Macaafa Amos Raajichaa 5
5
Yaada Garaa Akka Geddarataniif Waamuu Isaa
1Yaa warra biyya Israa'el, dubbii ani boo'aa isin irratti dubbachuuf ka'u kana dhaggeeffadhaa*!
2Israa'el isheen akka durbaa
lafa dhoofteetti,
deebitees hin kaatu;
biyya ofii ishee keessatti kuftee ciifti,
kan ishee kaasus hin jiru.
3Waaqayyo gooftaanoo,
<<Biyya Israa'el keessaa
mandarri tokko nama kuma,
duulatti yoo baase,
isaan keessaa namni dhibbi in hafaaf;
mandarri tokko immoo nama dhibba tokko duulatti yoo baase,
namni kudhan in hafaaf>> jedheera*.#1 5:16-17; His 28:12 3 6:9; Kes 28:62
4Waaqayyo, warra biyya Israa'eliin,
<<Ana barbaaddadhaa, jiraadhaas*!
5Iddoo sagadaaf beekaman
Bet'elin hin barbaadinaa!
Giilgalin hin dhaqinaa!
Bersheebaattis hin ce'inaa!
Warri Giilgal boojuutti in galu,
Bet'el gad deebitee
wanta waa'ee hin baafne
in taati>> jedha*.
6Egaa Waaqayyoon barbaaddadhaa,
jiraadhaas! Kanaa'achi inni akka ibiddaatti
mana Yoseef irra in bu'a, xaph in godhas;
Bet'el irraa kan dhaamsus hin argamu.#4 Er 29:13 5 4:5; 5:14-15
7Isin warra dhugaa namaa
dubbii hadhaa'aatti geddartanii,
qajeelinas lafatti gattaniif wayyoo*!
8Inni urjoota <<Torbii>> jedhaman,
urjoota <<Sadee>>
jedhamanis uume,
inni dukkana ifa ganamaatti diddiiru,
guyyaas dukkaneessee halkan godhu,
inni bishaan galaanaa waamee,
irra lafaatti lolaasus,
maqaan isaa Waaqayyoo dha*!
9Inni isa jabaa irratti badiisa in bobeessa,
masaraattis balleeffamuu in fida.#7 6:12; Isa 5:20; Mik 3:9 8 Iyo 9:9; 38:31; Amo 9:6
10Isin isa wal ga'ii karra dallaa keessatti
dhugaadhaaf falmuu in jibbitu,
nama dubbii hir'ina hin qabne dubbatus in ciiggaatu*.
11Isin nama dadhabaa
dhidhiittanii bulchitanii,
midhaan isaas karaa malee
waan irraa fudhattaniif,
dhagaa soofamaadhaan mana in ijaarrattu,
garuu keessa hin jiraattan;
iddoo dhaabaa waynii
ija namaa harkisus in qopheeffattu,
garuu daadhii waynichaa hin dhugdan!
12Isin warri nama qajeelaa cunqursitanii
gabbarsuus fudhattanii,
nama dhabes firdii
akka hin arganne gootan,
irra-daddarbaan keessan
attam akka baay'atu,
cubbuun keessanis attam akka guddatu ani beeka*!
13Kanaafis kun yeroo hamaa waan ta'eef,
namni hubataan yeroo akkasiitti calluma in jedha.#10 Isa 29:21 11-12 2:6-8; 8:4-6; Sef 1:13
14Isin akka jiraattanitti
wanta gaarii barbaadaa malee,
wanta hamaa gochuu hin barbaadinaa!
Yoos akkuma isin jettan in ta'a;
Waaqayyo gooftaan maccaas
dhuguma isinii wajjin in jiraata*.
15Wanta hamaa jibbaa,
wanta gaariis jaalladhaa!
Wal ga'ii karra dallaa keessatti
dhugaan jabaatee akka dhaabatu godhaa!
Yommus Waaqayyo gooftaan maccaa, sanyii Yoseef keessaa warra hafanitti
araara in argisiisa ta'a*.#14 Er 7:1-11 15 Far 34:14; Rom 12:9
16Amma garuu Waaqayyo
gooftaan maccaa gooftichi,
<<Wal ga'ii karaa
hundumaa irratti in boo'u,
karaa jiru hundumaa irrattis,
wayyoo! wayyoo! in jedhu;
warra qotiisa qotan gaddaaf,
boossiftuus boo'ichaaf in waamu.
17Iddoo dhaabaa waynii hundumaatti iyyuu
boo'ichi in ta'a;
ani isin adabuudhaaf isin gidduu
waanan darbuuf kun hundinuu
isinitti in dhufa>> jedhe;
inni kana dubbate Waaqayyoo dha*.#16-17 5:1; Er 9:16-21
Gar-Malee Amanachuu Israa'el
18Isin warra guyyaa Waaqayyoo
hawwaan eeggattaniif wayyoo!
Guyyaan Waaqayyoo maal isiniif godha>>
Inni isiniif dukkanaa'aa dha malee
ifaa miti!
19Akka nama leenca jalaa utuu baqatuu
amaaketi itti dhufutti,
isa jalaa ba'ees manatti galee
keenyan yommuu qabatu
bofni harka isaa iddu in taatu.
20Guyyaan Waaqayyoo sun ifaa utuu hin ta'in
dukkanaa'aa dha mitii ree>>
Innoo duumessaa'aa dha aduus hin qabu*.#18-20 Yoe 2:1-11; 3:14-16; Sef 1:2-18; Mil 3:2-5; Er 48:43-44
21Waaqayyo,
<<Ani ayyaana ayyaaneffachuu keessan nan jibbe,
waa'ee isaas nan dhiise,
wal ga'iin keessanis
anatti in ajaa'e.
22Qalma gubamuu fi kennaa midhaanii
anaaf yoo dhi'eessitan iyyuu
ani itti hin gammadu;
horii coccoomoo
qalma galataaf dhi'eessitanis
ani hin ilaalu.
23Iyya faarfannaa keessanii ana irraa fageessaa!
Sagalee maseenqoo keessaniis
ani dhaga'uu hin barbaadu.
24Qooda kanaa bulchi qajeelaan
akka bishaaniitti,
qajeelummaanis akka laga
yeroo hundumaa yaa'uutti haa burqu*!#21-24 Isa 1:10-20
25<<Yaa warra Israa'el,
yeroo lafa onaa keessa
waggaa afurtama turtan,
qalma, kennaas
anaaf dhi'eessitaniittu moo ree*>>
26Ammas isin waaqayyolii tolfamoo keessan
<<Saakuut>> isa akka mootiitti fudhattan,
<<Kiiyoon>> isa bifa urjii
laattaniifii itti sagaddan
ol fudhattanii in baadhattu.
27Kanaaf ani biyyaa isin baasee
mandara Damaasqoo garasitti boojuutti
isin nan dabarsa>> jedhee dubbateera;
inni immoo maqaan isaa
Waaqayyo gooftaa maccaa ti*.#25 Er 7:21-23 27 6:7; 9:4; 2Mot 17:6
Currently Selected:
Macaafa Amos Raajichaa 5: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
