Macaafa Lallabaa 2

Qannootti Jiraachuun Kan Waa'ee Hin Baafne Ta'uu Isaa

1Ani ofii kootii,<<Mee dhaqeen gammachuu qoree, wanta gaariis ilaala!>> jedhee nan ka'e; kunoo, kunis immoo wanta waa'ee hin baafnee dha*; 2<<Kolfi maraatummaa dha, gammachuunis maal namaaf godha?>> nan jedhe*; 3daadhii wayniitiinis namummaa koo gammachiisuu nan yaade, yaadni garaa koo garuu amma iyyuu ogummaadhaan na geggeessaa jira; ani gowwaa fakkaadhee ilmaan namootaa bara muraasa itti biyya lafa irra jiraatan kanatti wanta gaarii gochuun isaaniif ta'u arguu barbaadeen ture*.#1 2:3,10-11,24-25 2 Fak 14:13 3 Fak 20:1; 23:29-35; 31:4

4Ani hojii koo nan bal'ifadhe; manneen nan ijaarradhe, mukkeetii wayniis nan dhaabbadhe; 5iddoo dhaabaa nan tolfadhe, mukkeetiis nan dhaabbadhe; mukkeetii ija garaa garaa godhatanis achi keessa nan dhaabe. 6Mukkeetiin caakkicha keessaa akka ittiin obaafamaniifis kuufama bishaanii achitti nan tolche. 7Garboota dhiiraa fi dubartii nan bitadhe, garboonni manatti dhalatanis jiru; warra ana dura Yerusaalem keessa jiraatan caalaa saawwan baay'ee fi bushaayee baay'ee qabaadheera*. 8Meetii, warqee, badhaadhummaa mootonnii fi warri kutaa biyya garaa garaa bulchan qabaatanis walitti qabadheera; faarfatoota dhiiraa fi dubartii akkasumas saajjatoota ilmaan namootaa itti gammadan baay'een qaba*. 9Warra ana dura Yerusaalem keessa jiraatan caalaas guddadheera, ogummaan koos anuma biratti hafe*.

10Wanta iji koo hawwe hundumaa

ani hin dhowwanne,

garaa koos gammaduu irraa hin dhowwine;

wanta ani itti dadhabe hundumaatti

garaan koo in gammada,

wanta ani itti dadhabe

hundumaa keessaa,

kun qooda koo ture.

11Garuu wanta harki koo hojjetee fi

wantan itti dadhabe hundumaa

gara galee yommuun ilaalu,

wanti kun hundinuu

waa'ee hin baasu,

akka nama qilleensa ari'uu tis;

aduu jala wanti bu'aa qabu hin jiru*.#7 1Mot 5:3; 8:63 8 1Mot 5:1; 10:14-22; 2Sam 19:36; 1Mot 11:3 9 1:16; 1Mot 10:23; 1Sen 29:25 11 1:3

12Ani kana irratti ogummaa, maraatummaa,

gowwummaas deebi'ee ilaaluutti nan ka'e;

namni, mootii tokko booddeedhaan mootii ta'uuf jiru,

isa dur hojjetame irra kan caalu

maal hojjechuu danda'a ree*>>

13Egaa ifni dukkana irra akkuma caalu,

akkasuma ogummaan gowwummaa irra caaluu isaa nan arge;

14namni ogeessi yaada guutuudhaan in arga,

namni gowwaan garuu,

dukkana keessa deddeebi'a;

wanti lachuu isaaniitti dhufu garuu

tokkichuma akka ta'e hubadheera*.

15Egaa,<<Wanti nama gowwaatti dhufu

anattis in dhufa erga ta'ee,

maaliifan ogeessa ta'e ree?>>

jedheen garaa kootti yaade;

kana irrattan,

<<Kunis immoo wanta

waa'ee hin baafnee dha>> jedhe.

16Seenaan nama ogeessaa

seenaa nama gowwaa irra caalee

bara baraan hin yaadatamu;

baroonni yommuu darban

hundumti isaa in irraanfatama;

namni ogeessi attamitti

akkuma nama gowwaatti du'a ree*!

17Wanti aduu jalatti hojjetamu waan na gaddisiiseefan jireenya jibbe; wanti hundinuu waa'ee hin baasu, akka nama qilleensa ari'uu tis.#12 1:17 14 9:2-3; Iyo 9:22 16 Far 49:10

18Nama isa na booddee dhufuuf dhiisuun giddii waan anatti ta'uufan wantan aduu jalatti itti dadhabee hojjedhe hundumaa jibbe; 19namichi sun nama ogeessa yookiis gowwaa ta'uu isaa eenyutu beeka>> Garuu inni wanta ani aduu jalatti itti dadhabee ogummaadhaan hojjedhe irratti gooftaa in ta'a; kunis immoo wanta waa'ee hin baafnee dha*. 20Kanaafan wanta harki koo aduu jalatti itti dadhabe hundumaaf deebi'ee garaa kutadhe; 21namni tokko ogummaa, beekumsaa fi harka-tolinaan wanta itti dadhabee hojjete hundumaa nama isa hin hojjetiniif dhiisuun giddii itti in ta'a; kunis immoo wanta waa'ee hin baafnee dha, guddaas nama in gaddisiisa; 22namni wanta aduu jalatti itti dadhabee, garaa isaatiinis itti dhama'u hundumaa keessaa maal argata>> 23Barri isaa hundinuu dhiphinaan, wanti inni itti dadhabus gaddaan guutuu dha; halkan illee yaadni isaa boqonnaa hin qabu; kunis immoo wanta waa'ee hin baafnee dha*.#18-19 2:21; 6:2; Far 39:6 22-23 5:16; 8:16-17; Iyo 7:1-2

24Namni nyaatee, dhugee, wanta hojjetettis gammaduun isaaf gaarii dha mitii ree>> Kunis immoo harka Waaqayyoo keessaa akka dhufu nan arge; 25Waaqayyo biraa yoo ta'e malee, eenyutu nyaachuu yookiis gammaduu danda'a ree*>> 26Waaqayyo nama isa duratti gaarii ta'eef ogummaa, beekumsa, gammachuus in kenna; isa namni cubbamaan walitti qabee tuule garuu, Waaqayyo nama isa duratti gaarii ta'eef akka inni kennu in godha; kunis immoo wanta waa'ee hin baafnee dha, akka nama qilleensa ari'uu tis*.#24-25 3:12-13,22; 5:17-18; 8:15; 9:7-9 26 Iyo 27:16-17; Fak 13:22

Currently Selected:

Macaafa Lallabaa 2: MacQul

Highlight

Copy

Compare