Moa Tïïc Nyïïatwieli 21
21
Kanya Ö Pøølli Na Cääth Jerucalem
1'Ba na nø pääwa ki geni ni tïŋwa ki jää naam, waana put pööth Køc. 'Ba na tïme na aruunnø man, waana pïï Röd. Køøre na jöökwa kunöce, waana pööth Patara. 2'Ba na nø jïtwa ki jääy mo ŋuta løø Pönicia, waana ci yie ni aacwa. 3'Ba na tïm Caypara ni nëënö, ni ewa wii bäät caam, waana ci Ciria, ni mäkwa piny Tayar. Kiper beeye kanya käl jammi wøk ki yi jääy. 4'Ba na nø jootwa kar bääŋi waana bëëdö kaace ki geni ki nïne abïriiø. Ni cäänge Pøøl ki køør Jwïëc Jwøk, ni köge, ni «Kärï ci Jerucalem.» 5'Ba kanya thum nïrögø, waana tïŋŋö ni cäŋwa døø ri wääth marwa. 'Ba geni bëët ki määrge ko obwöre, waana jiethge këël mana pïïcwa ŋää paac. Ni këëlwa cøŋwa piny lak ageela, ni lämwa, ni määthwa dëëtwa. 6Køøre waana ci yi jääy, ni døøge paac.
7'Ba na tïŋwa wääth ki Tayar, waana pïï Tølame, ni määthwa nyïïmëëe ni bëëtwa ki geni ki dïcäŋ aciel. 8'Ba na tïme na aruunnø man, waana tïŋŋö ni ciwa Cecaria ni dønywa øt Pilip, ŋat wø køp luum Jwøk na näk dhaanhø aciel dï Jøøa näk Abïriiø,#Moa Tïïc Nyïïatwieli 6:1-6 ni bëëtwa buute. 9'Ba jïre da nyïïe aŋween ma nyïïakuue mo poot kär nywømø, ni ge wø køpa gïï mo poot ena nyïm. 10'Ba kanya bëëtwa kaace ki nïne møøk, nyikuŋ Jwøk mør mo nyeŋŋe Agaba aöö ki yi Judia. 11'Ba na ö baŋwa, kaw mar Pøøl alwøre ni twöc tiete ki ceŋŋe keere ki gø, ni kööe, ni «Man beeye gïna caan Jwïëc Jwøki na en kur keere, ni ‹Wää kaw man en otwöc jø Juuthi mo wø en yi Jerucalem na ennø nø, ni cïpge gø ceŋ juurre.› » 12'Ba na wïnywa gïnögø, waani ki jøøa en kaace, Pøøl akwaacwa nee ba ci yi Jerucalem. 13'Ba Pøøl ajutö, ni kööe, na «?Agïnaŋø ni tïïyu enøgø, nou jwöŋö nou thääŋa cwïnya? Kiper yaa nø caar ni paa tööc keere, 'ba këël a doo thøw thuwø yi Jerucalem kiper nyeŋ Kwäärö ma Jecu, yia doo met.» 14'Ba na jootwa gø ni luumwa ba wïnynye, waana lïŋö, ni köwa, ni «Mana many Wuue, wëëk tïïc.»
15'Ba køør nïrögø dëëtwa ajiiŋwa ni ciwa Jerucalem. 16Ni ö bääŋi møøk mo käla Cecaria ni jiethge waani, ni ge kïtha wa po Manecan ma nyï Caypara, ŋat ma bääŋ mo okwøŋ jïëy cøøn, ni beeye ŋato bëëtwa buute.
Kanya En Pøølli Jerucalem
17'Ba kanya pïïcwa yi Jerucalem, waana pänh nyïïmëëe ki met ec. 18'Ba na tïme na aruunnø man, Pøøl aci øt Jeemeth ki waani. 'Ba jaak acooŋ Jwøk bëët ena kaace. 19'Ba na nø määthwa geni, Pøøl gïïa tïïc Jwøki dï juurre ki ree, apare jïge no oceele oceele. 20'Ba na wïnyge gø, Jwøk apwøcge. Ni köge ki eni, «Neenï nø, cöökwa, da jiy mo ojïëy dëët jø Juuth mo jïtö ki kume mo thööth, mo ge bëëdö ni cwïnyge caya ciik Jwøk døc. 21'Ba gïrï acaan jïge, ni jø Juuth bëët moa bëëdö dï juurre wø pwönynyï pwönynyö ki man wecge ciik Modhe, ni köömmï geni ni kär nyïïge daŋge, wala ki man gwøkge kööŋŋe moa cääŋŋe. 22?Agïnaŋø nø noo tïïc? Kiper wïnyge wïnynyö ni ïïna nø ö kany. 23Kiper manøgønø, tïïc gïno caanwa jïrï. Da jiy aŋween mo okööŋ dïwa. 24Käl jøøgøøni ni døøyï dëërï mo waany ki geni na aciel, ni coolï gweta dege cïbö, kiper nee wïthge gwäärge wøk.#21:24 Luummögø cäänö kaper kööŋ mar ŋat Nadhir, ni luumme di joodø yi wëël Kwään Jiy 6:1-21 Kanyøgø nø, oŋäc jøw bëëti ni gïïa caan jïge kiperï, bäŋ tietge, 'ba oŋäcge ni ïïni ki dëërï ï bëëdö ni ciik Jwøk iï gwøø. 25'Ba mar juurre moa näk ojïëy, waana nø jääk baŋge ki wëëlö kiper dwøna ŋølwa piny, ni ge doo bëëdö ni karge bäyö ki gïï mo onää jï juu, ki cam remø, ki gïn mo odeeø, ki käp.»
26'Ba na tïme na aruunnø man, Pøøl jøøgø na aŋween yøø akäle, ni døøc dëëre mo waany ki geni na aciel, ni ci Øt Jwøk Mana Dwøŋ kuna caan cäŋ mano thum nïr døøc dëël mo waany marge yie, ki kanyo cïp olämme kiperge bëët.
Kanya Mak Pøøl Øt Jwøk
27'Ba na tïm nïne moøgø na abïriiø ni karge cään ki thumö, jø Juuth moa öö ki Eecia, na neenge Pøøl yi kal mar Øt Jwøk Mana Dwøŋ, yïth jøøa thööth na en kaace bëët acoonge, ni makge Pøøl, 28ni ge rëëdö, ni «Jø Icriel, kunynyu! Ŋati en beeye nyena pwöny jiy bëët bäät piny bäre ki man taakge luup jø pøø, ki ciik Jwøk, ki Øt Jwøk marø man en, ni käl jø Gïrïïk yie thuwø, ni tïïc kany ni en kur keere na mar Jwøk en ni ba waany.» 29Kiper Taröpima nyï Epeca akwøŋge joot pääny ki eni na aciel, ni ege caarø ni eno käl Pøølli yi kal mar Øt Jwøk Mana Dwøŋ. 30Kanyøgø paac bäre apäy, ni ö jiyi bëët ni reŋge kanya ciel, ni makge Pøøl, ni peege gø wøk ki yi Øt Jwøk. Ni ö dhøk kiiri ni puti cïëgö. 31'Ba kanya tïmge ni ge caya man 'näkge Pøøl, awïny kwääy dïkuye, ni Jerucalem bäre atïmö ni döönni. 32Ni puti ya jø tøŋ käl ki kwääc lwaae, ni reŋge baŋ jiy. 'Ba jiy na raŋge kwääy jø tøŋ ki jø tøŋ, ceŋge awecge ri Pøøl ki pöödö. 33Kanyøgø kwääy dïkuye acøø ni mak gø, ni cïpe ki dwøl, ni eni twöc ko oguudi ariiø. Ni pëëe, ni ena ŋa, na agïnaŋø na tïïe. 34'Ba jø møøk dï lwaaøgø rëëdi ni ge cara luup ma teeŋi. 'Ba na tïme ni tier luubö ba maar kwany kiper dïŋaŋ, ena cïpö ki dwøl ni Pøøl kïth kar dïkuye. 35'Ba na iith thudhi mana en dhi øtø, Pøøl atïŋ jø tøŋŋi ni käärge gø, kiper gootø mar lwaaøgø. 36Kiper lwaak cäädhi ni ge rëëdö køøre, ni «'Nägï! 'Nägï!»
Kanya Ö Pøølli Na Piem Ree
37'Ba kanya ö Pøølli na tïme ni eni kïtha kar dïkuye, ena köö jï kwääy dïkuye, ni «?Løny ki man caana gïn mør jïrï?»
'Ba kwääy dïkuye aköö, na «?Aŋø, dhi Gïrïïk ŋäyï? 38?Ï paa nyï Ijep cøøn, na coon yïth jiy ya awääre maya, na bwøth dïnäge wøk dï paap moa näk kume aŋween?»
39'Ba aløk Pøølli, ni «Aana ŋat Juuth naa käla Tarca yi Cilicia. Aana o thwønh paana ŋäc døc. A kwaya ïïni, nee jiy cäänna.»
40'Ba na nø jïëc gø nee cäänne, Pøøl acuŋŋö bäät thudhi ni tïŋ cere maal ni jooga jiy. 'Ba na nø lïŋge bëët, gena cäänne ki dhi Ibaru, ni kööe,
Currently Selected:
Moa Tïïc Nyïïatwieli 21: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Moa Tïïc Nyïïatwieli 21
21
Kanya Ö Pøølli Na Cääth Jerucalem
1'Ba na nø pääwa ki geni ni tïŋwa ki jää naam, waana put pööth Køc. 'Ba na tïme na aruunnø man, waana pïï Röd. Køøre na jöökwa kunöce, waana pööth Patara. 2'Ba na nø jïtwa ki jääy mo ŋuta løø Pönicia, waana ci yie ni aacwa. 3'Ba na tïm Caypara ni nëënö, ni ewa wii bäät caam, waana ci Ciria, ni mäkwa piny Tayar. Kiper beeye kanya käl jammi wøk ki yi jääy. 4'Ba na nø jootwa kar bääŋi waana bëëdö kaace ki geni ki nïne abïriiø. Ni cäänge Pøøl ki køør Jwïëc Jwøk, ni köge, ni «Kärï ci Jerucalem.» 5'Ba kanya thum nïrögø, waana tïŋŋö ni cäŋwa døø ri wääth marwa. 'Ba geni bëët ki määrge ko obwöre, waana jiethge këël mana pïïcwa ŋää paac. Ni këëlwa cøŋwa piny lak ageela, ni lämwa, ni määthwa dëëtwa. 6Køøre waana ci yi jääy, ni døøge paac.
7'Ba na tïŋwa wääth ki Tayar, waana pïï Tølame, ni määthwa nyïïmëëe ni bëëtwa ki geni ki dïcäŋ aciel. 8'Ba na tïme na aruunnø man, waana tïŋŋö ni ciwa Cecaria ni dønywa øt Pilip, ŋat wø køp luum Jwøk na näk dhaanhø aciel dï Jøøa näk Abïriiø,#Moa Tïïc Nyïïatwieli 6:1-6 ni bëëtwa buute. 9'Ba jïre da nyïïe aŋween ma nyïïakuue mo poot kär nywømø, ni ge wø køpa gïï mo poot ena nyïm. 10'Ba kanya bëëtwa kaace ki nïne møøk, nyikuŋ Jwøk mør mo nyeŋŋe Agaba aöö ki yi Judia. 11'Ba na ö baŋwa, kaw mar Pøøl alwøre ni twöc tiete ki ceŋŋe keere ki gø, ni kööe, ni «Man beeye gïna caan Jwïëc Jwøki na en kur keere, ni ‹Wää kaw man en otwöc jø Juuthi mo wø en yi Jerucalem na ennø nø, ni cïpge gø ceŋ juurre.› » 12'Ba na wïnywa gïnögø, waani ki jøøa en kaace, Pøøl akwaacwa nee ba ci yi Jerucalem. 13'Ba Pøøl ajutö, ni kööe, na «?Agïnaŋø ni tïïyu enøgø, nou jwöŋö nou thääŋa cwïnya? Kiper yaa nø caar ni paa tööc keere, 'ba këël a doo thøw thuwø yi Jerucalem kiper nyeŋ Kwäärö ma Jecu, yia doo met.» 14'Ba na jootwa gø ni luumwa ba wïnynye, waana lïŋö, ni köwa, ni «Mana many Wuue, wëëk tïïc.»
15'Ba køør nïrögø dëëtwa ajiiŋwa ni ciwa Jerucalem. 16Ni ö bääŋi møøk mo käla Cecaria ni jiethge waani, ni ge kïtha wa po Manecan ma nyï Caypara, ŋat ma bääŋ mo okwøŋ jïëy cøøn, ni beeye ŋato bëëtwa buute.
Kanya En Pøølli Jerucalem
17'Ba kanya pïïcwa yi Jerucalem, waana pänh nyïïmëëe ki met ec. 18'Ba na tïme na aruunnø man, Pøøl aci øt Jeemeth ki waani. 'Ba jaak acooŋ Jwøk bëët ena kaace. 19'Ba na nø määthwa geni, Pøøl gïïa tïïc Jwøki dï juurre ki ree, apare jïge no oceele oceele. 20'Ba na wïnyge gø, Jwøk apwøcge. Ni köge ki eni, «Neenï nø, cöökwa, da jiy mo ojïëy dëët jø Juuth mo jïtö ki kume mo thööth, mo ge bëëdö ni cwïnyge caya ciik Jwøk døc. 21'Ba gïrï acaan jïge, ni jø Juuth bëët moa bëëdö dï juurre wø pwönynyï pwönynyö ki man wecge ciik Modhe, ni köömmï geni ni kär nyïïge daŋge, wala ki man gwøkge kööŋŋe moa cääŋŋe. 22?Agïnaŋø nø noo tïïc? Kiper wïnyge wïnynyö ni ïïna nø ö kany. 23Kiper manøgønø, tïïc gïno caanwa jïrï. Da jiy aŋween mo okööŋ dïwa. 24Käl jøøgøøni ni døøyï dëërï mo waany ki geni na aciel, ni coolï gweta dege cïbö, kiper nee wïthge gwäärge wøk.#21:24 Luummögø cäänö kaper kööŋ mar ŋat Nadhir, ni luumme di joodø yi wëël Kwään Jiy 6:1-21 Kanyøgø nø, oŋäc jøw bëëti ni gïïa caan jïge kiperï, bäŋ tietge, 'ba oŋäcge ni ïïni ki dëërï ï bëëdö ni ciik Jwøk iï gwøø. 25'Ba mar juurre moa näk ojïëy, waana nø jääk baŋge ki wëëlö kiper dwøna ŋølwa piny, ni ge doo bëëdö ni karge bäyö ki gïï mo onää jï juu, ki cam remø, ki gïn mo odeeø, ki käp.»
26'Ba na tïme na aruunnø man, Pøøl jøøgø na aŋween yøø akäle, ni døøc dëëre mo waany ki geni na aciel, ni ci Øt Jwøk Mana Dwøŋ kuna caan cäŋ mano thum nïr døøc dëël mo waany marge yie, ki kanyo cïp olämme kiperge bëët.
Kanya Mak Pøøl Øt Jwøk
27'Ba na tïm nïne moøgø na abïriiø ni karge cään ki thumö, jø Juuth moa öö ki Eecia, na neenge Pøøl yi kal mar Øt Jwøk Mana Dwøŋ, yïth jøøa thööth na en kaace bëët acoonge, ni makge Pøøl, 28ni ge rëëdö, ni «Jø Icriel, kunynyu! Ŋati en beeye nyena pwöny jiy bëët bäät piny bäre ki man taakge luup jø pøø, ki ciik Jwøk, ki Øt Jwøk marø man en, ni käl jø Gïrïïk yie thuwø, ni tïïc kany ni en kur keere na mar Jwøk en ni ba waany.» 29Kiper Taröpima nyï Epeca akwøŋge joot pääny ki eni na aciel, ni ege caarø ni eno käl Pøølli yi kal mar Øt Jwøk Mana Dwøŋ. 30Kanyøgø paac bäre apäy, ni ö jiyi bëët ni reŋge kanya ciel, ni makge Pøøl, ni peege gø wøk ki yi Øt Jwøk. Ni ö dhøk kiiri ni puti cïëgö. 31'Ba kanya tïmge ni ge caya man 'näkge Pøøl, awïny kwääy dïkuye, ni Jerucalem bäre atïmö ni döönni. 32Ni puti ya jø tøŋ käl ki kwääc lwaae, ni reŋge baŋ jiy. 'Ba jiy na raŋge kwääy jø tøŋ ki jø tøŋ, ceŋge awecge ri Pøøl ki pöödö. 33Kanyøgø kwääy dïkuye acøø ni mak gø, ni cïpe ki dwøl, ni eni twöc ko oguudi ariiø. Ni pëëe, ni ena ŋa, na agïnaŋø na tïïe. 34'Ba jø møøk dï lwaaøgø rëëdi ni ge cara luup ma teeŋi. 'Ba na tïme ni tier luubö ba maar kwany kiper dïŋaŋ, ena cïpö ki dwøl ni Pøøl kïth kar dïkuye. 35'Ba na iith thudhi mana en dhi øtø, Pøøl atïŋ jø tøŋŋi ni käärge gø, kiper gootø mar lwaaøgø. 36Kiper lwaak cäädhi ni ge rëëdö køøre, ni «'Nägï! 'Nägï!»
Kanya Ö Pøølli Na Piem Ree
37'Ba kanya ö Pøølli na tïme ni eni kïtha kar dïkuye, ena köö jï kwääy dïkuye, ni «?Løny ki man caana gïn mør jïrï?»
'Ba kwääy dïkuye aköö, na «?Aŋø, dhi Gïrïïk ŋäyï? 38?Ï paa nyï Ijep cøøn, na coon yïth jiy ya awääre maya, na bwøth dïnäge wøk dï paap moa näk kume aŋween?»
39'Ba aløk Pøølli, ni «Aana ŋat Juuth naa käla Tarca yi Cilicia. Aana o thwønh paana ŋäc døc. A kwaya ïïni, nee jiy cäänna.»
40'Ba na nø jïëc gø nee cäänne, Pøøl acuŋŋö bäät thudhi ni tïŋ cere maal ni jooga jiy. 'Ba na nø lïŋge bëët, gena cäänne ki dhi Ibaru, ni kööe,
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia