Macaafa Amos Raajichaa 3
3
Warri Fo'aman Iyyuu Adabamuu Isaanii
1Yommus raajichi,
<<Yaa namoota Israa'el,
dubbii Waaqayyoo isa inni isin irratti,
guutummaa saba inni ofii isaatii
biyya Gibxii baase irratti dubbate dhaggeeffadhaa*!
2Innoo,<<Saba lafa irraa hundumaa keessaa
ba'eessa godhee beekee isin duwwaa ofitti qabeera;
kanaafis ani yakka keessan hundumaa
isinitti nan ilaala>> jedheera>> jedhe*.#1 Bau 20:2 2 Bau 19:5; Kes 4:34
Waaqayyo Hojii Isaa Karaa Raajotaa Mul'isuu Isaa
3Namoonni lama walitti dhufanii
utuu waliif hin galin
walii wajjin dhimma tokkoof adeemuu ree>>
4Leenci yoo waa qabachuuf
utaale malee,
caakkaa keessaa aadee of dhageessisaa ree>>
Leenci saafelli
yoo waa hin qabanne ta'e,
mann'ee isaa keessaa sagalee isaa dhageessisaa ree>>
5Allaattiin waan isheen barbaaddu
kiyyoo keessa yoo jiraachuu dhabaate,
isa keessa galtii ree>>
Futtaasaan, wanti qabamu
utuu itti hin bu'in
lafaa futta'aa ree>>
6Fiinoon lolaa mandara keessatti
yeroo afuufamu
namoonni hin wareeranii ree>>
Utuu Waaqayyo biraa hin dhufin,
wanti hamaan
mandara tokko irra ga'aa ree*>>
7Waaqayyo gooftaan
murtoo isaa isa dhokatee jiru
hojjetoota isaa warra raajotatti
utuu hin mul'isin,
tokko illee hojii irra hin oolchu.
8Leenci in aada,
egaa eenyu ree kan hin sodaanne>>
Waaqayyo gooftaan in dubbachiisa,
egaa eenyu ree
raajii kan hin dubbanne*?#6 Isa 45:7; faaru 3:37-38 7-8 Uma 18:17; Er 20:7-9; 1Qor 9:16
Balleeffamuu Mandara Samaariyaa
(Amo 4:1-3; 6:1-7)
9Mana jajjaboo mandara Ashdood keessa,
mana jajjaboo biyya Gibxii keessas warra jiraataniin,
<<Tulloota naannoo Samaariyaa gubbaatti
walitti qabamaatii
raafama gurguddaa
namoota ishee gidduutti ta'uu fi
cunqurfamuu ishee keessatti
ta'u ilaalaa!>>
jedhaatii dhageessisaa!
10<<Isaan wanta qajeelaa
akka itti hojjetan hin beekan;
wanta humnaan nama irratti ka'anii
saamanii argatan
manneetii isaanii warra jajjaboo keessa
tuullatan>> jedha Waaqayyo.
11Sababii kanaaf Waaqayyo gooftaan,
<<Diinni biyyicha in marsa,
aangoo kees in cabsa;
manneetiin kee warri jajjaboonnis in saamamu>> jedha.
12Waaqayyo,<<Akkuma tiksituun
horii leenci qabatu irraa
kottee lama
yookiis cittuu gurraa
buufatee dhi'eessu,
hafteen namoota Israa'el
warra Samaariyaa keessa
afata gaggaarii irratti
aara-galfachuudhaan
itti tolee jiraataniis
akkasuma in ta'a>> jedha*.#12 Bau 22:12
13Waaqayyo gooftaan maccaa akka jedhu!
<<Dhaggeeffadhaa, sanyii Yaaqoobis gorsaa!
14Guyyaa ani irra-daddarbaa
Israa'el ilaalutti,
iddoo aarsaa mandara Bet'el diiguudhaaf nan dhufa;
gaanfonni iddoo aarsaas
muramanii lafa in bu'u*.
15Mana yeroo qorraa keessa taa'anii fi
mana yeroo bonaa keessa taa'an nan jijjigsa,
manneetiin ilka arbaatiin miidhagfamanis
iddoodhaa in badu,
manneetiin warri jajjaboonnis
deebi'anii hin argaman>> jedha;
Waaqayyo kana dubbateera*.#14 1Mot 12:32; 2Mot 23:15 15 5:11-12; 6:8,11; 1Mot 22:39; Far 45:8
Currently Selected:
Macaafa Amos Raajichaa 3: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
