Macaafa Hisqi'el Raajichaa 15
15
Yerusaalem Muka Waynii Isa Waa'ee Hin Baafnetti Fakkeeffamuu Ishee
1Dubbiin Waaqayyoo ammas gara koo dhufee, 2<<Yaa mucaa namaa! Mukti waynii muka kan biraa irra, dameen isaas damee mukkeetii caakkaa keessa jiran irra attamitti caala*>> 3Mukti wanta waa'ee baasu ittiin hojjetan isa irraa argamee beekaa ree>> Namni qodaa itti fannifachuudhaaf isa irraa hokkoo tolfatee beekaa ree>> 4Inni kunoo, akka qoraaniitti ibiddatti in naqama; ibiddi fiixee isaa lamaan fixee gidduu isaa immoo erga laballabee, waanuma tokkoof iyyuu waa'ee in baasaa ree*>> 5Kunoo! Utuma fayyaatti jiruu iyyuu homaafuu erga waa'ee hin baafnee, erga ibiddi gubee laballabee immoo wanti waa'ee baasu isa irraa hojjetamuu danda'aa ree?>> jedhe.#2 Er 2:21; His 17:5-10 4 Yoh 15:6
6Kanaafis Waaqayyo gooftaan,<<Akkuma ani muka waynii mukkeetii caakkaa keessa jiran gidduudhaa ibiddatti naqee gube, warra Yerusaalem jiraatanis akkasuma nan godha; 7anis isaaniin mormuudhaaf fuula koo gara isaaniitti nan deebisa, ibidda jalaa yoo ba'anis ibiddumatu isaan fixa; yommuu ani isaaniin mormuudhaaf fuula koo gara isaaniitti deebisu, ani Waaqayyo akkan ta'e isin in beektu*. 8Sababii isaan anaaf amanamuu didaniif ani biyyicha nan onsa>> jedhe; Waaqayyo gooftaan kana dubbateera.#7 Amo 4:11; His 6:7
Currently Selected:
Macaafa Hisqi'el Raajichaa 15: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
