Macaafa Lallabaa 1
1
Wanti Hundinuu Kan Waa'ee Hin Baafne Ta'uu Isaa
1Dubbiin kanatti aanee jiru kan ilma Daawit mootii Yerusaalem isa lallabichaa ti*.
2Lallabichi,
<<Wanti hundinuu
kan waa'ee hin baafnee dha,
waa'ee hin baasu! Dhuguma waa'ee hin baasu!>> jedhe*.#1 1:12; Fak 1:1 2 12:8; Far 39:5; 62:9
3Namni hojii isaa
isa aduu jalatti itti dadhabu hundumaaf,
bu'aa maalii argata*>>
4Dhaloonni tokko in darba,
dhaloonni biraas in dhufa;
lafti garuu yeroo hundumaaf dhaabatee in hafa*;
5biiftuun in baati, in lixxi,
iddoo dhufteettis in ariifatti,
deebitees in baati;
6qilleensi gara mirgaatti in qilleensa'a,
gara bitaattis in naanna'a;
naanna'ees gara dur dhufetti in deebi'a.
7Lagoonni hundinuus gara galaanaatti in yaa'u,
galaanichi garuu hin guutu;
lagoonni sunis gara dhufanitti in deebi'u,
achiis deebi'anii in yaa'u.#3 2:11,18-22; 3:9; 5:15 4 Far 90:3
8Wanti hundinuu
hamma namni isa dubbachuu dadhabutti,
nama dadhabsiisa;
iji argu hin quufu;
gurris dhaga'uudhaan hin guutu*;
9wanti dur ta'ee ture
ammas ta'uuf jira;
wanti dur godhamee ture,
ammas godhamuuf jira;
wanta aduu jala jiru keessaa
wanti haaraan tokko illee hin jiru.
10Wanti namni,
<<Ilaa! Wanta haaraa kana>> jechuu danda'u jiraa>>
Wanti kun baroota
warra bara keenya dura turan
keessa kan ta'ee dha;
11wanti darbe hin yaadatamu,
warri si'achi dhufanis
wanta ta'uuf jiru hin yaadatan.#8 Fak 27:20
12Ani lallabichi Yerusaalemitti
mootii Israa'elin ture*;
13ani wanta waaqa jalatti hojjetame hundumaa
ogummaadhaan qoree ilaaluudhaaf
itti nan yaade;
ilmaan namootaa akka
itti dhama'aniif
Waaqayyo hojii rakkisaa kana kenneef*.
14Ani wanta aduu jalatti hojjetame
hundumaa argeera,
kunoo, wanti hundinuu
waa'ee hin baasu,
akka nama qilleensa ari'uu tis*.
15Wanti micciiramaan
qajeeluu hin danda'u,
wanti hin jirres lakkaa'amuu hin danda'u*.#12 Fak 1:1 13 3:10; 8:16-17 14 2:11; 4:4 15 7:13; Fak 27:22
16Ani,<<Kunoo, ani warra ana dura
Yerusaalem irratti mootii turan hundumaa caalaa,
nama guddaa ta'eera,
ogummaas baay'ifadheera>>
jedhee garaa kootti nan yaade*.
17Ogummaa, maraatummaa, gowwummaas
gargar baasee beekuudhaaf
itti nan yaade,
kunis immoo akka nama qilleensa ari'uu
akka ta'e nan hubadhe*;
18ogummaa baay'ee keessa aarii guddaatu jira,
kan beekumsa dabalatus mataa dhukkubbii dabalata.#16 2:9; 1Mot 5:9-14 17 2:12; 8:16-17; 7:25
Currently Selected:
Macaafa Lallabaa 1: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
