Moa Tïïc Nyïïatwieli 22
22
1«Nyïïmera ki wëëga, wïnynyu mara noo caana jïïu en.»
2'Ba kanya wïnyge gø ni eni cäänö ka geni ki dhi Ibaru, gena put lïŋŋe døøc.
Ni ö Pøølli ni kööe, 3ni «Aana ŋat Juuth, naa nywølla Tarca yi Cilicia. 'Ba a piitha paani en, ni aano pwönynyö cer Gameeliel ki pwöc mo teek kiper ciik Jwøk mar kwäyø, ni cwïnya wø caya Jwøk kaawat man tïïyu dïcäŋi en. 4Ni gëëma ki Jöör Lam manøgø, naa nääö ki jiy, naa töö ni kïtha geni øt twöc, ni beege cwøw ki mään bëët. 5Ni manøgø ŋäc Kwääy Lammi Mana Dwøŋ ki jaae bëët moa en dï jiy. Ni bee geni na lwøra weeli baŋge moa göörge baŋ nyïïmëëkge moa en Damacka, ni cøøa kuna øømma jø wø caath køør Jöör Lam manøgø, nee ge käla yi Jerucalem ni geno twöö, nee ge jääl.
Kanya Ö Pøølli Na Køp Gïna Pïï Dëëre Jöör Damacka
6«'Ba yi wääth mara na aa, na tïm kara ni cään ki Damacka ki dïcäŋ, tar mo dwøŋ mo ööi ki maal aput rieny bääta. 7Ni pädha ni wïnynya dwøl mo cäänö ka aani, ni ‹?Cøøl, Cøøl, aŋø ni gëëmï ki aani en?›
8«'Ba aana köö, ni ‹?Ïïna ŋa, Kwäärö?›
«Ni kööe jïra, ni ‹Aana Jecu nyï Nadhareth ni gëëmï ki gø enø.› 9'Ba jøøa en buuta, tar manøgø aneenge, 'ba dwør ŋata cäänö ki aani, kärge wïnynyö.
10«Ni kööa, na ‹?Agïnaŋø noo tïïa, Kwäärö?›
«Ni kö Kwäärö ki aani, ni ‹Ö maal ni ciï Damacka. Gïno tïïyï ocaan jïrï kaace.› 11'Ba na tïma naa ba nëënö kiper tayøgøøni na tar døc, jøøa öö ki aani aana piecge ki cera, ni kïthge aani yi Damacka.
12«'Ba nyen mør mo nyeŋŋe Ananaya aö baŋa, ŋat mo cwïnye ena køør Jwøk kaawat man wø caani ri ciik Jwøk, ni wø pwøc jø Juuthi bëët mo wø bëëdö kaace. 13Ni ö eni ni cuŋŋe buuta, ni kööe jïra, ni ‹Cøøl, coka, nyeŋŋï døøge karge!› 'Ba yi caannøce kiree nyeŋŋa aput døø karge, ni neena eni. 14Ni kööe, ‹Jwø kwäyø ïïna jiere ki man ŋäyï mana manynye, ni neenï ŋata mare beer, ni wïnynyï dwøl mana öö ki dhee. 15Kiper ïïno tïmö ni ïïna lïŋi kipere jï jiy bëët, kiper gïna neeni na wïnynyï. 16?'Ba kawaane agïnaŋø ni koorï? Ö maal, niï lwøk na nyuudhi, niï penya raayï wøk, niï cwøla nyeŋŋe.›
Kanya Ö Pøølli Na Køp Luum Jääŋŋö Mare Baŋ Juurre
17«'Ba køøre na nø duua yi Jerucalem, dïcäŋ aciel naa lämö Øt Jwøk Mana Dwøŋ, gïn mo keda lääk aö wïïa. 18Ni neena Jecu ni kööe ki aani, ni ‹Ö maal ni laarï aa wøk ki yi Jerucalem, kiper ge ba maar jïëy ki marï na diï caanø kipera.›
19«'Ba aana köö, ni ‹Kwäärö, geni ki dëëtge ŋäcge ni ki yïth uut acook lam bëët aana wara töö ni pwöda jøøa näk ojïëy ni ŋääthge ïïni. 20Ni këël kanya ö rem lïŋi marï ma Ectipen na kønynyi piny, a cuŋŋö kaace thuwø, ni aano jïëy ki mana tïïcge, naa koora abïïk jøøa 'näk gø.›
21«'Ba ena köö ki aani, ni ‹Tïŋŋï, kiper ïïno jääŋŋa kany mo bäär baŋ juurre.› »
Kanya Mak Pøøl
22'Ba kanya poot Pøølli ni luum juurre poot käre caanø, lwaak ïthge ege ciiø jïgø. 'Ba kanyøgø döötge atïŋge maal, ni köge, ni «Aayï ki teeŋ ŋat ma enøgønø nee tïme ni tøør bäät piny! 'Nägï, kiper ba doo beer ki man kwøe!»
23'Ba kanya rëëtge, ni ge kiinynya abïïkge ni tør jøøpge maal, 24kwääy dïkuye acïpö ki dwøl, ni Pøøl kïth kar dïkuye, ni caan gø ni eni doo tetø ki pöödö, nee tier gïna rëët jøøgø na enøgønø kipere nee joot. 25'Ba na nø twöcge gø ki kaae, Pøøl aköö jï kwääy dïkuye ma dïpa mo cuŋŋa buute, na «?Aŋø, beer jïrï ki man pwötï ŋat ma o thwønh Röm, ni luumme poot kär ŋøl piny?»
26'Ba na ö kwääy dïkuye ma dïpa na wïny gïnögø, ena ci baŋ kwääy dïkuye mana dwøŋ ni kööe jïgø, na «?Agïnaŋø ni tïïyï en? Kiper nyenøgø ena o thwønh Röm.»
27Kanyøgø kwääya dwøŋ aöö ni kööe jïgø, ni «?Caanï jïra, ïïna o thwønh Röm møn?»
Ni kööe, ni «Yaa.»
28Ni dwøgi ya kwääya dwøŋŋi, ni «Aani, thwønh paac manøgø ŋeea ka jammi mo thööth.»
'Ba Pøøl aköö, «'Ba aani, a nywöli ni aana o thwønh Röm.»
29Kanyøgønø, jøøa doo tet eni gena put keethø buute. Ni ö kwääya dwøŋŋi thuwø ni lwäye, kiper na joot gø ni Pøøl a o thwønh Röm, ni ee nø twöc.
Kanya Kïth Pøøl Nyïm Kwääc Løøe
30'Ba na tïme na aruunnø man, ni kwääy dïkuye manynya man ŋäc tier luubö na adïëri kiper gïna caan jø Juuthi dëër Pøøl, Pøøl apäde, ni cïpe ki dwøl jï kwääc laam ki kwääc løøe bëët nee rege cooŋge. Ni käl Pøøl baŋge ni cïp gø nyïmge.
Currently Selected:
Moa Tïïc Nyïïatwieli 22: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Moa Tïïc Nyïïatwieli 22
22
1«Nyïïmera ki wëëga, wïnynyu mara noo caana jïïu en.»
2'Ba kanya wïnyge gø ni eni cäänö ka geni ki dhi Ibaru, gena put lïŋŋe døøc.
Ni ö Pøølli ni kööe, 3ni «Aana ŋat Juuth, naa nywølla Tarca yi Cilicia. 'Ba a piitha paani en, ni aano pwönynyö cer Gameeliel ki pwöc mo teek kiper ciik Jwøk mar kwäyø, ni cwïnya wø caya Jwøk kaawat man tïïyu dïcäŋi en. 4Ni gëëma ki Jöör Lam manøgø, naa nääö ki jiy, naa töö ni kïtha geni øt twöc, ni beege cwøw ki mään bëët. 5Ni manøgø ŋäc Kwääy Lammi Mana Dwøŋ ki jaae bëët moa en dï jiy. Ni bee geni na lwøra weeli baŋge moa göörge baŋ nyïïmëëkge moa en Damacka, ni cøøa kuna øømma jø wø caath køør Jöör Lam manøgø, nee ge käla yi Jerucalem ni geno twöö, nee ge jääl.
Kanya Ö Pøølli Na Køp Gïna Pïï Dëëre Jöör Damacka
6«'Ba yi wääth mara na aa, na tïm kara ni cään ki Damacka ki dïcäŋ, tar mo dwøŋ mo ööi ki maal aput rieny bääta. 7Ni pädha ni wïnynya dwøl mo cäänö ka aani, ni ‹?Cøøl, Cøøl, aŋø ni gëëmï ki aani en?›
8«'Ba aana köö, ni ‹?Ïïna ŋa, Kwäärö?›
«Ni kööe jïra, ni ‹Aana Jecu nyï Nadhareth ni gëëmï ki gø enø.› 9'Ba jøøa en buuta, tar manøgø aneenge, 'ba dwør ŋata cäänö ki aani, kärge wïnynyö.
10«Ni kööa, na ‹?Agïnaŋø noo tïïa, Kwäärö?›
«Ni kö Kwäärö ki aani, ni ‹Ö maal ni ciï Damacka. Gïno tïïyï ocaan jïrï kaace.› 11'Ba na tïma naa ba nëënö kiper tayøgøøni na tar døc, jøøa öö ki aani aana piecge ki cera, ni kïthge aani yi Damacka.
12«'Ba nyen mør mo nyeŋŋe Ananaya aö baŋa, ŋat mo cwïnye ena køør Jwøk kaawat man wø caani ri ciik Jwøk, ni wø pwøc jø Juuthi bëët mo wø bëëdö kaace. 13Ni ö eni ni cuŋŋe buuta, ni kööe jïra, ni ‹Cøøl, coka, nyeŋŋï døøge karge!› 'Ba yi caannøce kiree nyeŋŋa aput døø karge, ni neena eni. 14Ni kööe, ‹Jwø kwäyø ïïna jiere ki man ŋäyï mana manynye, ni neenï ŋata mare beer, ni wïnynyï dwøl mana öö ki dhee. 15Kiper ïïno tïmö ni ïïna lïŋi kipere jï jiy bëët, kiper gïna neeni na wïnynyï. 16?'Ba kawaane agïnaŋø ni koorï? Ö maal, niï lwøk na nyuudhi, niï penya raayï wøk, niï cwøla nyeŋŋe.›
Kanya Ö Pøølli Na Køp Luum Jääŋŋö Mare Baŋ Juurre
17«'Ba køøre na nø duua yi Jerucalem, dïcäŋ aciel naa lämö Øt Jwøk Mana Dwøŋ, gïn mo keda lääk aö wïïa. 18Ni neena Jecu ni kööe ki aani, ni ‹Ö maal ni laarï aa wøk ki yi Jerucalem, kiper ge ba maar jïëy ki marï na diï caanø kipera.›
19«'Ba aana köö, ni ‹Kwäärö, geni ki dëëtge ŋäcge ni ki yïth uut acook lam bëët aana wara töö ni pwöda jøøa näk ojïëy ni ŋääthge ïïni. 20Ni këël kanya ö rem lïŋi marï ma Ectipen na kønynyi piny, a cuŋŋö kaace thuwø, ni aano jïëy ki mana tïïcge, naa koora abïïk jøøa 'näk gø.›
21«'Ba ena köö ki aani, ni ‹Tïŋŋï, kiper ïïno jääŋŋa kany mo bäär baŋ juurre.› »
Kanya Mak Pøøl
22'Ba kanya poot Pøølli ni luum juurre poot käre caanø, lwaak ïthge ege ciiø jïgø. 'Ba kanyøgø döötge atïŋge maal, ni köge, ni «Aayï ki teeŋ ŋat ma enøgønø nee tïme ni tøør bäät piny! 'Nägï, kiper ba doo beer ki man kwøe!»
23'Ba kanya rëëtge, ni ge kiinynya abïïkge ni tør jøøpge maal, 24kwääy dïkuye acïpö ki dwøl, ni Pøøl kïth kar dïkuye, ni caan gø ni eni doo tetø ki pöödö, nee tier gïna rëët jøøgø na enøgønø kipere nee joot. 25'Ba na nø twöcge gø ki kaae, Pøøl aköö jï kwääy dïkuye ma dïpa mo cuŋŋa buute, na «?Aŋø, beer jïrï ki man pwötï ŋat ma o thwønh Röm, ni luumme poot kär ŋøl piny?»
26'Ba na ö kwääy dïkuye ma dïpa na wïny gïnögø, ena ci baŋ kwääy dïkuye mana dwøŋ ni kööe jïgø, na «?Agïnaŋø ni tïïyï en? Kiper nyenøgø ena o thwønh Röm.»
27Kanyøgø kwääya dwøŋ aöö ni kööe jïgø, ni «?Caanï jïra, ïïna o thwønh Röm møn?»
Ni kööe, ni «Yaa.»
28Ni dwøgi ya kwääya dwøŋŋi, ni «Aani, thwønh paac manøgø ŋeea ka jammi mo thööth.»
'Ba Pøøl aköö, «'Ba aani, a nywöli ni aana o thwønh Röm.»
29Kanyøgønø, jøøa doo tet eni gena put keethø buute. Ni ö kwääya dwøŋŋi thuwø ni lwäye, kiper na joot gø ni Pøøl a o thwønh Röm, ni ee nø twöc.
Kanya Kïth Pøøl Nyïm Kwääc Løøe
30'Ba na tïme na aruunnø man, ni kwääy dïkuye manynya man ŋäc tier luubö na adïëri kiper gïna caan jø Juuthi dëër Pøøl, Pøøl apäde, ni cïpe ki dwøl jï kwääc laam ki kwääc løøe bëët nee rege cooŋge. Ni käl Pøøl baŋge ni cïp gø nyïmge.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia