Moa Tïïc Nyïïatwieli 16
16
Kanya Lööm Timöthi Ki Pøøl Ki Cayla
1'Ba Pøøl ki Cayla gena öö Derbe ki Litara thuwø. 'Ba kaace da bääŋ mo nyeŋŋe Timöthi, ma o nyakøøn jø Juuth mo ojïëy. 'Ba wänni ŋat Gïrïïk. 2Ni eni ŋäc nyïïmëëe moa en Litara ki Ayköniem ni ena dhaanhø mo beer. 3'Ba Pøøl manynya Timöthi nee cäädhe ki eni na aciel. Ni käl gø ni daŋ gø kiper nyeŋ jø Juuth moa en kwörögø, kiper ŋäcge bëët ni wänni ŋat Gïrïïk. 4'Ba kanya cääthge dï mïëri, luup moa ŋøl nyïïatwieli ki jaak acooŋ Jwøk yi Jerucalem akøpge jïge nee gwøkge. 5Kiper manøgønø, acook Jwøk atëënnö ki ri ŋäädhe, ni ö jiyi ni bëëtge ni meeta rege ki yïth cääŋŋe bëët.
Kanya Cwøl Pøøl Yi Macedönia
6Ni ö Pøølli ki jøøa en buute ni caathge yïth mïëc Parijia ki Galeecia, kiper mana mäni ya Jwïëc Jwøki na en kur keere ki man køpge luum Jwøk yi Eecia. 7'Ba na pïïcge Micia, gena tïmö ni ge manynya man cige Bithinia, 'ba gena män Jwïëc Jecu. 8Kiper manøgønø, gena pöödhö ki buut Micia ni cige Tarööa. 9Ni ö Pøølli ni läge ki wäär, kee da dhaanhø ma nyï Macedönia mo cuŋŋö ni kwaaya gø, ni köö, ni «Ö yi Macedönia, ni kønyï wa.» 10'Ba ki køør lääk, waana put tïmö ni wa manynya man ciwa Macedönia, ni ewa caarø ni wa cwøla Jwøki ki man køpwa luumma nyään na met jïge.
Kanya Ö Lidia Na Tïme Na Dhaanh Krictø
11Kiper manøgønø, waana tïŋŋö Tarööa ki jää naam ni putwa pööth Camöthareci. 'Ba na tïme na aruunnø man waana ci Niepöli. 12Ni pööthwa Pilipay ki kaace, paana dwøŋŋa eni yi Macedönia, ni beeye paana daa jø Römmi møøk yie. Ni bëëtwa paanøgø ki nïne møøk. 13'Ba na tïme na cäŋ jwömö, waana døny wøk ŋää kiir ni ciwa bäät naam, ni ewa caarø ni waano jïti ki kar lam kaace. Ni pïwa piny ni cäänwa mään mo rege ege cooŋ kanya ciel. 14'Ba dhaanhø aciel dïge mana wïny luumwa beeye nyijø mo nyeŋŋe Lidia, ma nyijø pääny Thayatira, mo wø gädhö ka abïïe ma wøpe, ŋat mo wø bëëdö ni wøøra Jwøk. Eni cwïnye ajap Wuue, ni cek ïthe ki luupa caan Pøølli. 15'Ba køøre na nø lwøk dëëre na nyuudhi ki jø paare bëët, waana kwaae, ni kööe, ni «Ni näk you ŋäädhö ni aano jïëy ki Wuuö na adïëri, ööu, ni bëëdu paara.» Ni ö eni ni käre wa wiiø.
Kanya Twöc Pøøl Ki Cayla
16'Ba kanya cääthwa ni wa cøøa kar lam, waana røømmø ki nyakøø ma laŋŋø mo dëëre da jwøk mo raac mo wø dëëdö ki jammi, ni eni wø kännö ki jammi mo thööth jï jøøa bëënne ki køør adïëda mare. 17'Ba ena läm køør Pøøl ki waani ni rëëdö, ni köö, ni «Jøøi ii beege jø wø tïny Jwøa Dwøŋ ni en Maal, ni ge køpa luum jöör pïëm man piem jiy ki gø jïïu.» 18Ni put gïnögø tïïc ki nïne mo thööth.
'Ba Pøøl yie acwat, ni løk ree ni cään jwøa raac na en dëër nyakøønnøgø, na «A köömma ïïni ki nyeŋ Jecu Krictø, ö wøk dëëre.» Ni put ö wøk dëër gø yi caannøca.
19'Ba na jooti ya jøøa bëënne ni japa wara ŋääthge otïmö ni bäŋgø, geni Pøøl ki Cayla amakge ni peege ge kar gath nyïm kwääri. 20'Ba na nø kälge geni nyïm kwääri, gena köö, ni «Jøøi ii beege jø Juuth na öö ni ge raanynya pøø en. 21Ni ge pwönynya jiy ki kööŋŋe mo ba doo beer kiperø, ø na jø Röm, ki man jïëø geni wala man tïïø ge.» 22'Ba jøøa thööth na en kaace gena dwätö ki jøøgø ni ge manynya man pwötge geni. Ni ö abïïkge ni cöödi ya kwääri wøk dëëtge, ni cïpge ki dwøl nee ge pwöt ka athøre. 23'Ba na nø pwötge geni ki pöödö mo päl, gena leeŋge øt twöc, ni köömge kwääy øt twöc nee ge gwøe døøc. 24'Ba na nø wïny luummögø døøc, gena kïth yi øtø mana en dï øt twöc, ni rwaak tietge yïth orøge.
25'Ba na tïme na dï wäär, Pøøl ki Cayla gena lämö ni wärge ki dudi jï Jwøk. 'Ba jøøa näk otwöö, ïthge acekge jïge. 26'Ba kanyøgø piny ree aput jäŋ døc. Ni tïm dëër øt twöci ni kwanynyi. Ni ö dhøk odhuule bëët ni putge rege jap, ni ö gïïa näk jø twöc otwöö ki ge bëët ni pätge rege. 27'Ba na päc kwääy øt twöci ni neen dhøk odhuule bëët ni ŋammø, opëëllö mare awöth wøk ni manynya man 'näk dëëre, kiper ki baŋe ni jø twöc bëët onø päär wøk. 28'Ba Pøøl acwötö ki dwøl mo päl, ni kööe, ni «Kär dëërï nyäägï, kiper wa nutö bëët!»
29Ni ö nyenøgø ni cwöte ki lambae ni reŋ yi øt twöc, ni leeŋ ree piny nyïm Pøøl ki Cayla, ni dëëre kwanynyi ki lwär. 30Ni käl geni wøk ni kööe, ni «?Jaay, agïnaŋø noo tïïa naa piem?»
31Ni løkge gø, ni «Jïëyï ki Kwäärö ma Jecu ni ŋääthï gø. Ïïno piem ki jø paarï bëët.» 32Ni køpge luum Wuuö jïre, ki jøøa en paare bëët. 33Ni ö kwääy øt twöci ni käl geni wøk wäänögø yi caannøca kiree, ni peny ŋwiili moa en dëëtge. Ni put dëëre lwøk na nyuudhi, ki jø paare bëët. 34Køøre gena kïth øde ni mooc geni ki cam. Ni mïn yie ki jø paare bëët, kiper na jïëe ki Jwøk ni ŋääth gø.
35'Ba na tïme na amöölla, kwääri dïkuye ajääŋge, ni köge, ni «Jøøgø wär wec nee aacge.»
36Ni ö kwääy øt twöci ni caan luupögø jï Pøøl, ni kööe, ni «Kwääri aöönnö, nou wec ni aayu. Kiper manøgønø, ööu wøk ni aayu ki met ec.» 37'Ba Pøøl aköö jïge, ni «Waana pwötge jaak nyïm jiy ni bäŋ ajäla dëëtwa, wa na näk wäät thwöth Röm, ni leeŋge wa øt twöc. ?Aŋø, kawaane wa dege cööra wøk jaak ni ege mooŋø? Jïwa bäyö. Beerra man öge ki dëëtge ni kälge waani wøk.»
38'Ba dïkuye luupögø adwøkge baŋ kwääri. 'Ba na wïnyge gø ni gena wäät thwöth Röm, gena lwäyö. 39Kanyøgø gena öö ni kwaacge ge nee cwïnyge cïpge piny. Ni kälge geni wøk ni pëënyge geni nee aacge paanøgø. 40Køøre gena ö wøk ki øt twöc, ni cige po Lidia. 'Ba na nø neenge nyïïmëëe, gena luumge døøc ni aacge.
Currently Selected:
Moa Tïïc Nyïïatwieli 16: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Moa Tïïc Nyïïatwieli 16
16
Kanya Lööm Timöthi Ki Pøøl Ki Cayla
1'Ba Pøøl ki Cayla gena öö Derbe ki Litara thuwø. 'Ba kaace da bääŋ mo nyeŋŋe Timöthi, ma o nyakøøn jø Juuth mo ojïëy. 'Ba wänni ŋat Gïrïïk. 2Ni eni ŋäc nyïïmëëe moa en Litara ki Ayköniem ni ena dhaanhø mo beer. 3'Ba Pøøl manynya Timöthi nee cäädhe ki eni na aciel. Ni käl gø ni daŋ gø kiper nyeŋ jø Juuth moa en kwörögø, kiper ŋäcge bëët ni wänni ŋat Gïrïïk. 4'Ba kanya cääthge dï mïëri, luup moa ŋøl nyïïatwieli ki jaak acooŋ Jwøk yi Jerucalem akøpge jïge nee gwøkge. 5Kiper manøgønø, acook Jwøk atëënnö ki ri ŋäädhe, ni ö jiyi ni bëëtge ni meeta rege ki yïth cääŋŋe bëët.
Kanya Cwøl Pøøl Yi Macedönia
6Ni ö Pøølli ki jøøa en buute ni caathge yïth mïëc Parijia ki Galeecia, kiper mana mäni ya Jwïëc Jwøki na en kur keere ki man køpge luum Jwøk yi Eecia. 7'Ba na pïïcge Micia, gena tïmö ni ge manynya man cige Bithinia, 'ba gena män Jwïëc Jecu. 8Kiper manøgønø, gena pöödhö ki buut Micia ni cige Tarööa. 9Ni ö Pøølli ni läge ki wäär, kee da dhaanhø ma nyï Macedönia mo cuŋŋö ni kwaaya gø, ni köö, ni «Ö yi Macedönia, ni kønyï wa.» 10'Ba ki køør lääk, waana put tïmö ni wa manynya man ciwa Macedönia, ni ewa caarø ni wa cwøla Jwøki ki man køpwa luumma nyään na met jïge.
Kanya Ö Lidia Na Tïme Na Dhaanh Krictø
11Kiper manøgønø, waana tïŋŋö Tarööa ki jää naam ni putwa pööth Camöthareci. 'Ba na tïme na aruunnø man waana ci Niepöli. 12Ni pööthwa Pilipay ki kaace, paana dwøŋŋa eni yi Macedönia, ni beeye paana daa jø Römmi møøk yie. Ni bëëtwa paanøgø ki nïne møøk. 13'Ba na tïme na cäŋ jwömö, waana døny wøk ŋää kiir ni ciwa bäät naam, ni ewa caarø ni waano jïti ki kar lam kaace. Ni pïwa piny ni cäänwa mään mo rege ege cooŋ kanya ciel. 14'Ba dhaanhø aciel dïge mana wïny luumwa beeye nyijø mo nyeŋŋe Lidia, ma nyijø pääny Thayatira, mo wø gädhö ka abïïe ma wøpe, ŋat mo wø bëëdö ni wøøra Jwøk. Eni cwïnye ajap Wuue, ni cek ïthe ki luupa caan Pøølli. 15'Ba køøre na nø lwøk dëëre na nyuudhi ki jø paare bëët, waana kwaae, ni kööe, ni «Ni näk you ŋäädhö ni aano jïëy ki Wuuö na adïëri, ööu, ni bëëdu paara.» Ni ö eni ni käre wa wiiø.
Kanya Twöc Pøøl Ki Cayla
16'Ba kanya cääthwa ni wa cøøa kar lam, waana røømmø ki nyakøø ma laŋŋø mo dëëre da jwøk mo raac mo wø dëëdö ki jammi, ni eni wø kännö ki jammi mo thööth jï jøøa bëënne ki køør adïëda mare. 17'Ba ena läm køør Pøøl ki waani ni rëëdö, ni köö, ni «Jøøi ii beege jø wø tïny Jwøa Dwøŋ ni en Maal, ni ge køpa luum jöör pïëm man piem jiy ki gø jïïu.» 18Ni put gïnögø tïïc ki nïne mo thööth.
'Ba Pøøl yie acwat, ni løk ree ni cään jwøa raac na en dëër nyakøønnøgø, na «A köömma ïïni ki nyeŋ Jecu Krictø, ö wøk dëëre.» Ni put ö wøk dëër gø yi caannøca.
19'Ba na jooti ya jøøa bëënne ni japa wara ŋääthge otïmö ni bäŋgø, geni Pøøl ki Cayla amakge ni peege ge kar gath nyïm kwääri. 20'Ba na nø kälge geni nyïm kwääri, gena köö, ni «Jøøi ii beege jø Juuth na öö ni ge raanynya pøø en. 21Ni ge pwönynya jiy ki kööŋŋe mo ba doo beer kiperø, ø na jø Röm, ki man jïëø geni wala man tïïø ge.» 22'Ba jøøa thööth na en kaace gena dwätö ki jøøgø ni ge manynya man pwötge geni. Ni ö abïïkge ni cöödi ya kwääri wøk dëëtge, ni cïpge ki dwøl nee ge pwöt ka athøre. 23'Ba na nø pwötge geni ki pöödö mo päl, gena leeŋge øt twöc, ni köömge kwääy øt twöc nee ge gwøe døøc. 24'Ba na nø wïny luummögø døøc, gena kïth yi øtø mana en dï øt twöc, ni rwaak tietge yïth orøge.
25'Ba na tïme na dï wäär, Pøøl ki Cayla gena lämö ni wärge ki dudi jï Jwøk. 'Ba jøøa näk otwöö, ïthge acekge jïge. 26'Ba kanyøgø piny ree aput jäŋ døc. Ni tïm dëër øt twöci ni kwanynyi. Ni ö dhøk odhuule bëët ni putge rege jap, ni ö gïïa näk jø twöc otwöö ki ge bëët ni pätge rege. 27'Ba na päc kwääy øt twöci ni neen dhøk odhuule bëët ni ŋammø, opëëllö mare awöth wøk ni manynya man 'näk dëëre, kiper ki baŋe ni jø twöc bëët onø päär wøk. 28'Ba Pøøl acwötö ki dwøl mo päl, ni kööe, ni «Kär dëërï nyäägï, kiper wa nutö bëët!»
29Ni ö nyenøgø ni cwöte ki lambae ni reŋ yi øt twöc, ni leeŋ ree piny nyïm Pøøl ki Cayla, ni dëëre kwanynyi ki lwär. 30Ni käl geni wøk ni kööe, ni «?Jaay, agïnaŋø noo tïïa naa piem?»
31Ni løkge gø, ni «Jïëyï ki Kwäärö ma Jecu ni ŋääthï gø. Ïïno piem ki jø paarï bëët.» 32Ni køpge luum Wuuö jïre, ki jøøa en paare bëët. 33Ni ö kwääy øt twöci ni käl geni wøk wäänögø yi caannøca kiree, ni peny ŋwiili moa en dëëtge. Ni put dëëre lwøk na nyuudhi, ki jø paare bëët. 34Køøre gena kïth øde ni mooc geni ki cam. Ni mïn yie ki jø paare bëët, kiper na jïëe ki Jwøk ni ŋääth gø.
35'Ba na tïme na amöölla, kwääri dïkuye ajääŋge, ni köge, ni «Jøøgø wär wec nee aacge.»
36Ni ö kwääy øt twöci ni caan luupögø jï Pøøl, ni kööe, ni «Kwääri aöönnö, nou wec ni aayu. Kiper manøgønø, ööu wøk ni aayu ki met ec.» 37'Ba Pøøl aköö jïge, ni «Waana pwötge jaak nyïm jiy ni bäŋ ajäla dëëtwa, wa na näk wäät thwöth Röm, ni leeŋge wa øt twöc. ?Aŋø, kawaane wa dege cööra wøk jaak ni ege mooŋø? Jïwa bäyö. Beerra man öge ki dëëtge ni kälge waani wøk.»
38'Ba dïkuye luupögø adwøkge baŋ kwääri. 'Ba na wïnyge gø ni gena wäät thwöth Röm, gena lwäyö. 39Kanyøgø gena öö ni kwaacge ge nee cwïnyge cïpge piny. Ni kälge geni wøk ni pëënyge geni nee aacge paanøgø. 40Køøre gena ö wøk ki øt twöc, ni cige po Lidia. 'Ba na nø neenge nyïïmëëe, gena luumge døøc ni aacge.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia