Macaafa Amos Raajichaa 6
6
Sobaan Of Jajjabeessanii Gad-Dhiisatti Jiraachuu Warra Gurguddootaa
1Isin gurguddoonni saba
isa saba warra kaan irra caalu,
warri namoonni Israa'el
gorsaaf gara keessan dhufanii,
isin Xiyoon keessa yaaddoo tokko malee,
tulluu Samaariyaa gubbaas
homtuu hin jiru jettanii
amanattanii in jiraattu;
garuu isin warra akkasii kanaaf wayyoo!
2Darbaa mandara Kaalnee ilaalaa!
Achii immoo gara mandara Haamaat
ishee guddittii dhaqaa!
gara mandara biyya Filiisxiyaa
gara Gaatitti gad bu'aa;
isaan mootummoota
warra kan keessanii irra in wayyuu ree>>
Yookiis biyyi isaanii biyya keessan irra in bal'ataa ree*>>
3Isin guyyaa hamaa
achi fageessuu in yaaddu,
wanti humnaan nama irratti dhufu garuu
akka dhi'aatu in gootu*.#2 Uma 10:10; Isa 10:9-10 3 9:10; Far 10:4
4Isin siree ilka arbaa irra ciiftanii,
iddoo ciisicha keessanii irras
isinitti tolee in diriirfattu;
hoolota keessaa warra xoxobbee,
tuntunoo keessaas
warra coccoomoo in nyaattu;
isiniif wayyoo*!
5Isin sagalee maseenqootiin
waan waa'ee hin baafne in weeddiftu,
Daawitin fakkaachuufis
mi'a ittiin weeddisan in baaftu;
6isin daadhii waynii soondoodhaan dhuguuf,
dibata isa keessaa caalu
dibachuu malee,
badiisa sanyii Yoseef irratti
dhufuuf jiruuf hin gadditan*.
7Kanaafis isin warra booji'aman
dura buutanii
gara booji'amuu in dhaqxu,
inni isin nyaattanii dhugdanii,
isinitti tolee iddoo ciisicha keessanii irra
diriirfattanis in hafa.#4 3:12 5-6 Isa 5:11-12; Amo 2:8; 4:1
Israa'el Yakka Isaatiin Balleeffamuu
8Waaqayyo gooftaan ofii isaatiin kakatee,
<<Of gurguddisuu sanyii Yaaqoob
ijaan ilaaluu na jibbisiise,
manneetii isaanii warra jajjaboo nan jibbe,
mandarattii, waan ishee
keessa guutes dabarsee
nan kenna>> jedhee dubbateera
Waaqayyo gooftaan maccaa*.#8 3:15; Isa 2:11-12
9Namni kudhan hafanii mana tokko keessa
yoo jiraatan iyyuu, isaanis in du'u.
10Egaa aantiin namicha du'ee
reeffa isaa gubuudhaaf,
mana keessaa gad in baasa;
yommus isa gola manichaa
keessa jiruun,
<<Kan biraa si bira jiraa?>> in jedhaan;
inni garuu,<<Tokko iyyuu hin jiru>>
jedhee in deebisa;
namichis,<<Maqaa Waaqayyoo
akka hin yaadannetti
mee hin dubbatin!>> in jedha*.
11Kunoo! Waaqayyo akkas in godha;
inni in abbooma,
manni guddaan in hunkutaa'a,
manni xinnaanis in hurraa'a.#10 8:3
12Fardeen dhagaa kakattaa irra in fiiguu ree>>
Namni qotiyyoodhaan galaana in qotaa ree>>
Isin garuu wanta qajeelaa
ta'ee fudhatame
wanta hadhaa ta'utti,
qajeelina hadhooftuutti geddartaniittu*.
13Isin warri mandara Lodbaar
ishee<<Waan tokkotti hin galle>> qabachuutti gammaddanii,
<<Jabina keenyaan mandara Karnaayim
ishee<<Gaanfee>> jedhamtus fudhanne>>
jettanii of jajattaniittu*!
14Waaqayyo gooftaan maccaa immoo,
<<Yaa mana Israa'el,
kunoo ani saba tokko sitti nan kaasa,
inni immoo karaa mandara Haamaat
isa gara bitaatii jalqabee
hamma dachaa lafa duwwaa
isa gara mirgaattis si cunqursuuf jira>>
jedhee dubbateera*.#12 5:7 13 Kes 8:17; Hos 1:7 14 2Mot 17:5-6
Currently Selected:
Macaafa Amos Raajichaa 6: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
