Moa Tïïc Nyïïatwieli 23
23
1'Ba Pøøl nyeŋ kwääc løøe aneene ni ee kemø, ni kööe, ni «Nyïïmera, aana bëëdö nyïm Jwøk ki cwïny mo leer bäre këël dïcäŋi en.» 2'Ba Kwääy Lam Mana Dwøŋ ma Ananaya acïpö ki dwøl jï jøøa cuŋŋö buut gø, ni eni dhööŋ ki dhee. 3Kanyøgø Pøøl aköö jïre, ni «Ïïno dhööŋ Jwøki, ï na caal dëër øtø mo orwødhø ki booya mo tar. Ïïno pï piny kaagø, niï ŋøla luubö mara piny ki køør ciik Jwøk. ?Aŋø, ï doo köö naa dhööŋ, niï raanynya ciik Jwøk?»
4'Ba jøøa cuŋŋö buute gena köö, na «?Aŋø, ï doo cäänö ki luubö mo raac jï Kwääy Lam Mana Dwøŋ mar Jwøk?»
5'Ba adwøk Pøølli, ni «Kuua cøøn, nyïïmera, ni ena Kwääy Lam Mana Dwøŋ. Kiper ogöörö, ni ‹Ï ba doo cäänö ki gïn mo raac dëër kwääy pou.› »#Bwøth Wøk 22:27
6'Ba na jooti ya Pøølli ni jø møøk a jø Cajucith, ni jø møøk a jø Paricith, ena köök døc nyïm kwääc løøe ni kööe, ni «Nyïïmera, aana ŋat Paricith, ni aana wäät jø Paricith, ni beeye kiper ŋäädhe mar duun wøk ki yi thøø ni tïm løøki ni dagø bääta en.» 7'Ba na nø caan gïnögø, pïëm mo dwøŋ atägö yïthakic jø Paricith ki jø Cajucith. Ni ö acooŋa manøgø ni pääŋ ree. 8Kiper jø Cajucith wø köö, ni bäŋ duun wøk køør thøø, ni bäŋ nyïïatwiel maal, wala jwïëy. 'Ba jø Paricith gïïögø ege jïëö bëët.
9Kanyøgø dïŋaŋ mo päl atägö yïthakicge. Ni ö dïpööye møøk mo ciik Jwøk dëët jø Paricith ni öge maal ni pïëmge, ni «Bäŋ gïn mo raac mo ewa joodø baŋ nyeni. ?Otïme nidïï ni näk mo eni cäänna jwïëy mør wala nyïïatwiel maal?» 10'Ba na tïm pïëmmi na dïŋaŋ mo dwøŋ døc, kwääy jø tøŋ alwäyö ni kanymør Pøøl cöötge cöötö na thäŋi, ni cïpe ki dwøl jï jø tøŋ nee cige ni kälge eni wøk ki teek dï lwaak ni dwøkge gø kar jø tøŋ.
11'Ba na tïme na wäär, Wuuö acuŋŋö buut Pøøl ni kööe, ni «Mak cwïnyï. Kiper gïra okøpï yi Röm thuwø, kaawat mana køpï gïra yi Jerucalem.»
Luumma Tuut Kiper Pøøl Nee 'Näk
12'Ba na tïme na amöölla, jø Juuth atudö ki luubö ni lamge røkge, ni ge ba cämö wala maath këël mano 'näkge Pøøl. 13'Ba jøøa tuut luummögø jïtö ki pïëraŋween ki wïthge. 14Ni cige baŋ kwääc laam ki jaae, ni köge, ni «Dëëtwa alamwa døc ni cam ba maarwa bel, këël mano 'näkwa Pøøl. 15Kiper manøgønø, uuni ki kwääc løøe bëët, cïpu ennø ki dwøl jï kwääy dïkuye, nee eni käl baŋu, keda u cäŋa luumme neennø døøc. 'Ba waani dëëtwa ewa nø jek ki man 'näkwa gø kanyo poode ni kär pïï buutu.»
16'Ba møør-piny marge awïny o cöök Pøølli, ni cøøe ni døny kar dïkuye ni caan gø jï Pøøl. 17Ni ö Pøølli ni cwöte ki dhaanhø aciel dëët kwääc dïkuye ma dïpa, ni kööe, ni «Kïth nyilaari baŋ kwääy dïkuye mana dwøŋ, kiper da gïn mo caane caanø jïgø.» 18Kanyøgø nyilaarøgø akäle ni kïth gø baŋ kwääy dïkuye mana dwøŋ, ni kööe, ni «Aana cwøl Pøølli manø no otwöö enø, ni kööm aani ni käla nyilaari baŋï, kiper da gïn mo caane caanø jïrï.» 19Kanyøgø cere amak kwääya dwøŋŋi ni pee gø kur keere, ni pëëny gø, na «?Agïnaŋø ni manynyï nee caanï jïra?» 20Ni kööe, ni «Jø Juuth gena tudö ki luubö niï pëënyge ki man kïthï Pøøl baŋge diøø nyïm kwääc løøe, kee ge manynya man cäŋge gø pëënynyö døøc nee mare cäŋge wïnynyö. 21'Ba kär niï jïëy ki luumge. Kiper da jiy røkge mo jïtö ki pïëraŋween ki wïthge, mo geno møør piny, ni ge koora Pøøl, ni rege ege lamø ni ge ba cämö wala maath këël mano 'näkge gø. 'Ba kawaane dëëtge ege jiiø, ni ge koora luummo caanï.» 22Kanyøgø nyilaal awëëk kwääy dïkuye wääth, ni kööm gø, ni «Kär dee ŋat mo caanï gø jïre ni gïnögø iï nø caan jïra.»
Kanya Jääŋ Pøøl Baŋ Pilik
23Kanyøgø kwäärö mana dwøŋ mar jø tøŋ kwääc jø tøŋ ariiø acwøle, ni kööe, ni «Kanyo tïme na caae abïŋween ki wäär,#23:23 Caae abïŋween manøgø beeye caae adäk ki kwäänö mar Ithiöpia. wäru lwötu ki jø tøŋ ma dïpe ariiø, ki jø wø cääthi ki bäät okwëënyi ma pïërabïriiø, ki jiy ma dïpe ariiø mo käära tøøŋi, nee cige këël mano pïïcge Cecaria. 24Ni cïpu ko okwëënyi nee Pøøl cäädhe ki bäätge thuwø, ni kïthu gø baŋ kwäärö ma Pilik ni you gwøø døøc.»
25Ni ö eni ni gööt baŋ Pilik ki wëëlö na ennø nø,
26«Aana Kalødia Licia ni göön baŋï en, ï na kwäärö ma Pilik.
«Ï na nyigwaak,#23:26 Nyigwaak beeye nyeŋ wödö kiper kwääri. a määtha ïïni.
27«Ŋati en amak jø Juuthi, ni dege gø nääö, 'ba bøth ka kany mo thiinh, 'ba aana ö baŋe ki dïkuye 'moa ni piemwa gø, kiper na jooda gø ni ena o thwønh Röm. 28'Ba kanya manynya man ŋääa tier luumma caange dëëre, ena kïtha nyïm kwääc løøe moge. 29Ni jooda gø ni ge cäänö ka gø kaper luup mo ena ri ciik Jwøk moge. 'Ba luupa caange dëëre paa gïï mo doo rømø ki thøø wala tööc. 30'Ba na wïnynya gø ni da luubö mo otuut jø Juuthi kipere nee eni 'näk, beeye ni puta gø jääŋ baŋï en, ni cïpa ki dwøl thuwø jï jøøa löö ki eni, nee gïna manyge nee caange dëëre caange nyïmï.»
31Kanyøgø jø tøŋ Pøøl akälge ni kïthge gø yi Antipatari ki wäär, kaawat mana caani jïge. 32'Ba na tïme na aruunnø, gena duu kar dïkuye, ni wecge jø wø cääthi ki bäät okwëënyi nee aacge ki gø. 33'Ba na pïïcge Cecaria ni cïpge wëëlö cer kwäärö ma Pilik, Pøøl akïthge nyïme thuwø. 34'Ba na nø kwaan wëëlö, Pøøl apëënynye, ni kööe, ni «?Ïïna dhaanh kwäänynye mane?» 'Ba na wïny gø ni eni käla Cilicia, 35ena köö, ni «Luummï owïnynya kanyo pïïc jøw olöö ki ïïni.» Ni cïpe ki dwøl, ni eni koor yi øt Eerat.
Currently Selected:
Moa Tïïc Nyïïatwieli 23: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Moa Tïïc Nyïïatwieli 23
23
1'Ba Pøøl nyeŋ kwääc løøe aneene ni ee kemø, ni kööe, ni «Nyïïmera, aana bëëdö nyïm Jwøk ki cwïny mo leer bäre këël dïcäŋi en.» 2'Ba Kwääy Lam Mana Dwøŋ ma Ananaya acïpö ki dwøl jï jøøa cuŋŋö buut gø, ni eni dhööŋ ki dhee. 3Kanyøgø Pøøl aköö jïre, ni «Ïïno dhööŋ Jwøki, ï na caal dëër øtø mo orwødhø ki booya mo tar. Ïïno pï piny kaagø, niï ŋøla luubö mara piny ki køør ciik Jwøk. ?Aŋø, ï doo köö naa dhööŋ, niï raanynya ciik Jwøk?»
4'Ba jøøa cuŋŋö buute gena köö, na «?Aŋø, ï doo cäänö ki luubö mo raac jï Kwääy Lam Mana Dwøŋ mar Jwøk?»
5'Ba adwøk Pøølli, ni «Kuua cøøn, nyïïmera, ni ena Kwääy Lam Mana Dwøŋ. Kiper ogöörö, ni ‹Ï ba doo cäänö ki gïn mo raac dëër kwääy pou.› »#Bwøth Wøk 22:27
6'Ba na jooti ya Pøølli ni jø møøk a jø Cajucith, ni jø møøk a jø Paricith, ena köök døc nyïm kwääc løøe ni kööe, ni «Nyïïmera, aana ŋat Paricith, ni aana wäät jø Paricith, ni beeye kiper ŋäädhe mar duun wøk ki yi thøø ni tïm løøki ni dagø bääta en.» 7'Ba na nø caan gïnögø, pïëm mo dwøŋ atägö yïthakic jø Paricith ki jø Cajucith. Ni ö acooŋa manøgø ni pääŋ ree. 8Kiper jø Cajucith wø köö, ni bäŋ duun wøk køør thøø, ni bäŋ nyïïatwiel maal, wala jwïëy. 'Ba jø Paricith gïïögø ege jïëö bëët.
9Kanyøgø dïŋaŋ mo päl atägö yïthakicge. Ni ö dïpööye møøk mo ciik Jwøk dëët jø Paricith ni öge maal ni pïëmge, ni «Bäŋ gïn mo raac mo ewa joodø baŋ nyeni. ?Otïme nidïï ni näk mo eni cäänna jwïëy mør wala nyïïatwiel maal?» 10'Ba na tïm pïëmmi na dïŋaŋ mo dwøŋ døc, kwääy jø tøŋ alwäyö ni kanymør Pøøl cöötge cöötö na thäŋi, ni cïpe ki dwøl jï jø tøŋ nee cige ni kälge eni wøk ki teek dï lwaak ni dwøkge gø kar jø tøŋ.
11'Ba na tïme na wäär, Wuuö acuŋŋö buut Pøøl ni kööe, ni «Mak cwïnyï. Kiper gïra okøpï yi Röm thuwø, kaawat mana køpï gïra yi Jerucalem.»
Luumma Tuut Kiper Pøøl Nee 'Näk
12'Ba na tïme na amöölla, jø Juuth atudö ki luubö ni lamge røkge, ni ge ba cämö wala maath këël mano 'näkge Pøøl. 13'Ba jøøa tuut luummögø jïtö ki pïëraŋween ki wïthge. 14Ni cige baŋ kwääc laam ki jaae, ni köge, ni «Dëëtwa alamwa døc ni cam ba maarwa bel, këël mano 'näkwa Pøøl. 15Kiper manøgønø, uuni ki kwääc løøe bëët, cïpu ennø ki dwøl jï kwääy dïkuye, nee eni käl baŋu, keda u cäŋa luumme neennø døøc. 'Ba waani dëëtwa ewa nø jek ki man 'näkwa gø kanyo poode ni kär pïï buutu.»
16'Ba møør-piny marge awïny o cöök Pøølli, ni cøøe ni døny kar dïkuye ni caan gø jï Pøøl. 17Ni ö Pøølli ni cwöte ki dhaanhø aciel dëët kwääc dïkuye ma dïpa, ni kööe, ni «Kïth nyilaari baŋ kwääy dïkuye mana dwøŋ, kiper da gïn mo caane caanø jïgø.» 18Kanyøgø nyilaarøgø akäle ni kïth gø baŋ kwääy dïkuye mana dwøŋ, ni kööe, ni «Aana cwøl Pøølli manø no otwöö enø, ni kööm aani ni käla nyilaari baŋï, kiper da gïn mo caane caanø jïrï.» 19Kanyøgø cere amak kwääya dwøŋŋi ni pee gø kur keere, ni pëëny gø, na «?Agïnaŋø ni manynyï nee caanï jïra?» 20Ni kööe, ni «Jø Juuth gena tudö ki luubö niï pëënyge ki man kïthï Pøøl baŋge diøø nyïm kwääc løøe, kee ge manynya man cäŋge gø pëënynyö døøc nee mare cäŋge wïnynyö. 21'Ba kär niï jïëy ki luumge. Kiper da jiy røkge mo jïtö ki pïëraŋween ki wïthge, mo geno møør piny, ni ge koora Pøøl, ni rege ege lamø ni ge ba cämö wala maath këël mano 'näkge gø. 'Ba kawaane dëëtge ege jiiø, ni ge koora luummo caanï.» 22Kanyøgø nyilaal awëëk kwääy dïkuye wääth, ni kööm gø, ni «Kär dee ŋat mo caanï gø jïre ni gïnögø iï nø caan jïra.»
Kanya Jääŋ Pøøl Baŋ Pilik
23Kanyøgø kwäärö mana dwøŋ mar jø tøŋ kwääc jø tøŋ ariiø acwøle, ni kööe, ni «Kanyo tïme na caae abïŋween ki wäär,#23:23 Caae abïŋween manøgø beeye caae adäk ki kwäänö mar Ithiöpia. wäru lwötu ki jø tøŋ ma dïpe ariiø, ki jø wø cääthi ki bäät okwëënyi ma pïërabïriiø, ki jiy ma dïpe ariiø mo käära tøøŋi, nee cige këël mano pïïcge Cecaria. 24Ni cïpu ko okwëënyi nee Pøøl cäädhe ki bäätge thuwø, ni kïthu gø baŋ kwäärö ma Pilik ni you gwøø døøc.»
25Ni ö eni ni gööt baŋ Pilik ki wëëlö na ennø nø,
26«Aana Kalødia Licia ni göön baŋï en, ï na kwäärö ma Pilik.
«Ï na nyigwaak,#23:26 Nyigwaak beeye nyeŋ wödö kiper kwääri. a määtha ïïni.
27«Ŋati en amak jø Juuthi, ni dege gø nääö, 'ba bøth ka kany mo thiinh, 'ba aana ö baŋe ki dïkuye 'moa ni piemwa gø, kiper na jooda gø ni ena o thwønh Röm. 28'Ba kanya manynya man ŋääa tier luumma caange dëëre, ena kïtha nyïm kwääc løøe moge. 29Ni jooda gø ni ge cäänö ka gø kaper luup mo ena ri ciik Jwøk moge. 'Ba luupa caange dëëre paa gïï mo doo rømø ki thøø wala tööc. 30'Ba na wïnynya gø ni da luubö mo otuut jø Juuthi kipere nee eni 'näk, beeye ni puta gø jääŋ baŋï en, ni cïpa ki dwøl thuwø jï jøøa löö ki eni, nee gïna manyge nee caange dëëre caange nyïmï.»
31Kanyøgø jø tøŋ Pøøl akälge ni kïthge gø yi Antipatari ki wäär, kaawat mana caani jïge. 32'Ba na tïme na aruunnø, gena duu kar dïkuye, ni wecge jø wø cääthi ki bäät okwëënyi nee aacge ki gø. 33'Ba na pïïcge Cecaria ni cïpge wëëlö cer kwäärö ma Pilik, Pøøl akïthge nyïme thuwø. 34'Ba na nø kwaan wëëlö, Pøøl apëënynye, ni kööe, ni «?Ïïna dhaanh kwäänynye mane?» 'Ba na wïny gø ni eni käla Cilicia, 35ena köö, ni «Luummï owïnynya kanyo pïïc jøw olöö ki ïïni.» Ni cïpe ki dwøl, ni eni koor yi øt Eerat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia