Macaafa Amos Raajichaa 4
4
Dubartoota Mandara Samaariyaa Irratti Dubbachuu Isaa
1Isin yaa giiftolii,
warra akka saawwan biyya Baashaan
tulluu Samaariyaa irratti gabbattanii,
warra dadhaboo immoo cunqursitanii,
warra wanta barbaachisaa dhaban caccabsitanii,
abboota manaa keessaniin
<<Dhugaatii as fidaa,
in dhugnaa!>> jettanii,
dubbii kana dhaga'aa*!
2Waaqayyo gooftaan
qulqullummaa isaatiin kakatee,
<<Kunoo! Guyyaan itti hokkoodhaan
isin harkisanii,
warra isin booddees
hokkoo qurxummiitiin baasan in dhufa.
3Adduma addaan qaawwa dallaa
fuula keessan dura jiru
keessa in baafamtu,
gara tulluu Hermoonittis
in daddarbatamtu>> in jedhe;
Waaqayyo kana dubbateera.#1 His 39:18
Warri Israa'el Cubbuu Irraa Deebi'uu Diduu Isaanii
4<<Bet'el iddoo itti sagadan dhaqaa,
irra-daddarbaa keessanis ittuma dabalaa!
Giilgal iddoo sagadaa isa kaanittis
irra-daddarbaa keessan ittuma baay'isaa!
Borumtaa qalma aarsaa,
guyyaa sadaffaattis
kudhan keessaa tokko dhi'eessaa*!
5Mee buddeena bukaa'aa irraa iyyuu
aarsaa galataa dhi'eessaa,
jaalala keessaniin aarsaa dhi'eessuu keessan
mul'isaa beeksisaa!
Akkas gochuu in jaallattu'o,
yaa namoota Israa'el>>
jedhee dubbateera Waaqayyo gooftaan*.#4 Hos 12:12; Kes 14:28; Hos 4:15 5 Lew 2:11; Amo 5:4-5
6<<Mandara keessan hundumaa keessatti
wanti afaanitti deebifattan
akka hin argamne,
iddoo jirtan hundumaattis
buddeenni akka dhabamu anatu godhe;
kanuma irratti iyyuu
isin gara kootti hin deebine>>
jedhee dubbateera Waaqayyo.
7<<Midhaan sassaabuuf ji'i sadii
hafee utuu jiruu,
bokkaa isin nan dhowwadhe;
mandara isa tokkotti bokkaan akka roobu,
mandara isa kaanitti immoo
akka hin roobne nan godhe;
maasii isa tokkotti bokkaan in roobe,
maasiin inni bokkaa dhabe immoo in goge.
8Kanaaf namoonni
mandara lama sadii,
bishaan dhuguudhaaf
gara mandara isa tokkootti tiratan;
haa ta'u iyyuu malee dheebuu ba'uu hin dandeenye;
kanuma irratti iyyuu isin
gara kootti hin deebine>>
jedhee dubbateera Waaqayyo*.#7-8 1Mot 17:1; Yoe 1:17-20
9<<Waagiidhaa fi gogiidhaan isin nan rukute,
lafa isin biqiltuu dhaabbattan,
dhaabaa waynii keessanis nan gogse,
harbuu keessanii fi ejersa keessan
hawaannisatu nyaatee fixe;
kanuma irratti iyyuu isin gara kootti hin deebine>>
jedhee dubbateera Waaqayyo*.
10<<Dha'icha sanyii isa
biyya Gibxii keessatti ta'e
isin irratti nan erge;
dargaggoota keessan billaadhaan nan ajjeesise,
fardeen keessanis nan boojisiise;
raqni iddoo buufata keessaniis
funyaan akka isin rukutu nan godhe;
kanuma irratti iyyuu isin gara kootti hin deebine>>
jedhee dubbateera Waaqayyo*.#9 Kes 28:21-22; Hag 2:17; Yoe 1:4 10 Bau 11:4-5; 12:29; 9:3
11<<Ani Waaqayyo,
Sodoomii fi Gomoraa
akkuman barbadeesse,
isin keessaas
akkasuma nan barbadeesse;
isin akka mukukkula
ibidda boba'aa jiru keessaa
butamee taatan;
kanuma irratti iyyuu isin gara kootti hin deebine>>
jedhee dubbateera Waaqayyo*.#11 Uma 19:24-25
12<<Kanaafis ani kana si irratti nan raawwadha,
yaa Israa'el!
Ani kana si irratti waanan raawwadhuuf,
ati immoo achuma dhaabadhuu
Waaqayyo kee eegi,
yaa Israa'el!>> jedha gooftichi.
13Kunoo! Inni tulloota tolche,
inni qilleensa uume,
inni wanta yaada isaa keessa jiru namatti beeksisu,
inni barii ganamaas dukkana godhu,
inni lafa ol jedhaa
gara irraa adeemu,
maqaan isaa Waaqayyo gooftaa maccaa ti*!#13 5:8-9; 9:5-6; Mik 1:2-3
Currently Selected:
Macaafa Amos Raajichaa 4: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
