gooteef qaana'i! Cubbuun ati hojjette baay'ee ciiggaasisaa waan ta'eef, isaan si caalaa akka qajeelotaatti ilaalamaniiru; obboleettonni kee akka qajeelotaatti akka ilaalaman waan gooteef qaana'i, yeelloo uffadhu!#50 19:24-25 51 Er 3:11

53<<Haa ta'u iyyuu malee, ani boojuu Sodoomii fi intaloota ishee, boojuu Samaariyaa fi intaloota ishees yommuun deebisu, kan kees immoo kan isaanii duukaa nan deebisa*; 54ati wanta goote kana hundumaan waan isaan jajjabeessiteef yeelloo kee in uffatta in qaanoftas*; 55obboleettonni kee Sodoomii fi Samaariyaan intaloota isaanii wajjin akka durii isaaniitti yommuu deebi'an, atis immoo intaloota kee wajjin akka durii keetti in deebita. 56Bara ati of koorsaa turte sanatti Sodoomin obboleettii kee maqaa iyyuu hin dhooftu turte; 57kunis immoo utuu jal'inni kee hin mul'atin ture; bara kanatti immoo atis akkuma ishee in taata, intaloonni Edoomii#16:57 <<Edoomii>> kaan immoo <<Aaramii>> yookiis <<Sooriyaa>> jedhu. fi olloonni ishee hundinuu sitti ga'isu, intaloonni Filiisxiyaa warri naannoo kee jiran hundinuus si tuffatu. 58Ati gatii hammina kee fi hojii kee isa ciiggaasisaa argachuuf jirta>> jedha Waaqayyo.#53 30:3 54 6:9; 16:61

59Waaqayyo gooftaan,<<Sababii ati kakicha cabsuudhaan isa ana abdachiifte tuffatteef, ani immoo akka hojii keetti gatii kee siif nan kenna; 60haa ta'u iyyuu malee, kakuu isa ani bara mucummaa keetii siif kakadhe nan yaadadha, kakuu bara baraas sii wajjin nan gala*. 61Egaa ani kakuu eeguu keetiif utuu hin ta'in, obboleettota kee, ishee angafa, ishee quxisuus intaloota akka siif ta'aniif yommuun siif kennu ati immoo karaa kee isa durii in yaadatta, waa'ee isaatiifis in yellaata*. 62Ani kakuu sii wajjin nan gala; yommus ani Waaqayyo akkan ta'e in beekta. 63Egaa waan ati hojjette sana hundumaa yommuu ani siif dhiisu, ati immoo isa yaadattee, isa hojjette sanatti waan qaanoftuuf, si'achi deebitee afaan hin saaqqattu>> jedhe; Waaqayyo gooftaan kana dubbateera*.#60 26:45; Hos 2:17; Er 31:33 61 20:42-44 63 36:31-32

Currently Selected:

Macaafa Hisqi'el Raajichaa 16: MacQul

Highlight

Copy

Compare